آيكوم 2200 استعمال مرة واحده فقط ( اخو الجديد )

[عااشق الدهناء]

السلام عليكم ورحمة الله وبركاته


للبيع ايكوم 2200 ما استعمل إلا مرة وحدة بس والجهاز نظيف جداً


طبعا معه ريشه وقاعدة التثبيت ومسامير التثبيت ومشبك يثبت بالطبلون لتعليق الريشه


بصراحة يا اخوان رحت لأحد المحلات بشارع عمر بن الخطاب ببريدة عشان اكشف على الجهاز وملحقاته قبل ما اعرضه وقالي ان الجهاز اصلي ولا فيه خلل


اما بالنسبة للقاعدة اللي تجي على شكل حرف U صناعة صينية واستغربت من كلامه وقلت له الرجال اللي عطاني اياه يقول شارية جديد ولا استخدمه الا مره وحده بس قالي راعي المحل ان بعض التجار يفك الكرتون وياخذ القاعدة الاصلية ويحط بدالها تجارية وتمشي على الزبون لان ما فيه ذاك الفرق الكبير بين القاعدتين
وعموما هي مجرد قاعدة للتثبيت ولا يضر اذا كانت اصلية ولا تجارية من وجهة نظري لان الكثير ما يستخدمها واهم شي الجهاز اصلي
وعلى كلام صاحب المحل يقول انه كان يباع بسعر 1400 ريال قبل لا ينقطع وانا والله ما ادري هل الجهاز لا زال موجود ولا انقطع


وانا والله يا جماعة الخير ما لي لا ناقة ولا جمل بالبيعة مجرد عرض لأحد الأصدقاء


والحين اتركم مع الصور اللي توضح نظافة الجهاز واتمنى عدم بخس الجهاز حقه




http://www.mekshat.com/pix/upload05/images241/mk185619_1.jpg





http://www.mekshat.com/pix/upload05/images241/mk185619_2.jpg





http://www.mekshat.com/pix/upload05/images241/mk185619_3.jpg





http://www.mekshat.com/pix/upload05/images241/mk185619_4.jpg




والله يرزق الجميع ,,



ــ

[وليد 5]

وعليكم السلام
بكم حاده

[عااشق الدهناء]

وعليكم السلام
بكم حاده


ما حده يا بعدي على السوم






....الله يرزقك البيعه الطيبه....


آمين الله يجزاك خير وكل مسلم


ـــ

[راشد الشطيطي]

راح بـــــ 600 طال عمرك

اذا انت حول القصيم اجيك اخذه منك

[abo-lma]

بسم الله وعلي بركة الله


نقول بــ 800 ريال

ورزقي ورزقك علي الله

[عااشق الدهناء]

راح بـــــ 600 طال عمرك

اذا انت حول القصيم اجيك اخذه منك


يا مال العافية





بسم الله وعلي بركة الله


نقول بــ 800 ريال

ورزقي ورزقك علي الله




سبحان من يرزق من يشاء بغير حساب
والله يعافيك يا بعدي


يا جماعة الخير الجهاز يعتبر جديد يعني لو انا بغش الناس قلت جديد ومحد يقدر يميز ابداً من نظافة الجهاز ما بين عليه انه مستخدم
ومثل ما ذكرت سابقا الجهاز يباع بسعر 1400

اتمنى اعطاء السلعة حقها وشكراً

ــ

[سعد الرويس]

اخوي عاشق الدهناء ياليت تتصل علي
هذا رقمي 0557733528

[abo-lma]

بسم الله وعلي بركة الله

وهذي ١٠٠٠ ريال

ورزقي ورزقك علي الله
واذا امكن رقم مجالك للتواصل

[عااشق الدهناء]

بسم الله وعلي بركة الله

وهذي ١٠٠٠ ريال

ورزقي ورزقك علي الله
واذا امكن رقم مجالك للتواصل

سومة طيبه من وجه طيب

واذا سمحت لي بس اوضح لك شي
الحين لو تبي تشتري جديد راح تدفع 1400 ريال هذا اذا حصلته وانا والله ما ادري هل هو فعلا منقطع ولا لا بس بناء على كلام احد المحلات
الامر الثاني الموجود الحين 2300 وسعره 1800 ريال

والجهاز هذا طال عمرك يعتبر جديد يعني لو طاح عن قيمة الجديد 100 ولا 150 ريال تعتبر كسبان ان شاء الله لانه جديد والرجال على حد ما قالي ان مشتراه قبل فترة 1200 ريال

السومه والله طيبه وبيض الله وجهك لكن ليتك بس تطلع شوي وبإذن الله الجهاز لك

وراح ارسلك رقمي برسالة خاصة


تحياتي , ,,

[abo-lma]

السلام عليكم ورحمة الله


عاشق الدهناء

عسي الله يباركلك انت وخويك في ذا الجهاز وغيره

ماعاد ورا الالف شي اذا بعتني ارسلي رساله على الخاص

وان ما بعتني عسي الله يرزقك البيعه اليي تسرك وتوسع خاطرك

موفق خير

[عااشق الدهناء]

السلام عليكم ورحمة الله





عاشق الدهناء


عسي الله يباركلك انت وخويك في ذا الجهاز وغيره


ماعاد ورا الالف شي اذا بعتني ارسلي رساله على الخاص


وان ما بعتني عسي الله يرزقك البيعه اليي تسرك وتوسع خاطرك


موفق خير




وعليكم السلام ورحمة الله وبركاته



اول شي الله يبارك بعمرك يا بعدي ويجزاك الف خير




والله يا بعدي السومة وصلت 1100 ريال لكن الرجال هون عن البيع لانه باع جهازه القديم وهو كان عارض هذا وهذاك واللي يباع اول يخلي الثاني وتم بيع القديم وبلغني اني ما ابيع الجهاز مع ان الرجال اللي سامه صامل والله

ولك علي لو احد يذكر لي جهاز للبيع ارسلك رسالة خاصة على طول مع اني والله ماني راعي بيع وشرا بس الزملاء دائما يشاوروني بالكنود بحكم اني كنت هاوي مراسلات سابقاً وان حصل شي بلغتك ان شاء الله





قل آمين .. الله يرزقك بالجهاز الطيب بالسعر الزين ويوفقنا وياك وكل مسم





تحياتي