حصلت هذا المقياس لدرجة الحرارة لا يفوتكم

[أبو مسفر]

السلام عليكم ورحمة الله وبركاته
حصلت عند ساكو مقياس لدرجة الحرارة اشتريته بمئة ريال عبارة عن قطعتين وسلك .

القطعة الأولى عبارة عن شاشة بنور ازرق يوضع فيها بطاريتين صغيرتين AAA :
1 - مقياس نسبة الرطوبة الخارجية .
2 - مقياس درجة الحرارة الداخلية . سواء بالفهرنهايت أو المئوية .
3 - مقياس درجة الحرارة الخارجية .
4 - الساعة ويمكن مشاهدة التاريخ بدلاً من الساعة .
5 - ماكس وماين لمشاهدة أعلى مستوى لدرجة الحراراة وأدنى مستوى .

القطعة الثانية عبارة عن جهاز واير لس يشبك فيه سلك للحساس الخارجي .
ويوضع في هذا الجهاز بطاريتين AAA الصغيرة .
ولا بد من فك أربعة براغي صغيرة جداً لوضع البطاريات .

لربط الشاشة بالوايرلس تضع الرقم خلف الواير لس على 1 أو 2 أو 3 ثم تضغط خلف الشاشة على CHANAL لاختيار الرقم المناسب من 1 - 3 حسب الزر .
ثم الانتظار لالتقاط الاشارة وبعد ذلك تكون الشاشة قد التقطت اشارة الوايرلس لدرجة الحرارة الخارجية

اترككم مع هذا المقطع للتوضيح

TtijzIvu_24

[ساري بريدة]

الله يعطيك العافيه

[دليلة1]

سلمت .. جهاز طيب ويستحق التجربه والإقتناء .. بارك الله فيك على المجهود ولاهنت..

[مشقاح]

سلمت يدآآآآآآآآآك أخووووووك على الشرح الوافي
طبعآ عندي نفس الجهاز وله سنه الى الآن معي وفعلا جهآز محترم وشغآل
بس ما عرفت الى الان كيف أغير الساعة وأضبطهآ مع التاريخ
يعطيك العافية يا أخوي ما قصرت

[ثعول بردية]

ماشاء الله تبارك الله بيض الله وجهك

[طير ألسعد]

السلام عليكم ورحمة الله وبركاته
للبيع
قز بريموس 2069 سويدي جديد
الموقع الرياض

















توكلنا على الله
رزقنا الله واياكم من واسع فضله

[أبو مسفر]

ساري بريدة
دليلة 1
مشقاح
خالد وليد
طير السعد

اشكركم على مروركم جزاكم الله خيراً

[AL-KHUSHAIBY]

جهاز طيب
يعطيك العافيه

[قصيمي وأفتخر]

مشكور ياراعي الموضوع

أنا شريت قبل ثلاث أيام مقياس ترمومتر سعره 19 ريال ويباع عند ساكو اللي بخريص وجربته الايام الماضية

المقياس دقيق جدا طبعا شريته بعد كلام الناس عنه ويمدحونه

[أبو الحارث 4]

أخي أبا مسفر عرض جميل وتعليق في الفديو أعجبني، ببساطته وعدم التكلف، واصل هذه الفديوهات.

[بحر الموده]

ماشاء الله تبارك الله بيض الله وجهك

[أبو مسفر]

مشكور ياراعي الموضوع



أنا شريت قبل ثلاث أيام مقياس ترمومتر سعره 19 ريال ويباع عند ساكو اللي بخريص وجربته الايام الماضية



المقياس دقيق جدا طبعا شريته بعد كلام الناس عنه ويمدحونه


سبحان الله تصدق اني حاط الاقتباس علشان تترجمه لي لأن كلامك طلع لي باللغة الانجليزية ويوم طلع الاقتباس وإلاه عربي ؟
ياخي انا اعاني من بعض الردود ويمكن احياناً بعض الصفحات تجيني كتابتها انجليزية مدري وش السبب ؟؟؟
ياليت اخوي قصيمي تنزل صورة جهازك ماشاء الله بس 19 ودقيق ؟

[عاشق الموطن]

بيض الله وجهك اخوي ابو مسفر
ويعطيك العافيه على الشرح الوافي

[قصيمي وأفتخر]

سبحان الله تصدق اني حاط الاقتباس علشان تترجمه لي لأن كلامك طلع لي باللغة الانجليزية ويوم طلع الاقتباس وإلاه عربي ؟
ياخي انا اعاني من بعض الردود ويمكن احياناً بعض الصفحات تجيني كتابتها انجليزية مدري وش السبب ؟؟؟
ياليت اخوي قصيمي تنزل صورة جهازك ماشاء الله بس 19 ودقيق ؟



أبشر بالصورة

بالنسبة لكلامي أنه دقيق أقصد اللي يبي درجة الحرارة بس أما التفاصيل الثانية الرطوبة

والرياح غير موجودة


على العموم أبصوره وأنزل الصورة بإذن الله

[أبو مسفر]

الاخوة :
أمطار الخشيبي
أبو الحارث 4
بحر المودة
عاشق الموطن
جزاكم الله خير واعذروني على التعليق والشرح الناقص
وعسى فديوهاتي جازت لك يأبا الحارث ؟
الاخ قصيمي أكرر اعتذاري : يبدو ان نوعية الخط عندك لا تظهر لدي الا باللغة الانجليزية !
واضطريت اني اسوي اقتباس لأجل قراءة الرد ثم العودة للصفحة الرئيسية .
وعلى العموم ما قصرت وننتظر الصورة

[قصيمي وأفتخر]

معذور يا أبو مسفر وش دعوى عادي


هذي الصورة ( 1 )


http://im14.gulfup.com/2012-01-27/1327669382901.jpg (http://www.gulfup.com/show/Xbjlq7k512m9)



الصورة ( 2 )


http://im22.gulfup.com/2012-01-27/132766964791.jpg (http://www.gulfup.com/show/X37h3fghpp0d9)


الصورة ( 3 )



http://im12.gulfup.com/2012-01-27/1327669737771.jpg (http://www.gulfup.com/show/Xbjpioiztz81)