المساعد الشخصي الرقمي

مشاهدة النسخة كاملة : ياأهل القصيم . . . تراني جايكم بإذن الله . . .


بن سليم
04/04/2006, 10:03 PM
بعد التحيه والاحترام :

أخواني الاعزاء مشرفي وأعضاء منتدى مكشات :


في أقرب فرصه إن شاء الله سوف أقوم بزياره لمنطقة القصيم

وودي من أخواني أعطائي بعض المعلومات التي

من خلالها استطيع قضاء مستلزماتي التي أبحث عنها ومنها :

لوازم الرحلات

الاماكن التارخيه

مناطق الربيع

مناطق سياحيه

واي شئ مفيد أو أنصح بزيارته من قبلكم .


أرجو الرد في أقرب فرصه


أخوكم : بن سليم:D
هاه..؟
05/04/2006, 01:04 AM
شف وأنا أخوك.........
عندك المذنب به أماكن حلوة(الجيفة وخرطم ...)
عندك رامة جنوب البدايع
عندك جبل ساق شمال غرب الخبراء
هذا اللي عندي والشباب مهب مقصرين بالباقي
وترى القصيم كله عقب الأمطار والسيول ما ودك تعداه
راكب الهلي
05/04/2006, 01:59 AM
اخي بن سليمhttp://mekshat.com/vb/images/smilies/icon14.gif

ان كنت تبحث عن لوازم الرحلات > فلا تبعد عن السنيدي ببريده ( اكيد سامع فيه )
اما الاماكن السياحيه >( فلا يفوتك داون تاون عنيزه و ساعة بجبنhttp://mekshat.com/vb/images/smilies/biggrin.gif http://mekshat.com/vb/images/smilies/biggrin.gif )


و طعس المغيسليه الخميس وموب كل خميس http://mekshat.com/vb/images/smilies/frown.gif
أبو فراس
05/04/2006, 11:01 AM
السلام عليكم ورحمة الله وبركاته

اذا كنت جازم لا يفوتك ابو فراس

ترا نبي نزعل ونحط بخاطرنا اذا ما مريت علينا واسأل حامد الغامدي / ابو فهد ( مهراس )
بلاك إيجل
05/04/2006, 11:08 AM
وغن جيتنا سبت العلاياء فيها مناطق جبلية غاية في الروعة
بس هاه
لازم تمرعلينا ولا ناخذ بخاطرنا
بن سليم
05/04/2006, 12:48 PM
بعد التحية والاحترام :

أخوي العزيز :

هاه..؟

مشكور والله يعطيك العافيه

وإن شاء الله أحاول أزور المناطق التي ذكرتها . . .

وأهل القصيم دائماً راعين الاوله

ليتهم يزوجوني من عندهم .. .. ههههههههههههههههههه

================================================== ============

أخوي العزيز :

راكب الهلي

الله يعطيك العافيه وظني مايخيب دوم فيكم بس جبن وين موقعه ياليت توضح اكثر . . .

================================================== ========

أخوي العزيز :

أبو فراس


وعليكم السلام ورحمه الله وبركاته

مايحتاج كفو والله يابو فراس

وكله الا زعلكم بس خلني أصمل وأبشر بعزك

================================================== ==

أخوي العزيز :

بلاك إيجل

مشكور وجزاك الله الف خير

بس االظاهر أن سبت العلاياء بالجنوب والا أنا غلطان

بس أبشر بالزياره إن شاء الله بالصيف

أخوكم : بن سليم
أبوالوليد
05/04/2006, 02:09 PM
حياك الله يا قلبي .. :)
يا هلا وغلا ..

عين فراش وعين غطاء ..

إذا ماشالتك الأرض تيلك عيوننا .. << وش رايكـ بالمصريات عاد . . :D


بالنسبة للمواقع ..

أبخبرك علن مواقع جميلة وقريبة ..

عندكـ جنوب شرق عسيلان .. حو ل الحصاانة ..
فيه مواااقع جنة فعلا .. أرض خضراء ..

وفيه موقع ذكره عمي لي ..

يقول إذا خليت السويدة بظهرك .. وصرت رايح جنوب ..
يجيك الموقع .. أرض خضراااء شاسعة جميلة ..

ولا تنسى فيضة الصريف .. لكن المشكلة كثرة الزبااائل فيها .. :(
ولا حول ولا قوة إلا بالله ..



حياك الله وبياك ..
بن سليم
05/04/2006, 09:30 PM
بعد التحية والاحترام :

أخوي العزيز :


أبوالوليد2002

تحيا وتدوم

والمهلي مايولي

وتسلم عيونك يالغالي

الله يعطيك العافيه والصحه

ومشكور على المواقع . . .

أخوكم : بن سليم
نيتروجين xp
05/04/2006, 09:50 PM
السلام عليكم ورحمة الله وبركاته

وحياك الله أخوي ببلدك الثاني القصيم

محلات مستلزمات الرحلات كثيرة بالقصيم وفي بكل مدينه من مدن القصيم ومن أشهرها :

السنيدي ببريدة

المكشات بالرس(طريق دخنة)

الخيمة بالرس(بالسوق التجاري)

القناص بالرس وهو جديد ماله الا اسبوع فاتح وموقعه بطريق دخنه بعد شعيب أبو عوض

السناف بالرس وموقعه بطريق المدينه

وطبعاً المحطات الي بمخرج كل مدينه لا تخلو من مستلزمات الرحلات

وأما بالنسبة للمواقع التاريخية فعندنا بالرس برج الشنانه المشهور ويقع قرب بلدة الشنانة القريبة من الرس

وأيضاً يوجد بالقصيم وادي الرمة المشهور والذي يعتبر أكبر الأودية بالمملكة

وأما المكاشيت والجبال القريبة من الرس فهي:

القشيعين ( الأنعمين ) وهما قريبان جداً من الرس

وبعدهما جبل ( كير)

وبعده جبال خزاز المشهورة

وإلى اليمين جبال أمره

وجبال طخفه

وجبال سواج

وقرب نفي توجد جبله

وإلى الغرب من الرس توجد جبال النبهانية

ومحيوه ( جبال ونفود)

وجبل الدوسري والجبال المحيطه به

وقرب ضليع رشيد توجد أيضا جبال مشهورة كثيره


ويوجد بين الرس والبدائع نفود رامه الغربية ورامه الشرقية


هذا ما لدي عن مدينتي الرس وباقي المدن الأخوان ما يقصرون وأي خدمة أنا حاضر

وأتمنى لك زيارة موفقة وتجي وترجع بالسلامة . . .

وتقبل تحيات أخوكـ: المجتهــد - القصيم - الــــرس .. ..
مهراس
06/04/2006, 12:06 AM
السلام عليكم ورحمة الله وبركاته


الأخ بن سليم: رحله موفقه للقصيم .....والأخ زميلنا العزيز أبو فراس في عنيزه يشهد الله كم اكرمنا هو وربعه وكل أهل القصيم تاج على الراس، الله يديم المحبه، ونقدر نرد الجميل.

وبالمناسبه شوف موضوعي (لقاء المحبه) في الخيمه العامه.



(الله الله بالصور وكم حبة فتيت وكليجا)

(شوفني أحتريك تحت)

:D
بن سليم
07/04/2006, 12:39 AM
بعد التحية والاحترام :

أخوي العزيز :


المجتهد

إسم على مسمى ماشاء الله تبارك الله

وحياك الله أخوي ببلدك الثاني القصيم ( شايفني أجنبي ) تراني سعودي ههههههههههههه أحب أمزح ههههههههههه

تبي الصراحه يبالي شهر إجازه حتى أزور المواقع التي ذكرتها ههههههههههههه

مشكور والله يعطيك العافية .

==================================================

أخوي العزيز :

مهراس


مشكور والله يجزاك خير





ترا نبي نزعل ونحط بخاطرنا اذا ما مريت علينا واسأل حامد الغامدي / ابو فهد ( مهراس )

ليكون أبو فراس زعل عليك يابو فهد الله يستر ليكون بيزعل علينا أذا مامريناه

وترى يمكن تطوّل بالإنتظار شوي الله يعينك تتنتظرني كم يوم إحتريني . . . . .ههههههههههههههههههه.


أخوكم : بن سليم:D
بن سليم
09/04/2006, 12:53 AM
بعد التحية والاحترام :

يشبااااااااااااااااااااااااااااااااب وين الردود ترى بهون عن الرحله هههههههههههههههههههههههه

ترى أمزح قرب الموعد وأنا أنتظر من إخواني المشاركه وإبداء النصيحه والتوجيه

أنا في أنتظاركم بالرد . . . . .

أخوكم : بن سليم
بن سليم
09/04/2006, 11:32 PM
بعد التحية والاحترام :

بإذن الله سوف أحل ضيفاً على القصيم غداً . . . غداً . . . ( الاثنين ) الموافق 13/ 3 / 1247هـ ونرجوا من الله التوفيق والسداد

أخوكم : بن سليم
وحيد111
10/04/2006, 01:02 AM
اخوي بن سليم

حياك الله في القصيم ...

ان ماشالتك الارض نشيلك فوق روسنا
بن سليم
11/04/2006, 11:55 AM
بعد التحية والاحترام :

ماشاء الله تبارك الله والحمد لله وجهي فيه خير إن شاء الله البارحه امطار وخير ونعمه .

مريت على بعض المحلات لمستلزمات الرحلات ولي زيارات أخرى لمواقع مميزه بالمنطقه بس كل شي بظروفه

أخوكم : بن سليم