تكفون ياهل الامريكي طالبكم وداخل على الله ثم عليكم

[مخ سعودي]

السلام عليكم ورحمه الله وبركاته
اخواني عندي مشكله عويصه حيرتني
المشكله / ظهور لمبة التشك انجن والتراكشن ( وانطفاء عداد ضغط المكينة )
الاعراض / خشونه غيارات القير
السيارة من نوع تاهو 2008
السبب / كنت مسافر الى منطقة مكة المكرمة وحدثت المشكله على سرعه 160 كيلو متر


بعدها توجهت الى البيان وسويت كشف كمبيوتر واتضح بان المشكله من الدعسه تبغى تنظيف وبرمجة سوينها
وكنت راجع من مكة ورجعت المشكله من جديد تكفون اللي يعرف سبب المشكله وانا راجع للبيان من جديد علشان يزيونها علما بانهم يوم ينظفون الكربون اللي على الدعسه استغربت تواجده بكثره وش السبب اكيد الاحتراق مو تمام الحل ياشباب تكفون

[رحال7]

تقصد الدعسه تحت الرجل او شيء ثاني؟

على كل حال نظف حساس الهواء والثروتل وبالتأكيد فلتر الهواء ركب جديد اذا كان قديم
والله يسهل امرنا وامركم

[م/عبدالله]

وقودك ... 91 .. والا 95

[مخ سعودي]

تقصد الدعسه تحت الرجل او شيء ثاني؟

على كل حال نظف حساس الهواء والثروتل وبالتأكيد فلتر الهواء ركب جديد اذا كان قديم
والله يسهل امرنا وامركم
اولا السلام عليكم ورحمه الله وبركاته
لا يالغالي اقصد tps نظفته وركبت فلتر هواء جديد ونفس المشكلة رجعت
واحترت الورش نصابة

[مخ سعودي]

وقودك ... 91 .. والا 95

95 يالغالي نوع البنزين

[الفحل]

الموتر جايه عج وانت مسافر

[مخ سعودي]

الموتر جايه عج وانت مسافر

لا والله يالغالي وحتى لو جاه عج كان ما طاح ضغط المكينة فجأه واشتغلت لمبة المكينة والستبلبي

[رحال7]

اولا السلام عليكم ورحمه الله وبركاته
لا يالغالي اقصد tps نظفته وركبت فلتر هواء جديد ونفس المشكلة رجعت
واحترت الورش نصابة

فى شغلتين
-حساس الهواء اللي بعد الفلتر مباشره يتم تنظيفه بمنظف الكترونيات وبعنايه
-الثروتل نفسه ينفك ويتنظف ولكن يحتاج برمجه بعد التنظيف
-حسااس دعسة البنزين
-مشكله فى البنزين..استخدم منظف بخاخات اصلي من جي ام بكميه كفايه

اعتقد ان مشكلتك فى احدالامور اللي فوق والله اعلم!!!

[مخ سعودي]

هلا والله باخوي رحال وأشكرك على اهتمامك
اما بالنسبة للثروتل نظفته وغيرت الفلتر وسويت برمجة
اما البنزين راح ارجع الى ٩١
اخر حل راح اسويه ابشتري حساس tps
لكن مالقيته لوحده يجي كامل مع البوابه وسعره كامل اصلي من عند التقوى ٤٩٠ ريال

[Magellan]

المشكلة وصفك مو دقيق
ما أدري بالضبط وش الآن صاير بسيارتك
لكن على العموم لمبة التراكشن مالها علاقة بحساس الثروتل
انا ما انصحك ابدا تغير الثروتل ، لأنه يبدولي احد اسلاك الحساس منقطع عليك فإشتغلت لمبة التراكشن او الحساس مكسر
فلا تتعب حالك مع تغيير الثروتل لأنها ماراح تطفى اللمبة وعندك التراكشن فيه خلل
والمفروض سويت لنا صورة من العدادات عندك واظهرتها هنا في هذا الموضوع

[ولد الأجاويد]

الله يسهل أمرك ويفك معاناتك

[بيق مان]

الله العالم انك معبي بنزين ملوث (مغشوش) في الخط .. مب بعيدة عليهم.
الحرص على التعبئة من المحطات والشركات الموثوقة مطلوب.
اعانك الله وسهل امرك.

[مخ سعودي]

والله ياجماعه الخير يوم حصلت معي توقعت ان سير التايمن انقطع ونزلت من السيارة لقيتها شغالة مع العلم ان ضغط المكينة مطفي ولمبة المكينة والتراكشن شغاله اضطريت امشي عليها مسافه ٥ كيلو لاقرب محطة لاحظت عندها تفتفه في السيارة وتعشيق القير فيه مشكله يوم وصلت المحطة فصلت البطارية وشبكتها رجع كل شي طبيعي فصار كل ماحصلت المشكلة نقزت وفصلت البطارية وطرحت المشكلة لورشة البيان وسوت المذكور أعلاه تنظيف الثروتل لكن رجعت بس تأخرت يعني في تحسن وعلشان كذا فكرت أغير الحساس مع البوابة حقت الثروتل

[مخ سعودي]

الله العالم انك معبي بنزين ملوث (مغشوش) في الخط .. مب بعيدة عليهم.
الحرص على التعبئة من المحطات والشركات الموثوقة مطلوب.
اعانك الله وسهل امرك.


الله فكرت فيها لكن عبيت من محطة جزالا اللي في نزلت القدية ماتوقع يغشون فيها

[مخ سعودي]

واليوم راح اروح البيان حق الشفاء وافحص كمبيوتر وربنا يعين

[Magellan]

انت مغير بواجي قبل فترة بسيطة،،،،
والسيارة جنزير حديد يعني مافيها تايمن

[مخ سعودي]

لا والله ماغيرتها يالغالي

[مخ سعودي]

ابشركم اليوم دخلت السيارة البيان مع انهم قمه النصب والاحتيال اذا ماوقفت على روسهم
لكن تم تنظيف البوابة من جديد وكذلك اعادة البرمجة مع تغير البنزين الى 91 وتنظيف حساس tpsوكذلك حساس اخر قريب من عمله والحمد لله رجع الموتر زي اول فزته وصفاوته ونسال الله السلامة

[رحال7]

ابشركم اليوم دخلت السيارة البيان مع انهم قمه النصب والاحتيال اذا ماوقفت على روسهم
لكن تم تنظيف البوابة من جديد وكذلك اعادة البرمجة مع تغير البنزين الى 91 وتنظيف حساس tpsوكذلك حساس اخر قريب من عمله والحمد لله رجع الموتر زي اول فزته وصفاوته ونسال الله السلامة

الحمدلله رب العالمين