مشكله عندي في الجيب

[الهايم 2007]

السلام عليكم

شباب انا معي جيب ربع تايوتا وعندي رجه في الموتر تروح وتجي

الرجه طبعا ما تجي الا في فترات مختلفه يعني على 100 على 80 مابين 140

طبعا الموتر عليه فرارات يعني مب رجة عامود ولى ترصيص الرجه تجي تنفض الدركسون

وطبعا رحت شديت الرمانات والدوده وخفت خفيف بس باقي موجوده احد صارتله

والمشكله ماتجي الا اذا ثبت رجلي يعني على سرعه معينه اذا كنت داعس ماتجي

او اذا هديت.

ووش الحل مع مكان الورشه لاهنتو موقعي الريااض

[عبقري زمانوه]

صباح الخير

اخوي ممكن تشيك على مساعد الدركسون احتمال كبير الرجه منه

[الهايم 2007]

صاز اخوي هذا هو الوحيد اللي ماشيكت عليه

بس ماطلع منه زيت اخبر اذا صار خربان يطلع منه زيت

بس بحاول افكه وشوف

يعطيكـ العافيه.

[احب الحيا]

السلام عليكم
يالغالي غير ربلات مساعد الدركسون تكون متشققه ومتقطعه تراها تسبب رججججه قويه
واحسن لك غير مساعد الدركسون والربلات الي تمسكه بالعمود

[جرهد]

مساعد الدركسون يرج معك في حال ضربت مطب وانت مسرع
تشعر بالارتجاج ويكون قوي غير كذا ما يوضح معك


انتبه للترصيص بالكفرات
ترا ما كل واحد يضبطه
خصوصا اذا كان الجنط شنبر

[طير بيروت]

يمكن لازم تخرط الهوبات

[خ الفياض]

وش الموديل
اذكر الموديل وان شا الله ارجع لك
وكم ماشي الموتر
وهل تعرض لحوادث او انقلاب لسمح الله
ان شاء الله امرها بسيييييييييييييط

[الهايم 2007]

الموديل 2001 والحمدلله الموتر ماتعرض لشي من صدمات

ونا ركبت فحمات بدون خرط وباقي بشيك على مساعد الدركسون وربلاته

الجنوط اللي عليه جيتي مب الشنابر

ومشكورين على التفاعل

[خ الفياض]

شيك على الجلد الاماميه كامله من والى

والافضل عمل تربيط وممكن تحصل المشكله الاساسيه

احيانا كثيره يكون الدفرنس فيه عوج وماهو جالس صح وكل بعد فتره تتقطع الجلد ويصير الحديد بالحديد
الدركسون يسويها وجلده الدركسون
ممكن الفرار مو شغال مضبوط تأكد منه

[جرهد]

يمكن لازم تخرط الهوبات

الهوبات إذا كانت تعبانه تحدث رجه في حال ضربت فرامل تشعر بها
أما إذا كنت ماشي عادي ما يصير رجه

[جرهد]

الموديل 2001 والحمدلله الموتر ماتعرض لشي من صدمات

ونا ركبت فحمات بدون خرط وباقي بشيك على مساعد الدركسون وربلاته

الجنوط اللي عليه جيتي مب الشنابر

ومشكورين على التفاعل

بخصوص مساعد الدركسون وربلاته
أنا كان معي ربع وقاعدة مساعد الدركسون مكسورة تماما
ومع ذلك ما يرج مي لو أمشي 180
وكانت عليه جنوط عراض حقت جيب جي اكس ار 97
وكفرات دنلوب

غريبه والله جنوط جتي ممتازة وخفيفة جدا وما تحدث رجه

[جرهد]

شيك على الجلد الاماميه كامله من والى

والافضل عمل تربيط وممكن تحصل المشكله الاساسيه

احيانا كثيره يكون الدفرنس فيه عوج وماهو جالس صح وكل بعد فتره تتقطع الجلد ويصير الحديد بالحديد
الدركسون يسويها وجلده الدركسون
ممكن الفرار مو شغال مضبوط تأكد منه

أيوووووووه

أنت مركب فرارات

وتقول الموديل 2001

يعني خمس مسامير

حسب معلوماتي أنه ما جاء فرارات أصلية لهذا النوع
وفيه فرارات برازيلية لونها فضي نيكل يقولون تفصل
وانا ما جربتها

تأكد من الفرارات هل هي شغاله معك صح
احتمال تكون المشكله في تركيبها
لأنه لازم عند تطبيق الفرارات تركب في مكانها صح
وذلك إذا حطيتها وقبل ما تركب المسامير فيها تثبت في مكانها
وماترجع معك

كذلك زي ما قال فياض تأكد من الدفرنس يمكن فيه اعوجاج
لأنها تصير بالجيوب خصوصا اللي يطامرون عليها تلقه يفحج
مع الوقت ويعدم عليك الكفرات

[شغيه]

شيك علي البواجي واسلاك البواجي قد جاني بموتري الاول نفس المشكله وصارت من اسلاك البواجي

[قناص العرج]

شيك على المساعدات والاذرعه

[قناص العرج]

شيك على المساعدات والاذرعه/

[جويات الهمل]

من مساعد الدركسون وماجاك علي

[accentkool]

في لااحتمال تكون من الجنوط او من الوزنية واجزاء الدركسون

[الزنون]

اذا الرجه تصير اذا دعست هوية خفيفة ويبدا ينتفض الموتر
المشكلة بالربلات

اذا هي نفس اللي تصير بالجيب الباترول وللحين ما حصلت حلها
انصحك بورشة الهبيش ببريده الحل عنده

[1 أبو يزن 1]

شيك على
1 / مساعد الدركسون
2 / ربلات الرباط
إذا رج الموتر لف الطارة فجأة وبسرعة إذا راح 100% من ربلات الرباط