أســعار الآيكــوم الجديد الياباني الاصلي 2100 و 2200 و 8000

[الليل السرمدي]

شباب حبية انزل هذا الموضوع لان الطلبلات على الاجهزه بتزيد نظراَ لكثرة التنزه في البراري في هذه الاجواء جعلها الله اجواء رواحانيه بالعبادة وطاعة الرحمن .


اسعار اجهزة الكنود ( الايكوم في سوق الرياض بالمرسلات لسنة /1433/)



نبدا بجهاز الايكوم 8000 / الجهاز كامل اصلي ب(1400) ريال .



ايكوم 2200/ كامل اصلي ب( 1200) ريال.




ايكوم 2100 / 1000 ريال .

[الصقار3]

عليكم السلام ورحمة الله وبركاتة .
لك جزيل الشكر ولاهنت.يالذيب

[عاشق 0000]

ممتاز



بس يالغالي ابي استفسر منك و من الاخوان المطلعين على اجهزه الايكوم


وش افضل نوع من الثلاثه هاذي

من ناحية الحراره ( بعضهن اذا طول وهو يشتغل يحتر و تحتر الاسلاك والله يستر لا يحترق )
من ناحية المدى او المسافه اللي ممكن يوصلها الجهاز
من ناحية الاستخدام بشكل عام



والله يعطيكم الف عافيه مقدماً

[مطنوخ مطير]

انا ابي جهاز تنصحوني في ايش وايش افضلها من قوة الارسال

[راعي طفات]

ياليت تضع أماكن بيعها وأرقامهم

والـ 2100 هل هو جديد ؟؟

شكرا لك

[انا هو هو انا]

نفس السؤوال اللي فوق 2100 جديد او مستعمل

[ابوالفهد]

لله يعطيك العافيه

[أبو عقيل النجدي]

لا يوجد 2100 جديد اطلاقاً

قد يوجد ويكون نظيف جداً لكن جديد لا

لكن يوجد بديل وهو أفضل منه 2200 الفرق الوحيد بينهم هو قوة الإرسال لصالح 2200

وإذا لقيت كنود 261 أبو زر برتقالي هذا أفضلهن لكن هذا من النادر وجوده

[زويحان 2]

وش تنصحوني يا شباب آخذ من هذه الإثنين؟

ودي أهل الخيره يعطونا النصيحه

ايكوم 2200 ولا الايكوم 8000
و الـ8000 يجي مدمج به مروحه هل هو أفضل؟

[يوزر نيم]

السلام عليكم :
سؤالي هل فيه أحد اشتكى من سوء استخدام ال 2200 مع العلم أنه خليفة ال 2100
ولكن بزيادة تردد الطيران من 118.500Mhz ..
اخواني الكرام .. هذا معلومـة لايعرفهــا إلا أصحاب الخبرة والفنيين وهو أهم شيء
بالجهاز ألا وهو الأيسي ( بالنسبة للـ 2200) الايسي أكبر وأفضل من الايسي للجهاز
الـ (8000) والموديل الجديد اللي بينزل (2300)والله أعلم ..
تحياتي للجميــــع ،،،

[فرقاص]

يوزر مع كلامك واضيف:
عندك ياسو 2900r فهو ممتاز ويحتاج لمن يجيده وقوي ارسال 75 واط ويبدد الحرارة بدون مروحة(جهاز عسكري) كم تصفه شركة ياسو ،موقع آخر يسميه (جهاز ملكي)

http://ts2.mm.bing.net/images/thumbnail.aspx?q=1532057355125&id=120f547f05c3f2df5424e125271ac9f8

------------

[al_saqr911]

شباب انا ابي جهاز من النوع القديم 2100 اللي عنده هالجهاز ياليت يقولي

[عناز الحره]

على حسب خبرة احد الاخوه وهو خبير فى الاجهزه ويملك الايكوم
الـ2100 والـ2200 يقول بعد التجارب والاختبار اتضح ارسال الـــ2100 اقوى من 2200

[صقرحايل]

من يخبرلي جهاز
جديد او مستعمل 2200
8000
واكون له من اشاكرين

[ليث السراحين]

شباب انا ابي جهاز من النوع القديم 2100 اللي عنده هالجهاز ياليت يقولي
موجووووووووووود ونظيف للبيع براسي ياسو كان عندك ياهــــــلا

http://www.mekshat.com/vb/showthread.php?t=480385

[ابو البر]

2100 افضل

لآن تردده على موجه وحده VHF بقوة 45 وات تقريبا وكل الناس على هذه الموجه تقريبا .
اما اغلب بقيت الآجهزه فهي تعمل بقوة تقريبيه 75 وات ولاكن مقسومه على موجتين VHF بقوة 40 وات وUHF بقوة 35 وات وبالتالي الآمر محسوم لصالح 2100مع الاخذ بالاعتبار ان نوع السلك بالنسبه للمنازل يجب ان يكون RG8 او RG11وبالنسبه للسيارات فهو بالرمز U .
كذلك نوعيه الآناتل واللذي يعتبر الآنتل الدايمون( الآصلي المختوم من الداخل )هو الآفضل من ناحية توزيع الحراره (خل احد اصحابك يراسل بالآياكم وانت حط يدك على الآريل بتحس بحراره خفيفه )
اما الانواع الاخرى فهي تعطي قوة نوعا ما ولاكن لاتمتص الحراره مما يجعل الجهاز يجاهد في اخراج الحراره الى ان يتعطل الا في حالة تركيب مروحه فهاذا يساعد ولاكن لايحل المشكله ....وطبعا البعض لايستخدم الجهاز بصورة مستمره فيعتقد ان الآمور طيبه مع الجهاز .
ارجو ان اكون افدتكم مثل ما استفدت منكم في جميع مواضيعكم ومشاركتكم .
تحياتي للجميع .

[الخزامى2004]

انا عندي 2200 نظيف استخدام في البيت لم يستخدم في السياره يعني ما جاه رمل للبيع

[زويحان 2]

يا الخزامى كم حدك بالجهاز ؟

شراي وصامل و أنا أخوك إن شاء الله

[يحب البر]

لا يوجد 2100 جديد اطلاقاً

قد يوجد ويكون نظيف جداً لكن جديد لا

لكن يوجد بديل وهو أفضل منه 2200 الفرق الوحيد بينهم هو قوة الإرسال لصالح 2200

وإذا لقيت كنود 261 أبو زر برتقالي هذا أفضلهن لكن هذا من النادر وجوده

عندي واحد مستعمل تراه معروض للبيع

[الوديع]

يعني غالى موجد الان 1700 بدون الاريل