لغزي يابو ذيبان سهل المصايد ( جديد ),,,,,,,,,,,الحل ابوغبير ,,,,,,, حله ابوذيبان وكفو

[ابو ماجد 2]

بسم الله الرحمن الرحيم

السلام عليكم ورحمة الله وبركاته

اللغز موجه لمن نثر ابداعه بهالمنتدى ومن سطع نجمه
لغاز رماع راقي بتعامه ( ابو ذيبان )
انا عارف ان لغزي لايرتقي لمقامه ولكن انا اقدم شعور لاشعر
ارجو ان يتقبله مني واللغز مفتوح للجميع


جيت الذي ذبح الحجا له عوايد=رجلٍ بنى بالغطو دارٍ عليِّه
الياتلغزجاك بالغطو جايد= وليارمى ذبح الحجا له سجيه
لغزي يابو ذيبان سهل المصايد=على الذي عشقه يذلل عصيِّه
عن علةٍ ذكره مع الناس سايد=كم بنت صارت من سبابه رديِّه
عله يابو ذيبان شالت ضدايد=الياقسمت الاسم بانت جليّه
أول وثالث حرف فيهم نكايد=طبعٍ تغلغل بالنفوس الشقيِّه
وثاني ورابع حرف فيهم فوايد=طبعٍ تمكن بالنفوس النقيِّه



مع تحيات ابو ماجد

منتديات مكشات 0 خيمة الالغاز

[حمد؟؟]

صح لسانك ابو ماجد
ماشاء الله عليك مبدع
نظم ولا اروع
ويستاهل ابو ذيبان
الااسناد
وهو كما وصفته
لله درك
والرمعه لاتحضر الان
دمت بخير

[ابو ماجد 2]

صح لسانك ابو ماجد

ماشاء الله عليك مبدع
نظم ولا اروع
ويستاهل ابو ذيبان
الااسناد
وهو كما وصفته
لله درك
والرمعه لاتحضر الان
دمت بخير


صح بدنك يالغالي
والروعه هو مشوارك وخطواتك الواثقه نحو التألق
صح بدنك
ولولا اني واثق من رحابة صدر ابو ذيبان لما تجرأت وقدمت له هذا اللغز
ولكني واثق ان مبدعنا ينظر للشعور قبل كل شيء
ابو ذيبان يستاهل معلقه ولكن الجود من الماجود
حياك يالغالي
وانتظر مرماعك

[ابو ماجد 2]

الاخوة الافاضل
اللغز حله المبدع ابو ذيبان برسالة خاصة
ولكن حب الرد يكون شعرا

[ابوذيبان]

صح لسانك ابو ماجد

ماشاء الله عليك مبدع
نظم ولا اروع
ويستاهل ابو ذيبان
الااسناد
وهو كما وصفته
لله درك
والرمعه لاتحضر الان
دمت بخير


تستاهل الطيب ياحمدنا

رفع الله قدرك وجمل حالك

دمت بالقرب

[ابوذيبان]

حي الزعيم اللي رقى مجد كايد=حيه وحي أسناد جاء لي هدية
زعيمنا صاحب علومٍ فرايد=يجمع جميع الطيب راعي الحمية
حللت لغزك ياوسيع البنايد=فيه الدهاء فيه الفنون الملية
شبيت ضوي طامعٍ بالبعايد=ياعلها تجذب رجالٍ سوية
من برنا بالضيف ننظم قصايد=والضو شعلا والهوى شاذلية
واخذت اجاوب نايحات الجرايد=نوحٍ يهيض من جروحه خفية
رقيت معهن في علو الجوايد=برد راعي الغي والبندقية
ياللاسف بين التمر شفت زايد=غبير غطا فرخ واعمى خويه
حولت وانا نفسي عليها شدايد=واسمع رمي شوزن بقربي قوية
اثره رمى ام الفروخ الجدايد=الغي لاعبه ترك نفس حية
تمت ولبست القوافي قلايد=وزفيها صوبك ونفسي رضية

[ابو ماجد 2]

حي الزعيم اللي رقى مجد كايد=حيه وحي أسناد جاء لي هدية
زعيمنا صاحب علومٍ فرايد=يجمع جميع الطيب راعي الحمية
حللت لغزك ياوسيع البنايد=فيه الدهاء فيه الفنون الملية
شبيت ضوي طامعٍ بالبعايد=ياعلها تجذب رجالٍ سوية
من برنا بالضيف ننظم قصايد=والضو شعلا والهوى شاذلية
واخذت اجاوب نايحات الجرايد=نوحٍ يهيض من جروحه خفية
رقيت معهن في علو الجوايد=برد راعي الغي والبندقية
ياللاسف بين التمر شفت زايد=غبير غطا فرخ واعمى خويه
حولت وانا نفسي عليها شدايد=واسمع رمي شوزن بقربي قوية
اثره رمى ام الفروخ الجدايد=الغي لاعبه ترك نفس حية
تمت ولبست القوافي قلايد=وزفيها صوبك ونفسي رضية

ماشاء الله تبارك الله
زادك الله من فضله
ابداع 0 ابداع 0 ابداع
يانبع الابداع
صح لسانك ملايين ولله درك ومافيك حيله
وتستاهل كل عبارة فيها ثناء
نعم
غبير
يصيب التمر
اول وثالث حرف غي
ثاني ورابع حرف بر
جعلنا الله واياكم من اهل البر
اخوي نبع الابداع
اطربتنا بالرد الله يسعدك دنيا وآخره

[فهد الهلالي]

عادت ابو ذيبان ركب الشدايد=يارد حياض الموت فزع لخويه
لو كان دربه شايك بالحدايد = بوقت القوايل رمضها كالشويه
لوطالت الدنيا دروبه بعايد= يطب بحر الغوص ياخذ حليه
واللغز يابو ماجد مثل الطرايد = يطيح للقناص باول رميه
ورمية ابو ذيبان جاب العوائد= خلى الثنادي مثل مقلع طميه

[ابوذيبان]

ماشاء الله تبارك الله

زادك الله من فضله
ابداع 0 ابداع 0 ابداع
يانبع الابداع
صح لسانك ملايين ولله درك ومافيك حيله
وتستاهل كل عبارة فيها ثناء
نعم
غبير
يصيب التمر
اول وثالث حرف غي
ثاني ورابع حرف بر
جعلنا الله واياكم من اهل البر
اخوي نبع الابداع
اطربتنا بالرد الله يسعدك دنيا وآخره


صح الله ابدانك اباماجد

اخجلتني جعل عمرك طويل ع الطاعة والسعادة

تقبل الله دعواتك ولك ولجيمع من يقرأ بمثلها واضعاف

دمت في القلوب

[ابوذيبان]

عادت ابو ذيبان ركب الشدايد=يارد حياض الموت فزع لخويه






لو كان دربه شايك بالحدايد = بوقت القوايل رمضها كالشويه
لوطالت الدنيا دروبه بعايد= يطب بحر الغوص ياخذ حليه
واللغز يابو ماجد مثل الطرايد = يطيح للقناص باول رميه
ورمية ابو ذيبان جاب العوائد= خلى الثنادي مثل مقلع طميه

ــــــــــــــــــــــــــــــــــــــــــــــــــ ــــ

ــــــــــــــــــــــــــــــــــــــــــــــــــ ــ


يامرحبا ياشيخ صايد وفايد=عوايدك جزل الشعر والعطية
يامرتفع عن الخطأ والنقايد=كسبتنا ياشيخ ابحسن الطوية
تستاهل اسمك وسط كل الجرايد=نثني على شرواك والشمس حية
قايد لنا واحسنت ياخير قايد=الله يجازيكم بخير الجزية
اعداد ما لج الفضاء بالرعايد=صلوا على المختار خير البرية

[النبهاني]

ابو ماجد ابو ذيبان ابو محمد
صح السنتكم جمييييييييييييع
لله دركم وبيض الله وجيهكم
امتعتونا الله يمتع بأعماركم

[ابو ماجد 2]

هلا بك يابو سالم
مرورك شرفنا يالغلا
اللغز طاب بردود ابو ذيبان وابو محمد
ومرور الوجيه الطيبه مثلك
ولو اني شره عليك ورضاي تعرف تسويه الله يامرك عليه

[النبهاني]

لك حق تشره ثم لك حق وحق نرضيك

[ابوذيبان]

ابو ماجد ابو ذيبان ابو محمد



صح السنتكم جمييييييييييييع
لله دركم وبيض الله وجيهكم


امتعتونا الله يمتع بأعماركم


صح الله ابدانك غالينا ’ النبهاني

وجهك ابيض اليوم ودوم

واكيد صفحة فيها ابوماجد وابومحمد ’ سوف تكون طربية

ويمتعك بكل ماتتمناه

دمت بتواصل ياغالي

[تميمي.1]

صح لسانك يابوماجد
وصح لسانك يابوذيبان
ولايهون باقي الاعضاء والزوار


عز الله انكم امتعتونا...!
ان بغيت الالغاز فابداع
وان بغيت الشعر فطرب


الله يوسع صدوركم بالعافيه
والواحد يفتخر بخوة شرواكم

[ابوذيبان]

شرواك الطيب يامبدعنا ’ تميمي1

صح الله ابدانك ياغالي

متعك الله بكل ماتتمناه

دمت في القرب

[ابو ماجد 2]

صح لسانك يابوماجد

وصح لسانك يابوذيبان
ولايهون باقي الاعضاء والزوار


عز الله انكم امتعتونا...!
ان بغيت الالغاز فابداع
وان بغيت الشعر فطرب


الله يوسع صدوركم بالعافيه

والواحد يفتخر بخوة شرواكم


هلا بك اخوي تميمي
صح بدنك والفخر لي بمعرفة شرواك يالغالي
واذا ماتواجد ابو ذيبان وابو محمد فالابداع يصحبهم الله يزيدهم