عسل سدر وازهـار..باسم الهلالي(جديد),,,,,,,,,,الحل الرايات السود ,,,,,حله برق القصيم

[ال-رايق]

السلام عليكم ورحمة الله وبركاته:
شيخنا وقدوتنا أبو محمد ..من فترة وانا اريد توجيه اللغز لحضرة جنابك الغالي وانتظرت تشريفك حتى تكون متواجدا وان اثنيت عليك فأنا لست بأول اخواني اللي سبقوني,,وكلامي فعلا توجّه الى من يستحقه.. وان قصّرت فهذا ليس عجزا مني قدر ماهو من الخصال اللي فيك وهذا من طيب حظك طابت حياتك ومن يقرأأأ
واللغز للجميع ’’ وتفضلوا:

ياحيّ رجـــل(ن) قال.. يدك والحـــــــار=وحيّ الفعول اللي تشوش الرجــالي
ومرحوم ياشيخ(ن) سعى وسط الاقطـار=في دين رب العزة, والجلالــــــــي
ماردّته دنياه من دوس الاخطـــــــــــــــار=يهرف سواة الذيب مع جو خالــــي
سر ياقلم واكتب من الخاطر اشعــــــــــار=ثم سجّل العنوان بسم الهلالــــــــي
اكتب فهد نعم الرجل واف الاشبـــــــــــار=زيزوم شيّال الحمول الثقالــــــــــي
وارسم على خدود الورق حلو الاسطـــــار=صف المعاني من يمين وشمالـــي
اكتب سلامي عدّ ماهلّت امطـــــــــــــــار=شهرين والــ -ودّان- فوق امتتالــي
سلام(ن)احلى من عسل سدر وازهـــــار=ولاّ حليب بكار تتلى المفالــــــــــي
من بعد ذا أكتب على زين معبــــــــــــار=يابو محمد لك ابسند سؤالـــــــــــــي
أجــــــــــــــدادنا واجدادنـــا الغـــرّ الابرار=قد حذرونا من علوم توالــــــــــــــي
عن شمط عجز(ن),تحترق كنّها القــــار=دحدار سفلى فالهن ما هوعالــــــــي
عطنا اسمهن وامجار ياطيّب الكـــــــــار=وامنين مالقّيت في طيب فالــــــــــي
وسلامتكم’’’’’’’’’
أخوكم/أبو مهنّــــــد

[ابوذيبان]

يطيب لي ان اكون اول من يعانق هذه الفاتنة

صح الله السانك مبدعنا وشاعرنا ’ ارمادجي11

ابداع * ابداع * ابداع * ابداع *

وبيض الله وجهك اليوم ودوم

عوايدك يا اباالعوايد

ولاقلت الا الحق في شيخنا’ ابامحمد ’ الله يوفقه

ويستاهل وانت تقوى

والحمدلله ع السلامة

والرمعة لم تحضر بعد ’ ذهب تفكيري في حلاوة الابيات ومعانيها واهدافها السآمية

طبت وطاب ممشاك

[ابوذيبان]

رميعة ’ السبع الموبقات

دمت مبدعا شاعرنا

[ال-رايق]

يطيب لي ان اكون اول من يعانق هذه الفاتنة

صح الله السانك مبدعنا وشاعرنا ’ ارمادجي11

ابداع * ابداع * ابداع * ابداع *

وبيض الله وجهك اليوم ودوم

عوايدك يا اباالعوايد

ولاقلت الا الحق في شيخنا’ ابامحمد ’ الله يوفقه

ويستاهل وانت تقوى

والحمدلله ع السلامة

والرمعة لم تحضر بعد ’ ذهب تفكيري في حلاوة الابيات ومعانيها واهدافها السآمية

طبت وطاب ممشاك

الله يسعك ويوفقك ,, واستاذ يصحح لتلميذه وللتلميذ الفخر
والله يسلمك على كل حال اخوي /ابوذيبان

[ال-رايق]

رميعة ’ السبع الموبقات

دمت مبدعا شاعرنا

ل
لأسف ’’لكن الاتجاه سليم.
لاهنت يابوذيبان
وننتظر المحاولة الاخرى

[يوسف الخليفة1]

وعليكم السلام ورحمة الله وبركاته

حياك الله أخي الفاضل ارمادجي11

ما تقول في الفتن

[أبو رافع الظاعن]

صح لسانك أبا مهند

يستاهل أبو محمد المعلقات ...وأنت وافي ما قصرت ...

رميعة :

العقارب ؟ التي تأتي بعد الشبط ؟؟

[أبو رافع الظاعن]

أو أيام العجوز ؟؟ وهي سبعة أيام ...

يشتد فيهن البرد جداً ...

أيام العجوز هي سبعة أيام تأتي في نهاية فصل الشتاء حيث يشتد فيها البرد و الزمهرير.

هذه الأيام هي الأكثر برودة في السنة , و هي تنقسم على شهرين, أربعة منها في نهاية شهر(فبراير),و

ثلاثة من أول (مارس)و قد سميت كذلك لأن العجوز تكرهها لشدة بردها و خوفها أن تنتهي بها الى الهلاك.

أسماء الأيام السبعة هي"صن" و"صنبر"و"وبر"و"امر"و"مؤتمر"و"معلل"و"مطفئ الجمر".

[مقرنس الشيهان]

صح لسانك يابو مهند دائما محلق في سماء الابداع
وابو محمد يستاهل راع الضلع الحمر اللي تحول الى اكاديمية باكورة خريجيها
ابو فيصل الله يعطيه الصحه والعافيه
تسجيل حضور ولي عوده بعد التمعن

[ال-رايق]

وعليكم السلام ورحمة الله وبركاته

حياك الله أخي الفاضل ارمادجي11

ما تقول في الفتن

أ
اولا/أهلا بك وسهلا مشرفنا العزيز/والساعة المباركة
للأسف كمسمى اما معنى فأنت بالاتجاه السليم
حاول ولنا الشرف مرة اخرى

[ابوذيبان]

الجديدة يالشاعر

التحذير من الفرق اهل البدع والضلالات

مثل الرافضة والخوارج والمتصوفة واهل الكلام و الكثير الله يهديهم ويكفينا شرهم

دمت بخير

[ال-رايق]

صح لسانك أبا مهند

يستاهل أبو محمد المعلقات ...وأنت وافي ما قصرت ...

رميعة :

العقارب ؟ التي تأتي بعد الشبط ؟؟


اسفرت وانورت بأديبنا الفاضل/ابا رافع
والرمعة هذي واللي بعدها بعيده الله يبعدك ومن يقرا عن النار
اللغز--دين ومعه

[ال-رايق]

صح لسانك يابو مهند دائما محلق في سماء الابداع
وابو محمد يستاهل راع الضلع الحمر اللي تحول الى اكاديمية باكورة خريجيها
ابو فيصل الله يعطيه الصحه والعافيه
تسجيل حضور ولي عوده بعد التمعن


المهلي مايولي/اخونا ابومحمد
وصايد ابا العوايد ..ووين قسمنا من الصيد
على العموم اللي عندك قريب
وحياك على كل وقت

[ال-رايق]

الجديدة يالشاعر

التحذير من الفرق اهل البدع والضلالات

مثل الرافضة والخوارج والمتصوفة واهل الكلام و الكثير الله يهديهم ويكفينا شرهم

دمت بخير

والله يابوذيبان ..وش اقول ..انت في عليقتك صيد هيا الله لايهينك طلع من الصيد مسمى
ونقول بسم الله والله اكبر.

[أبو رافع الظاعن]

يمكن الفتن التي كقطع الليل المظلم ؟

[مقرنس الشيهان]

المهلي مايولي/اخونا ابومحمد
وصايد ابا العوايد ..ووين قسمنا من الصيد
على العموم اللي عندك قريب
وحياك على كل وقت


ابشر بالخير ياوجه الخير

[ال-رايق]

يمكن الفتن التي كقطع الليل المظلم ؟

قرّبت يابو رافع وهن لهن اسم وانت شاطفه على قولتك

[مقرنس الشيهان]

وش رايك بالمهالك او التهلكه

[ال-رايق]

للتوضيح اللون اختلفوا الناس احد يقول معنا واحد يقول ضدنا وفيه حديث يوصف الشيء هذا

[ال-رايق]

وش رايك بالمهالك او التهلكه

ابو محمد //وهرجك على متمه الاتجاه واحد
اريد اسم هالعجائز الله يقلعهن كانهن ضدنا

[أبو رافع الظاعن]

أيام الصبر القابض على دينه كالقابض على الجمر !

[ال-رايق]

أيام الصبر القابض على دينه كالقابض على الجمر !

للأسف ابعدت الموضوع مسمى لهالشمط اللي حذرونا اجدادنا الابرار منهن

[مشاري الشهري]

اول حرف ميم ساعدنا عاد

[ال-رايق]

اول حرف ميم ساعدنا عاد

أبشر ..لكن الحرف غير صحيح
المساعدة ان هالعجائز تشوفونهن بالتلفاز

[مشاري الشهري]

طيب وش يدل أنهن عجايز

[ال-رايق]

طيب وش يدل أنهن عجايز

أ
انت ذكرتني بواحد يسأل خويه وش اسم هالطير قال -ام سالم قال طيب وقبل تجيب سالم وش اسمها؟؟
بعد الحل يوضح الوجه

[مشاري الشهري]

طيب عمرهم صاك ال٨٠

[ال-رايق]

طيب عمرهم صاك ال80

اكثر
بكثير

[النبهاني]

وعليكم السلام ورحمة الله وبركاته
صح لسانك يابو مهند ملايين
وفيت وكفيت واطربت وابو محمد يستاهل
رميعه يمكن علامات الساعه الكبرى

[ال-رايق]

وعليكم السلام ورحمة الله وبركاته
صح لسانك يابو مهند ملايين
وفيت وكفيت واطربت وابو محمد يستاهل
رميعه يمكن علامات الساعه الكبرى

حي الله أخوي/ابوسالم
وصح بدنك وكلك.. والله لايهينك
أما الرمعة للأسف ..انظر الشطر اللي قبل الاخير من اللون تعرف المقصود وفيه حديث تحذير

[ناصر العلي]

سلمت يالغالي
وصح لسانك
وأبومحمد كفوو ويستاهل كل خير
ويش قولك بـ حديث أبى هريرة أن رسول الله صلى الله عليه وسلم قال: "صنفان من أهل النار لم أرهما : قوم معهم سياط كاذناب البقر يضربون بها الناس، ونساء كاسيات عاريات مميلات مائلات رؤوسهن كأسنمة البخت المائلة لا يدخلن الجنة ولا يجدن ريحها وإن ريحها ، ليوجد من مسيرة كذا وكذا"

[ال-رايق]

هلا وغلا بالدكتور والله حيه
والرمعة تبغى محاولة منك يابوعلي ماهي صعبة عليك
المقصود غير حي---شعار لحي

[عليق بري]

صح لسانك ابو مهند ..

محاولة .. الرويبضة ..

[ال-رايق]

صح لسانك ابو مهند ..

محاولة .. الرويبضة ..




حياك الله اخوي/عليق
وصح كلّك وان شاء الله بخير
محاولة اخرى خذ من الوصف او اللون ويطلع المسمى

[ال-رايق]

اسمحوا لنا ربع ساعة
تحياتي

[حمد؟؟]

صحححححححح لسانك
صصصصصصصصح لسانك
يامرحبا يامرحبا يابو مهند
ياخي فاقدينك حمد الله على السلامه
انورة الخيمه
وبعدين وش هلابداع
ماشاء الله عليك
والرمعه على السريع
نقول
الاهرامات

[برق القصيم]

صح لسانك اخوي ارمادجي
وابومحمد يستاهل معلقات
وعندي رميعه طال عمرك
فيه حديث واعتقد انه ضعيف والله اعلم
الرايات السود من المشرق !!

[ال-رايق]

صح لسانك اخوي ارمادجي
وابومحمد يستاهل معلقات
وعندي رميعه طال عمرك
فيه حديث واعتقد انه ضعيف والله اعلم
الرايات السود من المشرق !!


الله يحييك
وككككككككككككففففففففففففففففففففففووووووووووووووو--وصح لسانك
نعم --فادّعوا انها من افغانستان وانهم طالبان والصحيح والله اعلم انهم من يلطخون بأيديهم على صدورهم وترون الرايات فوق رؤسهم حيث يدعون ويحرفون الحديث بأن الرايات السود هي اللتي سوف تخلص المسلمين وجئت بأبيات (.ومرحوم ياشيخ(ن) سعى وسط الاقطـار=في دين رب العزة, والجلالــــي
ماردّته دنياه من دوس الاخطـــــار=يهرف سواة الذيب مع جو خالــي) وهو الشيخ محمد بن عبدالوهاب رحمه والذي يستحق منا الدعاء بالرحمة فكم هو عظيم مافعله اسكنه الله فسيح جناته --وكم هم يكرهونه.

[ال-رايق]

صحححححححح لسانك
صصصصصصصصح لسانك
يامرحبا يامرحبا يابو مهند
ياخي فاقدينك حمد الله على السلامه
انورة الخيمه
وبعدين وش هلابداع
ماشاء الله عليك
والرمعه على السريع
نقول
الاهرامات


هلا وغلا اخوي حمد ,,والله لايهينك بسؤالك عنا وشايف سؤالك قبل كم يوم وكيف الرد كان ..الله يطول عمرك والامور ولله الحمد على مايرام
هاليومين لازم انام بدري لأن من الفجر تبدا المشاوير الله يعينا وياكم.
تسلم والرمعة للآسف--والحل عند اخونا برق

[فهد الهلالي]

صح السانك يابو مهند جزل من جزل
والله اني مااستاهل كل ماذكرت بالقصيده
ولكن محبتك وطيبتك تروست في سماء الابداع
ورسمت بالقاف طيب اصلك ومعدنك
بارك الله فيك يااخي الغالي
واسف على حضوري المتاخر
وان شاءلله سوف يكون لك توجيه في وقت لاحق
اشكرك يااخي الفاضل ارمادجي
وجاري التفكير
دمت بخير

[ال-رايق]

صح السانك يابو مهند جزل من جزل
والله اني مااستاهل كل ماذكرت بالقصيده
ولكن محبتك وطيبتك تروست في سماء الابداع
ورسمت بالقاف طيب اصلك ومعدنك
بارك الله فيك يااخي الغالي
واسف على حضوري المتاخر
وان شاءلله سوف يكون لك توجيه في وقت لاحق
اشكرك يااخي الفاضل ارمادجي
وجاري التفكير
دمت بخير

يابو محمد الله يهديك انت سابقني بالتوجيه ولا نسيت؟
ثاني حاجة والله ما ابغى احرجك بشي ماهو فيك وانت اللي متحملنا وغثانا((زيزوم ))والله البعير يشيل وساكت وكفو -وما كذبت .. الا وافي اشبار ونص الله يطول عمرك ومن يقرأأ