@@ الفــــــــــــــــــزعه والشــــــــــــــــــــــــــــــــــــور الطيب @@

[العبوب]

بسم الله الرحمن الرحيم

السلام عليكم ورحمة الله وبركاتة

امسي - اصبح على اعضاء وزوار هذا المنتدى الغالي

ما اطول عليكم

معروضه علي شوزن ام خمس (بلجيك)لكن ما اداري من انواع البلاجيك 0

وانا اسمع البلاجيك اكثر من نوع

الوعد عند الرجال بكرة بعد المغرب بشوفها

تكفون ثم تكفون بالربع تراي غشيم فيهن 0 ابغاكم توضحون لي ايهم ازين

من ناحية اسمها وسعرها

ربعي ياربعي لاتخلوني@@ شاكرين ومقدرين

[عين حصنان]

عطية الله البلجيك 32 انش البراوننق ام ذهبه من 6000 الى 10000 حسب النظافه والاستخدام

[العبوب]

عين حصنان اشكرك على المرور

[الشرطى]

والله مالى بها خبره ( من قال لا فقد افتى )

لكن الناس يدحونها لانها قديما كانت الرائده فى عالم الشوازن قبل وصول الايطاليات .

ولكن نوعياتها أنتظر أهل البلاجيك يفيدونك والله يوفقك

[ابو بدر العتيبي]

اذ كانت من البلاجيك الجدد مثل الماكسيس خذها ولا تشاور من 12500 الى 14000

[العبوب]

اشكركم على المرور

والله لايهين اهل الخبرة نسمع منهم الشور الطيب

[Messerschmitt]

اذا كانت من القديمات فهي ثلاث انواع

بلجيكية

يابانية ميركو

وكنديه مونتريال

وأفضلها بلا شك هي المونتريال

لان سبطانتها كروم بالكامل

ولانها اخر موديل

طبعاً لازم تتأكد من الزناد ( يكون لونه ذهبي )

[شاهين12]

اسال الرجال وش نوعها من البراوننق،عشان نقدر نفيدك ..
البراوننق اصدارتها كثيره ...لو نتكلم عنها بيطول الحديث و بتضيع فيها ؟؟

[العبوب]

اليوم شفت البندق
(بلجيك براونق ام زناد ذهبي طول السبطانه 30)
البندق اخت الجديدة (يعني تقول جديدة)
نسمع اهل الخبرة
شاكرين ومقدرين

[شاهين12]

البرواننق اكثره يجي زناد ذهبي....هي بلجيك ام شجره ولد ....القديمه .......
ولا الاصدارت الحديثه »»»»»»»»»»»»»»»»»؟؟؟؟؟؟؟؟؟

[العبوب]

نعم ام شجرة

[شاهين12]

ام شجره .احلى مافيها ماصورتها ...و30انش مامن فرق من ال32انش بالرمي ...
اهم شي الماصوره تكون نظيفه ...وتراها ماترمي ظغوط حدها 36gالفشق.
وعندك شف الرقم يجي على الماصوره ويجي على كل قطعه فيها ..واذا اختلف اعرف انها ماهي وكاله ...
وعندك الاخشاب كذالك يكون عليها الرقم ...
تاكد انها خاليه من الصدا .وغير مطليه.
وعندك لون شد البلد تميل للازرق غامق حيث انه قريب للاسود..اما اذا جتك سوداء اللون فهي مطليه.
وتاكد من مسامير المكينه انها تكون موزنه صح ....
وعندك سحبت الترباس تكون ثقيله وتعشق على طول ..

ومع ان فك المكينه صعب ،،انظر لترباس من عند الاصبع المساك ،،بتشوف عليه رقم بيكون نفس رقم اللي على الماصوره .اذا كان نفسه فهو شد بلد..

((الرقم يجي بالماصوره من تحت عند الفلنجه اول الماصوره وكذالك يجي على الفلنجه )))

اهم شي الماصوره تكون سليمه لان نصف القيمه على الماصوره......