غيرت طرمبة وفلتروكتاوت وفيوز وكنك لكن العله موجوده

[the one_n]

السلام عليكم ورحمة الله وبركاته


عندي استفسار ياجماعة الخير وان شاء الله القى الحل عندكم

باترول فتك 2008 السلف يدق والبطارية كويسه لكن الموتر ما يتشغل
غيرت الكتاوت حقت الطرمبة الفيوز وطرمبة البنزين وفلتر البنزين قلت عشان ارتاح مستقبلا
اللي حصل ان الموتر الحين اذا كان بارد الصباح :s ما يشتغل بالراحه لازم احاول مره ومرتين وثلاث وتوصل بعض الاحيان لخمس مرات غير الضرب على منطقة الطرمبة
رحت لورشة صيانتك ( ذكرت الاسم عشان لو فيه اي ملاحظه ايجابية او سلبية نبيها تنعرف عن المركز هذا ) ودفعت150ريال قيمة التشييك وطلب الفني اخلي السيارة الى الصباح عشان يشيكها من ناحية الكهرب , لما سألته عن السيارة يقولي علبة الفيوز يبيلها فك وشغل يدي 2500 واذا السيارة احتاجت قطع ممكن تلقاها ب 3000 يعني التوتال راح يكون 5500
هل من الممكن ان يكون كلامه صحيح ؟ مع اني مستبعد هالشي
هل فيه احد واجه مثل هالشي مع الباترول ؟
هل فيه ورشة او مركز متخصص يمكن الوثوق فيه ؟

ولكم جزيل الشكر :)

[سلفرادو ابيض]

اسمح لي اخوي اقولك هذا الميكنيكي حرامي بكل ماتعنيه الكلمه


اولا :- يا اخي روح مر على اغلب الورش اللي متخصصين في الميكانيكا والكهرباء واشرح لهم المشكله واشرط عليهم ماتعطيهم ريال واحد الا اذا انحلت المشكله . واذا ما انحلت ماتعطيهم شي .


ثانيا:- اذا لم تحل المشكله فالله يعينك على الوكاله ( اعطي الخباز خبزه لو اكل نصفه ) مثل معروف


اهم شي لايضحكون عليك اصحاب الورش ويستغلونك وانا اخوك فوالله ان بعضهم ماقد مسك العده والمفكات الا في بلدنا





تقبل ردي بكل رحابه

[ولدالديره009]

السلام عليكم
هذا يأخي العزيز والله وأعلم يكون من قطعه دائما تكون حول التيربو في الثلاجه او في الكربوريتر اذا كانت سيارتك كربوريتر المهم ان وظيفتها تعمل انغلاق للخانق وذلك لسرعة السيارة اذا كانت بارده ام اذا كانت السياره حاره لايعمل وتشتغل السيارة عادي بدون اي مشاكل هذا ما اتوقعه وغيري افهم مني وبالله التوفيق .
تحياتي ،،،

[عبقري91]

واحد من الشباب عند جيب باترول٩٩ ركب طرمبة كابرس صابونه له قرابة٣سنوات زي الحلاوه

[قرم العيال]

هذا حرامي اسمح لي .. اجل 2500 لا يلعب بالموتر بس ..

الموتر وكاله !! يعني اللهات بلد .. ولا مغيره !!

[ابومشاري2]

وعليكم السلام ورحمة الله وبركاته
ولايهمك اخي العزيز الموضوع بسيط جداً قد لايتجاوز سعرها عشرون ريال .. اخوي معه نيسان 2006 طلع الشيب في راسه واخيراً شي بسيط تركبه بيدك .. ارسلي رقمك على الخاص اوصلك لخوي وبأذن الله تنحل المشكله

[the one_n]

هذا حرامي اسمح لي .. اجل 2500 لا يلعب بالموتر بس ..

الموتر وكاله !! يعني اللهات بلد .. ولا مغيره !!

الموتر وكاله واللهات محد قرب لها

[the one_n]

المشكله الثانيه اللي طلعت لي قبل شوي جيت اشغل التكييف لان الشمس اليوم ماشاء الله بالرياض جميله جدا اسمع الكمبريسر يشتغل بس مافيه دفع هواء طارت عيوني يالله ان تجعله خير عاد الباترول قطعه ما ترحم :(

[the one_n]

وعليكم السلام ورحمة الله وبركاته
ولايهمك اخي العزيز الموضوع بسيط جداً قد لايتجاوز سعرها عشرون ريال .. اخوي معه نيسان 2006 طلع الشيب في راسه واخيراً شي بسيط تركبه بيدك .. ارسلي رقمك على الخاص اوصلك لخوي وبأذن الله تنحل المشكله


حبيبي ابو مشاري ما عندي خاصية ارسال رساله خاصه من شروط المنتدى اني اشارك بخمسين موضوع بعدها اقدر ارسل رسايل خاصه

[بدوي جنوبي]

اخوى هذا اللى قالك نفحص علبة الفيوز
خله على جنمب .

انت متأكد انهم ركبوا طرمبه جديده شفتهم وقت تركيبها

رح لكهربائي عادى يعنى المحلات الصغيره
واطلب منه فحص ضغط الطرمبة بساعه الضغط
وهذا موضوع يوضح ذلك للمشرف كبسولة
قياس ضغط طرمبة البنزين للجمسات + تغير صفاية البنزين بالصور ,,,, مع شويه معلومات قيمة (http://www.mekshat.com/vb/showthread.php?t=207564)

انت لا تستعجل حاليا في الاصلاح امشي خطوه خطوة
أذا طلع ضغط الطرمبة فوق ال 50 الافضل يكون ما بين ال 60 و65
كذا ننتهى من مشكله الطرمبة وتأكدنا انها سليمة .

فيه حساس راجع الوقود (نسيت أسمه ) اللى يمنع رجوع الوقود للتانكي بعد ما تطفي المحرك
هذا يساعد على التشغيل فورا ،،،

هذا لابد تفحصه وتتأكد انه سليم وغير كذا اتوقع ما عندك اى مشاكل ثانيه .

بالنسبه لدفع الهواء للمكيف أرجع أفحص فيوز مروحه التكييف
راجع الكتلوج يحدد لك موقع الفيوز او الكتاوت ممكن تحرك مع تغيير الكتاوت حق الطرمبه

أخاف الورشة اللى أشتغلت عندهم مغيرينه :(

مثل ما قلت لك لا تستعجل وأحنا هنا بنتابع معك وان شاء الله الاعضاء ما يقصرو بنصائحهم


الله يوفقك

[ابوسند9]

اخوي
انت غيرت كل شي لكن بقولك حاجه
اذا جيت تشغل الصبح افتح السوتش حتى تطفى لمبة الطبلون وهذا ممكن ياخذ منك 3 ثواني
واما من ناحيه الكتاوت او فيوز الطرمبه :
فا الكتاوت القديم والجديد المعدل اللى لونه اخضر زي بعض هم سكروه بمادة السلكون عشان الغبار والمشكله ليست دخول الغبار انما نظامه زي نظام البليتين فيتكون عليه كربون ولا يوصل كهرباء للطرمبه وهذ الشي صار معي ومع بعض الزملاء فلا بد انك تلغي الكتاوت واشبكه على طول ب 50 ريال عند ورشه محمد التركي وجرب اذا ما اشتغلت اتك تفتح السويك وتفتح علبه الفيوز وبمفك اضرب الكتاوت وجرب
البواجي:
تاكد من البواجي ممكن انت من زمان ما غيرتها ولها دور كبير في التشغيل
فلتر الهواء:
جرب اذا ما اشتغل فك فلتر الهواء وشغل
طرمبة البانزين:
لعلمك اخوي طرمبة الفتك ما عمري سمعت احد خربت عليه وانا اذكر قبل كم سنه كان موتري فيه تقطيع وكان ماشي 150 الف ورحت للمهندس العثيم ببريده وهو مهندس مشهور قلت له ودي اغير الطرمبه وخاف تتعطل على وانا رجال رعي طلعت قال رح واذا خربت تعال وانا المسؤال والحين ماشي معي حول 300 الف والحمد لله
وبالنسبه للمهندس اللي تقول اسمح لي هذا حرامي ولا تكون تركت عنده الطرمبه القديمه ؟
اخوي اتمنى منك انه اذا كان عندك عطل انك تبداء من الاسهل الى الاصعب
والفتك لايضيق صدرك اعطاله معروفه وسهله كل ثلاث سنوات غير كل الكتاوتات اللي بالكبوت وعددها تقريبا خمسه ب 200 ريال وبلف الحراره وغير المويه كل سنه وزيت القير كل 200 الف وتوكل على وهو بطل من ناحيه المحركات
واخير اتمنى اني افدتك واعذرنا الرد غير مرتب

[the one_n]

اخوى هذا اللى قالك نفحص علبة الفيوز
خله على جنمب .

انت متأكد انهم ركبوا طرمبه جديده شفتهم وقت تركيبها

رح لكهربائي عادى يعنى المحلات الصغيره
واطلب منه فحص ضغط الطرمبة بساعه الضغط
وهذا موضوع يوضح ذلك للمشرف كبسولة
قياس ضغط طرمبة البنزين للجمسات + تغير صفاية البنزين بالصور ,,,, مع شويه معلومات قيمة (http://www.mekshat.com/vb/showthread.php?t=207564)

انت لا تستعجل حاليا في الاصلاح امشي خطوه خطوة
أذا طلع ضغط الطرمبة فوق ال 50 الافضل يكون ما بين ال 60 و65
كذا ننتهى من مشكله الطرمبة وتأكدنا انها سليمة .

فيه حساس راجع الوقود (نسيت أسمه ) اللى يمنع رجوع الوقود للتانكي بعد ما تطفي المحرك
هذا يساعد على التشغيل فورا ،،،

هذا لابد تفحصه وتتأكد انه سليم وغير كذا اتوقع ما عندك اى مشاكل ثانيه .

بالنسبه لدفع الهواء للمكيف أرجع أفحص فيوز مروحه التكييف
راجع الكتلوج يحدد لك موقع الفيوز او الكتاوت ممكن تحرك مع تغيير الكتاوت حق الطرمبه

أخاف الورشة اللى أشتغلت عندهم مغيرينه :(

مثل ما قلت لك لا تستعجل وأحنا هنا بنتابع معك وان شاء الله الاعضاء ما يقصرو بنصائحهم


الله يوفقك


الله يعطيك الف عافيه على كل هالمعلومات اللي ان شاء الله انها تفيدني وتفيد اعضاء المنتدى وملاك الباترول

بالنسبة للي ركب الطرمبة انا متأكد 100% انو تم تركيب الطرمبة الجديده والقديمة وفكرة قياس ضغط الطرمبة اليوم ان شاء الله بشيكها وهذا الشي عموما اول مره اعرفه

بالنسبه للحساس بشوف وضعه بعد

طبعا رجعت لنفس المركز اللي عمل لي الفحص وصدمني بالاسعار , ابي اعرف وش علة المكيف لاني مدخل السياره عندهم سليمه من هالناحية بالذات ومتأكد منها قام الفني فتح الطبلون من تحت وفك اغلب الفيوزات والكتاوت والظاهر هو لما سوا الفحص بالكمبيوتر فيه اشياء غلط بتركيبها طبعا حلت المشكلة والمكيف اشتغل ودفع هواء سليم وبارد واليوم الصباح اشتغل الموتر من اول دقة سلف نقول ان شاء الله ان الموضوع انتهى بس مايمنع نقطع الشك باليقين

شاكر ومقدر تعاونك بدوي جنوبي ( خدمك المال والبنون ) :)

[the one_n]

اخوي
انت غيرت كل شي لكن بقولك حاجه
اذا جيت تشغل الصبح افتح السوتش حتى تطفى لمبة الطبلون وهذا ممكن ياخذ منك 3 ثواني
واما من ناحيه الكتاوت او فيوز الطرمبه :
فا الكتاوت القديم والجديد المعدل اللى لونه اخضر زي بعض هم سكروه بمادة السلكون عشان الغبار والمشكله ليست دخول الغبار انما نظامه زي نظام البليتين فيتكون عليه كربون ولا يوصل كهرباء للطرمبه وهذ الشي صار معي ومع بعض الزملاء فلا بد انك تلغي الكتاوت واشبكه على طول ب 50 ريال عند ورشه محمد التركي وجرب اذا ما اشتغلت اتك تفتح السويك وتفتح علبه الفيوز وبمفك اضرب الكتاوت وجرب
البواجي:
تاكد من البواجي ممكن انت من زمان ما غيرتها ولها دور كبير في التشغيل
فلتر الهواء:
جرب اذا ما اشتغل فك فلتر الهواء وشغل
طرمبة البانزين:
لعلمك اخوي طرمبة الفتك ما عمري سمعت احد خربت عليه وانا اذكر قبل كم سنه كان موتري فيه تقطيع وكان ماشي 150 الف ورحت للمهندس العثيم ببريده وهو مهندس مشهور قلت له ودي اغير الطرمبه وخاف تتعطل على وانا رجال رعي طلعت قال رح واذا خربت تعال وانا المسؤال والحين ماشي معي حول 300 الف والحمد لله
وبالنسبه للمهندس اللي تقول اسمح لي هذا حرامي ولا تكون تركت عنده الطرمبه القديمه ؟
اخوي اتمنى منك انه اذا كان عندك عطل انك تبداء من الاسهل الى الاصعب
والفتك لايضيق صدرك اعطاله معروفه وسهله كل ثلاث سنوات غير كل الكتاوتات اللي بالكبوت وعددها تقريبا خمسه ب 200 ريال وبلف الحراره وغير المويه كل سنه وزيت القير كل 200 الف وتوكل على وهو بطل من ناحيه المحركات
واخير اتمنى اني افدتك واعذرنا الرد غير مرتب


طبعا ما اشغل الموتر بأي حال من الاحوال الا بعد ما تنطفى لمبة الطبلون

وعلى طارى الكتاوت او فيوز الطرمبة كلمت رجال شرواك ولا يهوون من يقرا هالموضوع ونصحني بكتاوت لومينا ( كانت معي لومينا واذكر ان كتاوتها مرررره مطابقة لكتاوت الباترول ) طبعا بجرب هالطريقه وان شاء الله ان فيها خير

ورشة محمد التركي وين موقعها مع اني ناوي اروح ورشة الفعيم بمخرج 17 يقال ان الكادر سعودي بالكامل طبعا كل هذا عشان اقطع الشك باليقين ولو عندهم شي نجهل كود نعرفه منهم

واكرر شكري لك بدوي جنوبي ;)

[ابومشاري2]

صباح الخير توكل على الله وسو اللي قلتلك وان شاء الله تتوفق .. وكثرة التردد على الورش يحطك في دوامه ويلخبط الامور عليك .

[مقلع الرمث]

اخوي

ممكن المشكله عندك من منظم الهواء

فك منظم باترول او اي شخص تعرفه وجرب وسعره تقريبا ب 1500

والا عندك حساس كربون يكون بالجانب المكينه تغيره انت مايبي شي

[ابوراكان تبوك]

اذا كل شيء شيكت انت عليه من طرمبة وكهرباء خطير تكون مشكلتك في البلوف ومعروفه اذا السيارة بارده انسى تشتغل واذا احتمى الجو تشتغل السيارة من ثاني دقه شغلة مزاجات

الله ييسر أمرك وان شاء الله المشكلة بسيطه ولا ينصبون عليك الورش لأن صاحبك الأول نصاب

[the one_n]

الان بعد اعادة التشييك على علبة الفيوز والكتاوت رجع الموتر لحالته الطبيعيه واشتغل من اول دقت سلف ولله الحمد لكن يضل بالخاطر شك

وراح اشيك عالموتر مره ثانيه واعلمكم بالتفاصيل عشان ان شاء الله تعم الفايده ونلقى لنا شي نسولف فيه


<< مستاسع صدره 

[أصيل حجآ زي]

http://im.gulfup.com/2011-02-10/12973306271.jpg

يعطيك العآفية على الأفآدة .

[وليد46]

الف شكر لك على هالموضوع اخوي واتمنى من الله انك ماتشوف اي مكرووه في دنيتك يالغالي وبالتوفيق.
وننتظر اخبار التشيك الاخير على خير ان شاءالله

[the one_n]

السلام عليكم ورحمة الله وبركاته


ارجو ان تعم الفائدة لجميع ملاك الفتك ومن يواجه نفس المشكله




المشكلة طلعت فعلا في كتاوت الطرمبة والمشكله حلها كان جدا بسيط لكن سبحان الله العجلة والارتباك تشتت




تفكير ابن آدم , مشكلة الكتاوت كانت ان الكتاوت نفسه مع القاعده اللي موجودة بالضفيره ما توصل كهرباء لان




النحاس اللي موجود بالكتاوت نفسه ما يتلامس مع النحاس الموجود القاعده اللي يسقط فيها بالذات الصباح لان النحاس يتمدد




بالحرارة ويتقلص بالبرودة عشان كذا من كثرة دقة السلف مره ومرتين وثلاث وخمس يبدا يسخن النحاس اللي




بالكتاوت ويقرب الى حد كبير من نحاس القاعده ويوصل الكهرب طبعا يوم الخميس كان يوم بارد بالرياض ومنها




انعرفت المشكله كنت احاول اشغل الموتر ما يشتغل لا مره ولا عشرين مره اللي حصل فتحت الطبلون من تحت




وبديت اشتغل وافحصهم كتاوت كتاوت وفيوز فيوز وزنقه زنقه لما وصلت عند كتاوت الطرمبة كنت لما اضغط




عليه بإتجاة الاسفل وادق سلف يشتغل الموتر مجرد ما افك الضغط يطفى الموتر وسويت هالحركه اكثر من




مرتين عشان أزيد التأكيد على اني اكتشفت المشكلة , طبعا فكيت الكتاوت وجبت واحد ثاني ( زيادة التأكد




والخير خيرين ) ووسعت النحاس اللي بالكتاوت عشان اضمن انه يلامس نحاس القاعدة وركبته وسميت بأسم




اللي ماتنام عينه ودقيت سلف والحمدلله وخليت الموتر بعدها اكثر من مره ست ساعات ( وقت كافي عشان يبرد




الكتاوت ) واشغله والحمدلله الموتر يشتغل من اول مرة





نأسف على الاطالة لكن ودي تعم الفايده للجميع وحفاظا على وقتكم ومالكم من السرقه




بعض الورش اعوذ بالله مايخافون الله اللي يشوفون السعودي خمس مية ريال تمشي

[the one_n]

up



up


عشان تعم الفايده :)

[أصيل حجآ زي]

مشكور أخي الكريم بعد شــُكر الله


لأنك رديت لنا خبر لنستفيد
وليستفيد الجميع أعضاء وزوآر .

http://www.shrpic.com/shrfile/631593




نــُقيمهُ بثلاثة نجوم ذهبية
ونــُضيفهُ للموآضيع المُميزة المُثبت بمُقدمة الخيمة :


المواضيع المميزة في الخيمة (http://mekshat.com/vb/showthread.php?t=233827)


:D


:f