حاله غريبه في الطير بعد العلف نرجوا الافاده

[ابوصويلح]

السلام عليكم جميعا وبسم الله والصلاة والسلام على اشرف الخلق محمد صلى الله عليه وسلم بعد.
عندي الله يحفظكم طير حر 17x1605 الطير طياره تردى على الحمام والملواح والطير نفسيته ممتازه للعلف بس بعد العلف على طول يدلي يرفع مناكب يسويها من 5 الى 6 مرات بس بعد العلف اول مرة يسويها ولا احد يقولي يرص لان الرص بالرقبه وانتم ابخص مني حسب خبرتي قلت يمكن قلاع ودي اشوف رايكم واهل الخبره الي اكثر مني
والله الهادي لسواء السبيل





×

[ربع نت]

اخاف طيرك متملع وشلون مروووشه اعزك الله ومن يقرااا
\

[مربي الصقور]

اخوي شف مراش الطير الله يعزكم ومن يقرا اذا كان متغير اللون فيه مرض واذا مانفع معك اسال دكتور البراء ال عثمان

[سعد 111]

ديدان رئه او ككوسيدا اقرب مستشفى سو تحليل مرش

[ابوصويلح]

الله لا يهينكم جميعا وتفاعلكم مع الموضوع
لون المرش اعزكم الله اول شي لونه اخضر غامق وبعد كذا تفتح شوي والان الهو اليوم الظهر طبيعي بس حجمه كبير شوي وجهه زين ونفسه زينه وش السالفه مدري الاسبوع الي طاف عند العويدي للتشييك على المدهنه لانه داقها قبل كذا قلت السالفه له قال يمكن دود عطيناه ابره والثانيه بعد خمسة ايام ونفس الحركته بعد العلف والطير ما تحسن جناحه الحين بديت من امس كورس قلاع لمدة خمسة ايام وعسى الله يرده لحاله الاولي


وشاكر و مقدر لكم جميعا شخص شخص والي عنده زود لا يبخل علينا فالفايده للجميع وحبيت اشكر القائمين على هذ المنتدى الغالي

[الامبراطوري]

طيرك فية قلاع هو اللي يخلي الطير يطحن العلف اقلاع داخلي

[عأإدل الرشيدي]

انا مع رأي اخوي الامبراطوري اذا يرص يدخل رقبنه بين مناكبه هذا قلاع داخلي والله العالم

[سنجااار]

افحص الطير افضلك

[صقار 2010]

وانا اتفق مع الامبراطور

لان الاقلاع الداخلي لازم ينشال اذا هو مبين

كذا مره تحصل معنا نمهد الطير ونشوفه داخل ونشيله مثل الحبه

ونعطيه سبارتكس لمدة خمس ايام والحمد لله

واذا حولك مستشفى لاتتاخر عليه