سفاري 2000

[هملول السحاب]

السلام عليكم

اخواني معروض علي للبيع سفاري 2000 قير تماتيك بس مشكلته انه ماشي 500 الف.

وراعيه يمدحه حيل يقول ابد الزيت مايقلب ولا ينقص.

شرايكم انا بخليه حق بران وطلعات خفيفه وسفرات عائلية يعني الشرقية الرياض الشمالية..

تكفون رد علي الله يرحم شيبانكم.

[هملول السحاب]

افاااااا 27 واحد مر على الموضوع ولا واحد قالي وش الراي...
ماهكذا تورد الابل ياشباب....

[كسير الحظ]

السلام عليكم

اخواني معروض علي للبيع سفاري 2000 قير تماتيك بس مشكلته انه ماشي 500 الف.

وراعيه يمدحه حيل يقول ابد الزيت مايقلب ولا ينقص.

شرايكم انا بخليه حق بران وطلعات خفيفه وسفرات عائلية يعني الشرقية الرياض الشمالية..

تكفون رد علي الله يرحم شيبانكم.

وعليكم السلام

اذا راينا في الممشى حقه فهو فوق المتوسط
وكثير يقولون الممشى ما يضر الموتر اذا كان راعيه محافظ عليه

وانا اقولك صحيح ولكن الموتر فيه قطع استهلاكيه الممشى ينقص من عمرها وتبدئ تخرب عليه قطعه وراء الثانية

اذا الموتر نظيف وينصفط ولك رغبه فيه وعندك استعداد تتحمل طلباته اذا طلب
توكل على الله

واذا تدور النظافة فالممشى المعقول يعد من مميزات الموتر

باقي امور مهمه ما ذكرتها انت في موضوعك مثل
راعيه بكم حاده عليك؟
لون الموتر؟
وضع البدي و الداخليه؟
سعودي والا خليجي؟


وموفق يارب

[راعي طويلات]

وعليكم السلام ورحمة الله وبركاته
اترك الموتر عنك وأنا أخوك تبيه للبر والسفر يعني تبي موتر ثقة بعد الله سبحانه
وهالموديلات فيها من ثقل الطينة مالله به عليم وهي قير عادي كيف بالتماتيك بيدبل كبدك ويعلك وماشي 500 الف يعني كل شيء فيه مستهلك ومقبل بشره وبيطلب صيانة واصلاحات مكلفه
نصيحتي لك خذ لك فتك 2002 وفوق واحرص على النظيف قير تماتيك والا عادي الي يناسبك

[هملول السحاب]

بارك الله في مروركم الكريم...

اخواني انا ميزانيتي محدوده ولا كان طقينا الفتك عسى الله يرزقنا دراهمه وكل مسلم

والصدق معروض علي بسعر منافس والله ومغري تحت الثلاثين.

[هملول السحاب]

وبالنسبة للبدي مرشوش كامل والداخلية تقريبا 90% نظيفة خليجي