الفيتو
06/04/2006, 04:43 AM
بسم الله الرحمن الرحيم
السلام عليكم ورحمة الله وبركاته
قبل مده قنصت شمال ومريت واحد من الربع من اهل الشمال وتخاوينا.وشار رفيقي وقال نبي المقناص فالمكان الفلاني احرى والظاهر إنا أول من بيطبه بعد الحباري وتراه مغناطيس للحبارى انت خابر يوم جيناها عجلين وش لقينا
ترى في مثل هالأيام قلت شورك وهداية الله . اقبلنا على المكان ولانا على قنوص والظاهرمهوب عاديين قال
رفيقي الظاهر إنها محميه بس مجناب ما حنا مجنبين ولا تكلمهم و خل كل شي علي
*السلام عليكم
**وعليكم السلام
*بشروا عساكم صايدين
**صايدين لكن انتم وش عندكم
*حنا نازلين ورى الجذيب ذاك الشرقي وإبلنا ورى الجذيب ذاك الغربي ونعزمكم إن بغيتوا فالبيت وإن بغيتوا عند البل
** تسلمون حنا حامين الديره هذي 20يوم ونعزمكم ومخيمنا في طرف النفوذهنا
*الله يسلمكم بنمر عليكم
**ان شفتوا حبارى والا جرة حباري علمونا وأبشروا بالخير
تفارقنا وقال رفيقي وش رايك بها التصرف بناخذ شفنا من الديره ونذبح حباري في طرفهم وما هم منكرين موترنا مشت عليهم ههههه وش رايك ؟ قلت ظنك ما بيعرفون إنا قنوص ؟ قال لا قلت يا ذكي اللي راكب على اليمين أعرفه
ويعرفني إسمه براك وتجاهلني لحاجة في نفسه . قال أفا قلت إخذ العلم .أمسينا وأمرحنا واصبحنا على
جرة خرب ودجاجه وقمنا نقصص لا بجيت الحمايه ونشدنا براك
*وش عنكم
**ناقتين سرت البارح وندورهن
*ما هنيا الا ناقتين عليها وسم (..)
**اللي نمشي مع جرتها ما عليها وسم (غفال )
*ماتبيعون النياق وتسلمون من تعبهن ومشاكلهن
** بالعكس هذي وناستنا وندفع عليها تصدق ان إجازتنا السنويه نخصصها لها ما لنا هوايه غيرها وإلى فقدناها ندورها لونروح خارج المملكه .
*خارج المملكه ! ما تقدرون
** صح بس اللي يقدرون عاقبونا في اللي هنيا
*اسمعوا الكلام اللي ملحته فيه النياق الغفال اللي في الديره ذي تراها لنا بفلوس والا بناموس ما نبغى نتنقد معكم تسمعون العلم
**نسمع العلم و يصيرخير
قال رفيقي والله النشبه وش السواه يا ولد ؟ قلت جنب عنهم قال ..عجيب!!
قنصنا يم جيزان ولقينا جول كراوين اكثر من 100كروان وقام عليناواحد من أهل الديره يقول والله
لو تهدون طير لأذبحه بالبندق جنبنا عنه .. يقول ديرتنا .. عجيب!!
والجنوب قنصوا الربع بعد صدور السماح بالصيد وجوهم ناس وذبحوا سلقهم بالرشاش يقولون
يرمون بين رجولنا ومع ايمنا وايسرنا وغبارالطلقات يجي علينا وقالوا ممنوع المقناص
في ديرتنا .. عجيب!!
تدرون وش السالفه
تسمعون عن تجزئة الأسهم ترى كلمة تجزئه عند نا عقده من زمانكان عندنا كم محميه تعد على اصابع اليد مثل ( المصافي ) وتجزأت المحميات لين راحت مثل اسهم الكهرباء من تمشي من عند اهلك قانص وانت
في محميات على العموم اللي بيدخل المحميات يمر على موقع في النت
( فيتوانت)
يبين النقي والمختلط والحررررا
1- محميات لايجوز الصيد فيها
أ .. محميات نص عليها قرار مجلس الوزراء مسيجه وغير مسيجه
ب.. محميات مسيجه أملاك خاصه
2- محميات نقيه. جايزالصيد
مفالي بريه اكرمها الله بالوسم المبكر وغير مملوكه بصك شرعي فلا نرى أن يتمتع بها احد ويحرم منها
احد ومن بغى يدخل فيها ولاقدرفالسبب من الهوامير .(الهامور سمك كبير يا كل السمك الصغير).
لو كانت الأرزاق تأتي بقوه** لما حصل العصفور شيء مع النصر
لكنها تأتي ......................** يحصل العصفور والنـــصر لايدري
من له حيله فليحتال
3- محميات مختلطه
منطقه تكثر فيها الباديه . والطريقه لتسلم من غبارطلقات الرشاش هي مقناص على
جيب حبه وربع ( كبسوله ) وتفصل الانوار الخلفيه
والسلام
الفيتو
الحجاز
7/3/1427هـ<O:p</O:p
السلام عليكم ورحمة الله وبركاته
قبل مده قنصت شمال ومريت واحد من الربع من اهل الشمال وتخاوينا.وشار رفيقي وقال نبي المقناص فالمكان الفلاني احرى والظاهر إنا أول من بيطبه بعد الحباري وتراه مغناطيس للحبارى انت خابر يوم جيناها عجلين وش لقينا
ترى في مثل هالأيام قلت شورك وهداية الله . اقبلنا على المكان ولانا على قنوص والظاهرمهوب عاديين قال
رفيقي الظاهر إنها محميه بس مجناب ما حنا مجنبين ولا تكلمهم و خل كل شي علي
*السلام عليكم
**وعليكم السلام
*بشروا عساكم صايدين
**صايدين لكن انتم وش عندكم
*حنا نازلين ورى الجذيب ذاك الشرقي وإبلنا ورى الجذيب ذاك الغربي ونعزمكم إن بغيتوا فالبيت وإن بغيتوا عند البل
** تسلمون حنا حامين الديره هذي 20يوم ونعزمكم ومخيمنا في طرف النفوذهنا
*الله يسلمكم بنمر عليكم
**ان شفتوا حبارى والا جرة حباري علمونا وأبشروا بالخير
تفارقنا وقال رفيقي وش رايك بها التصرف بناخذ شفنا من الديره ونذبح حباري في طرفهم وما هم منكرين موترنا مشت عليهم ههههه وش رايك ؟ قلت ظنك ما بيعرفون إنا قنوص ؟ قال لا قلت يا ذكي اللي راكب على اليمين أعرفه
ويعرفني إسمه براك وتجاهلني لحاجة في نفسه . قال أفا قلت إخذ العلم .أمسينا وأمرحنا واصبحنا على
جرة خرب ودجاجه وقمنا نقصص لا بجيت الحمايه ونشدنا براك
*وش عنكم
**ناقتين سرت البارح وندورهن
*ما هنيا الا ناقتين عليها وسم (..)
**اللي نمشي مع جرتها ما عليها وسم (غفال )
*ماتبيعون النياق وتسلمون من تعبهن ومشاكلهن
** بالعكس هذي وناستنا وندفع عليها تصدق ان إجازتنا السنويه نخصصها لها ما لنا هوايه غيرها وإلى فقدناها ندورها لونروح خارج المملكه .
*خارج المملكه ! ما تقدرون
** صح بس اللي يقدرون عاقبونا في اللي هنيا
*اسمعوا الكلام اللي ملحته فيه النياق الغفال اللي في الديره ذي تراها لنا بفلوس والا بناموس ما نبغى نتنقد معكم تسمعون العلم
**نسمع العلم و يصيرخير
قال رفيقي والله النشبه وش السواه يا ولد ؟ قلت جنب عنهم قال ..عجيب!!
قنصنا يم جيزان ولقينا جول كراوين اكثر من 100كروان وقام عليناواحد من أهل الديره يقول والله
لو تهدون طير لأذبحه بالبندق جنبنا عنه .. يقول ديرتنا .. عجيب!!
والجنوب قنصوا الربع بعد صدور السماح بالصيد وجوهم ناس وذبحوا سلقهم بالرشاش يقولون
يرمون بين رجولنا ومع ايمنا وايسرنا وغبارالطلقات يجي علينا وقالوا ممنوع المقناص
في ديرتنا .. عجيب!!
تدرون وش السالفه
تسمعون عن تجزئة الأسهم ترى كلمة تجزئه عند نا عقده من زمانكان عندنا كم محميه تعد على اصابع اليد مثل ( المصافي ) وتجزأت المحميات لين راحت مثل اسهم الكهرباء من تمشي من عند اهلك قانص وانت
في محميات على العموم اللي بيدخل المحميات يمر على موقع في النت
( فيتوانت)
يبين النقي والمختلط والحررررا
1- محميات لايجوز الصيد فيها
أ .. محميات نص عليها قرار مجلس الوزراء مسيجه وغير مسيجه
ب.. محميات مسيجه أملاك خاصه
2- محميات نقيه. جايزالصيد
مفالي بريه اكرمها الله بالوسم المبكر وغير مملوكه بصك شرعي فلا نرى أن يتمتع بها احد ويحرم منها
احد ومن بغى يدخل فيها ولاقدرفالسبب من الهوامير .(الهامور سمك كبير يا كل السمك الصغير).
لو كانت الأرزاق تأتي بقوه** لما حصل العصفور شيء مع النصر
لكنها تأتي ......................** يحصل العصفور والنـــصر لايدري
من له حيله فليحتال
3- محميات مختلطه
منطقه تكثر فيها الباديه . والطريقه لتسلم من غبارطلقات الرشاش هي مقناص على
جيب حبه وربع ( كبسوله ) وتفصل الانوار الخلفيه
والسلام
الفيتو
الحجاز
7/3/1427هـ<O:p</O:p