المساعد الشخصي الرقمي

مشاهدة النسخة كاملة : هل محول الفراشة يركب على لي البرموس الاحمر؟


أسير المساري
30/01/2012, 10:19 PM
السلام عليكم ورحة الله وبركاته

سؤالي يااخوان ابي اعرف هل محول الفراشة يركب على لي البرموس الاحمر الشنطة؟

وهل لي البرموس اللي يجي معه يتحمل ضغط المحول الفراشه؟

واين يوجد محل يبيع المحول؟

ارجو منكم اللي يعرف يفيدنا جزاكم الله خير
فلسفة
30/01/2012, 10:31 PM
وعليكم السلام ورحمة الله وبركاته

بالنسبه لمحول الفراشه تجده في اي محل من محلات ادوات الرحلات وهو يركب بدون اي مشاكل وابو عبدالله وبقيه الاخوان ما قصروا بهذه المواضيع التي تشرح طريقة الترهيم والاستخدام الصحيح
شاص
30/01/2012, 10:33 PM
محول الفراشة ممكن يركب على لي البريموس لكن يحتاج تقص المحول الأصلي وتركب الفراشة بدلا عنه
والطريقة الأفضل في نظري أنك تشتري لي سرهيد (يركب على الدبة مباشرة من دون محول) ووصلة سرهيد لمواقد الشنطة أو تأخذ اللي مع المحول والوصلة من البرية جاهزة وتركبها مباشرة من دون ما تقص اللي الأصلي ولعل هالموضوع يفيدك


http://www.mekshat.com/vb/showthread.php?t=459463 (http://www.mekshat.com/vb/showthread.php?t=459463)
النيمس 07
30/01/2012, 10:34 PM
يامرحبا يالغالي افضل لي من وجهة نظري يتحمل محول الفراشه

لايقل ضغطه عن 25بار وخذ ايطالي

ووده عند حقين كبس الليات وخله يكبسه مزبوط

وشغل الموقد ونت مرتاح
عاشق نجد
31/01/2012, 08:50 AM
محول الفراشة يجي كامل بسلكه ، يعني يا تستعمل اللي اللي مع الموقد أو تستعمل لي محبس الفراشة .


طبعاً لي محبس الفراشة لا بد تركب معه وصلة تكون ثابتة في الموقد ، لكن سعره غالي شوي . لقيته عند البرية بـ 75 ريال . لكن العامل اللي في المحل ينصح باستعمال نفس اللي اللي مع الموقد في الدفعة الأخيرة ويمدحه . وبالامكان زيادة الشعلة عن طريق ربط البلف اللي في رأس اللي لمن يرغب هالشي .
سيف الظفير
31/01/2012, 08:52 AM
نصيحة مر على البرية مخرج 14 ويزبطونة لك
vtc 2007
31/01/2012, 10:53 PM
اخوى الظاهر مايحتاج تركب محول الفراشة فية بلف فى الوصلة الاصلية لموقد البريموس الاحمر تقدر تحكم فى زيادة الشعلة اوتقصيرها وموجود عنها مواضيع كثيرة
أسير المساري
01/02/2012, 03:38 AM
الاخ فلسفة
الاخ النيمس
الاخ شاص
الاخ سيف الظفير
الاخ عاشق نجد
الاخ vtc2007
اشكركم جزيل الشكر على التوضيح خصوصا اللي نبهوني على بلف اللي الاصلي بيض الله وجيهكم وماقصرتو

لكن سؤالي هل البلف يقصد به اللي يركب في راس الدبة ولا اللي يركب في وصلة الموقد نفسه؟
عاشق نجد
01/02/2012, 10:47 AM
البلف داخل الوصلة اللي تركب في الدبة .

وهذا موضوع بالصور للاخ سرهيد يشرح فيه كيف فكها وزيادة الشعلة .
http://www.mekshat.com/vb/showthread.php?t=446949 (http://www.mekshat.com/vb/showthread.php?t=446949)
أسير المساري
01/02/2012, 11:32 AM
اخوي عاشق نجد اشكرك الف شكر على ردك اللي ريحني وفصلت في الموضوع بعد ماكنت ناوي اشتري محول الفراشه الشكر لله سبحانه ثم لك والله يوفقك حيث مالقيت وجهك ولك مني ازكى التحايا والاحترام