استشاره

[..الشقردي..]

السلام عليكم..
ياخوان عندي لنكن موديل 98,شريتها من فتره وفحصتها وقالو تحتاج جلد بلوف,ولاحظت انها تنقص زيت خفيف,ويطلع دخان ابيض بعد مااحمي السياره,وفيها ريحت كربون,وسئلت واحد قالي اذا صلحتها بترجع تخرب ثانيه,فقلت مالي الا اسئل اهل الخبره,هل اصلحها؟اواخليها على ماهي عليه,وكم تكلف الشغله؟واذا احد يعرف ورشه في الرياض وشغله نظيف :good2:لايبخل علينا.
وجزاكم الله خير.

[أصيل حجآ زي]

http://im.gulfup.com/2011-02-10/12973306271.jpg


أذا أشتريت أنت بنفسك وبشحمك ولحمك { DIY } الجلـّد
أصلية من الوكآلة وركبها تحت نظرك وبصرك ومــُرآقبتك .


أن شاء الله ما تخرّب الا بعد عــُمر مديد وسديد .



أما أذا وكلت الورش وخآصة الغشآشين
ورجعت البيت تكبر المخدة .
فأكيد ما رآيح تعمر .



بالنسبة هل تغيرها أو لا ؟؟؟



هذا قرآر يـخــُصك .
وآزن بين المصلحة أو الضرّر من تركها .


والورش أن شاء الله يدلك شبآب الريآض
على المُهندسين / الفنيين الطيبين الخــُبراء زين .

[..الشقردي..]

بيض الله وجهك وماقصرت.
انا مريت البيان,وقالي 1500 بدون فك المكينه مدري الراس,بس المشكله ما اقدر,اتابع شغلهم لئنه يقول ياخذ الاصلاح يوم ونص,وصراحه احس المبلغ غالي حبتين.

[رفيق العرب]

اخي باختصار شديد المشكله هذي في سياره كنت باشريها
نفس كلام اخي اصيل حجازي اشتري جلد من الوكاله
وركب عند اي ورشه تمشي الحال لان تركيبها ماهو بصعب ولا ياخذ يوم
اتوقع انه لابد من فك المكينه لتركيبها
ومن ناحيه البيان فاولله اني اتكلم من واقع حقيقي
رحت فرع البيان الي بجده لاني من سكان جده وجمسي موديل 2001 كنت ابغا اشيك عليه
من الى يا حبيبي طلع لي خربات الين ما كرهت السياره وباذكر لك وحده قال عندك تهريب في زيت المكينه
وبعدها رحت الى تركي معروف وكشف وقال لا تهريب ولا هم يحزنون الي انا فهمت من ورشة البيان انه اي خراب
ويحتاج الى فك مكينه يصلحوه من دون فك ثانيا : صوت في الكفر الامامي والله الذي لا اله الاهو انه قال شى يكلف قرابت 700 لا اذكرها بالضبط لكن عند التركي سوى لي تشحيم ورحت اليمني الي جنبه وسويت وزن اذرعه ومقصات مايقارب 40 ريال وان حلت المشكله ولله الحمد
كتبت لك هذا الكلام لعلك تستفيد من تجربتي .
وتقبل تحياتي .....

[..الشقردي..]

الله يعطيك العافيه,وماقصرت يالغالي.