تكفون يا الربع الي له خبره بالكلتش يدخل الله لا يهينه ^_*

[راعي البا]

صارت معي مشكله بعد تغيير الكلتش بوجود نفضه في القير عند القومه رعشه :(
وحتى العزم ضعف عن اول ...........
ما ادري وش السبب مع ان الكلتش اصلي من الوكاله ...
ما ادري من التركيب ولا ؟
تكفون افيدونا يا الربع والله قهر خسرت 1450 ولا استفدت شي
الموتر باثفندر 2005 قير عادي
بانتظاااركم على احر من الجمر :f

[PATHFINDER 4]

الله يكون بعونك ياراعي الباث .. هذا وانا ودي بالقير العادي لكن شكل مشاكله كثيرة

دام القطع اصلية .. ولا شكيت من الموتر قبل تغيير الكلتش اكيد فيه مشكلة بالتركيب ..

شاور ابوسالم اكيد بيفيدك الرجال له خبرة بالقير العادي وموفق خير

[محمد السحيم]

هل تاكدة قبل تركب الكلتش ان الحذاف سليم يعني مافية مطبات لانة اذا صار بة كذا لازم يمسح عند المخرطة

[راعي البا]

الحذاف ما شفته لكن راعي الورشه يقول زين !!!
والله احترت من هالمشكله

[جمس_454_97]

والله صارت مع واحد من اخواني والسبب لان الكلتش مجدد والمشكله من الياي الي بداخله حسب كلام الميكانيكي
رحنا شرينا كلتش من الوكاله وطلع تمام
بالنسبه للمحلات اخوي الغالي تبيعك قطع بكرتون اصلي ولاكن اذا بتطبقها مع القديم بتجد انها مافيه بينها تشابه اختلافات كثيره وانصحك اذا ماتعرف محل تثق فيه رح للوكاله وريح راسك
اما بالنسبه لمشكلتك ماحب اخمن ومايطلع كلامي صحيح

[راعي البا]

يعطيكم العافيه وما قصرتو