هادي قصتي مع الصينييين على شاطئ جدة

[دليلك]

بسم الله الرحمن الرحيم

السلام عليكم ورحمة الله وبركاته

والله حقيقي ماني عارف كيف ابدا الموضوع ضغطي مرتفع وماعندك احد **** المهم جوني اصحاب من خارج بلادنا الغالية وخرجنا نتمشى على الشاطئ واتعشينا في احد مطاعم الكورنيش ****وحنا خارجين قالو لي اش رايك نمشي شوية قولت OK المهم وحنا نمشي الا وريحة الصرف الله يكرمكم اللي يخلي الواحد يخرج كل اللي في بطنه قالو لي اش دي الريحة ؟ :confused: قولت :j صرف صحي يصبونه في البحر طبعاً الجماعة ماصدقو:no: طبعاً هادولا الضيوف من الصين **** قالو وعايدي عندكم محد يقولهم حاجة :eek: طبعاً انا ماعرفت اتكلم :rolleyes: وقالو لو عندنا احد بيعمل كدى كان قامت الدنيا **** طبعاً حتى رجعنا وهما في استنكار لهدا الموضوع وقال انتم ربنا اعطاكم اجمل بحار العالم لكن ماعلرفتو قيمتها ,
طبعاً انا كتبت هادا الموضوع يمكن يكون يلقى ردة فعل من اللي بيدهم شي **** الموقع طبعا عند الدوار حق النورس .

هادي قصتي وموضوعي
ومع السلامة

[accentkool]

لا تعليييق ياااخوي من زمان حنا كذا واعتقد ماحد راح يحس ولا احد بيهتم
عندنا بالخبر والدمام نفس النظام والثروة السمكية بعد كم سنة بتنتهي
ونصير نستوورد من برا خخخخخخخخ

[مخاوي دابذريع]

أصلا صاحب فكرة صب مياه الصرف بالبحر يدلك على انه نجس في حياته اليوميه " أرفل "

[د.فادي بوعادل]

والله الحاله واحدة حتى عندنا في مصر بل أزيدك من الشعر إن في مصر أصبح الصيادين يضطروا أن يصلوا بالصيد إلى قبالة سواحل اليمن والصومال وليبيا بحثا عن السمك يارب يصلح الأحوال ويجعل بلاد تلمسلمين أمن وعامرةه بالخير

[k k k]

الله يعين الصابرين

[زمن عابر]

بتحكي لمين وتكتب لمين, ماتخلي الصين بحالها واحنا بحالنا .......

الطاسة ضايعة وأنا اخوك, والوضع ماهو خافي على أحد

[طير حر]

الله المستعان
انما انت اخي العزيز ما لقيت غير منطقة المجاري تمشي الاجانب فيه
احنا الله يعين تعودنا على هذي الامور انما الاجانب كان وديتهم مكان زين
اقل ما فيه ينقلون صوره طيبه

[عاشق البحرE]

أستغفر الله العظيم و لا حول و لا قوه الا بالله ..


و الله كل ما اقرأ مواضيع بالتلوثات اللي عندنا في السعوديه أنغبن و أتضايق ..

و الأعظم من كذا ان مسؤلين البلديه ما غير يمسكون الصغير من التجار على اي شيئ و يعاقبونه و يشهرون فيه في الجرايد و الأخبار ..

لا تروحين بعيد يا جماعه تصريف المياه في اغلب مناطق المملكه يصب في البحار أو في الصحراء و يترك مستنقعات كلها أمراض و تلوث ... و البلدان الثانيه تصريف المياه ويروح لخزانات كبيره و يتصفى الى ماء يصير نقي و صالح للأستخدام .. و الله مصيبه من جد عندنا ..

ما ألومك أخوي *دليلك* الأحراج اللي تعرضت له هذا طبيعي و صار مع الكثير و بالخصوص لو كان جاك زاير من برا البلد ..

وقت ما كنت أدرس بجامعه الملك سعود في الرياض كان في دكتور سوري يذم في شوارع الرياض و المطبات و الحفر (و ما يدري ان الرياض تعتر من أحسن شوارع السعوديه) و قال كلمه خلت جميع الطلاب في القاعه ينزلون روسهم من الأحراج قال :

(( استغرب من السعوديه شوارعها تعبانه و أزفلتها جد تعبانه يزفلتنها اليوم و بعد شهر يحتاج زفلته من جديد و السعوديه تعتر ثاني أكبر مخزوون أحتياطي للنفط في العالم ، و السفلت بعتبر بقايا التكرير للنفط يعني الفضلات و الشوائب مضاف لها حصى صغير ))


عذرا على الاطاله أخواني بس و الله شيئ يقهر .. البحر الأحمر يملك أجمل شعب مرجانيه بالعالم و مع ذلك ما في أحد من يهتم أو يقدر هذي النعم ..

ما نقول الا : لا حول و لا قوة الا بالله العلي العظيم ..

[ابو بروسي]

الله يعين اخوي ايش تسوي

[برد الحجاز]

المشكله العضمى ايضا تكمن بالصرف الصحي للمصانع !! كلها مواد كيماويه تقضي على كل اشكال الحياه البحريه ..واعاذنا الله واياكم الامراض الاخيره مثل السرطان وغيرها كلها سببها التلوث ..والرئاسه العامه حدث ولا حرج

[خادم الإسلام]

حياك اخوي دليلك ... الله يصلحك كان قلت لهم فساد البيئة مهو من المجاري !!! من مسدسات الصيد وحنا الحمدلله مضيقين على المستخدمين لها شي ولا في الخيال حتى الدول المتطورة ماتعارض على استعمالها مثلنا .... لأنها هي دمار البيئة ... أما المجاري عادي عندنا .
بس لا تقول لهم إن من يحارب مسدسات الصيد نسي أن المجاري دمار لأمم وليست لأمة ... فإن كان استخدام مسدسات الصيد كمايقولون ...فالمجاري تهلك البشر عند صيدهم اسماك تتغذى على المجاري ... وتهلك الحيد المرجاني ...وتهلك الأسماك.
فالله المستعان .

وعلى فكرة البعض يقول وين نصرف هالمجاري ؟ فالجواب : يعمل لها تكريرحتى توشك أن تكون صالحة للإستخدام البشري ومن ثم تصب في البحر مثل بغض الدول المتقدمة .

[مهندس مكشات]

الله يهديك
انت ماتعرف ديرتنا مافيها مكان تتمشى غير جلست البيت
تاسف لنا من الصنيين

[ابوفهيدان]

يارجال عندك وعندنا خير
حتي في الكويت نعاني من هالموضوع

[nayer]

هههههههههههههههههههههههه كل شي انذكر بس الله يعين ويساعد

[ذيب الشفا]

وين المسؤلين الله لا يبارك فيهم ناس ما تخاف من الله الوطن امانه وخدمته شرف لاكن مع الاسف ماتت الامانه

وانتحر الشرف ونام الرقيب ..... وانا وانت من يدفع الثمن المادي والمعنوي..... لله المشتكى ....

[AQ-15]

الله يعيين ويسهل ي رب

[topmaster]

اجل كيف لو وديته بحيرة المسك مرمي الصرف الصحي في جدة والتى مساحتها بالكيلو مترات موجودة على مرتفع اعلى جدة وكل ماتنزل امطار شديدة تتفجر البحيرة المجمعة وتنزل من اعلى الجبال تبيد البشر
وايضا طول السنة سكان شرق جدة حي الثامر وغيرهم جاتهم حمى الضنك وامراض وبلاوي اول مره نسمع فيها من البعوض التى تصدره هذه البحيرة القذره الواقعة فوق رؤؤس اهل جدة
اعتقد لو سمع عنها ممكن يجيله شلل من الاستغراب كيف مسؤولين يسون باهلهم كده وكيف الناس ساكته ؟


والمصيبة انا شفتها بقوقل ارث مساحتها قد لسان ابحر تقريبا
تخيل قد ابحر من المجاري فوق راس اهل جدة ممكن تدحدر عليهم في اي وقت دفعة وحده
صدقوني ممكن جدة تجيها كارثة لايتصورها احد
خصوصا اني كل سنة اشيك على قوقل ارث واشوف صورها الجديدة القاها تكبر بصور مذهله وسارت بحر فوق الجبل ولا حياة لمن تنادي

[صقر بدر]

جده بكبرها مهمله مهو البحر بس النفايات في كل مكان والمتخلفين في كل مكان وفيها وفيها الله يعين بس
ليش مايشكلو لجنه لتطوير مدينه جده مثل الرياض لان جده تاريخها يمتد الى عهد سيدنا ادم مسكينه ياجده

[ابو ماريا]

الله يهديك فطحتنا في الصين حته وحده
يعني ربع سكان العالم عرفو
واوووووووووو
كمان الهنود و الاندنوس يعرفو يعني نصف العالم يعرف
أقولك خلاص استر علينا الله يستر عليك

[قناص العرج]

الله يعين الصابرين

[ماسيوم]

السلام عليكم ورحمه الله وبركاته...
موضوع خطيرجداجداجدا ولاكن لاحيات لمن تنادي والمشكله ان محطات تكرير مياه الصرف الصحي ارجص تكلفه في العالم ويمكن الاستفاده من المياه المعالجه في الزراعه وغيرها وممكن الستفاده من السماد المستخرج في الزراعه وجني الارباح وتعويض قيمه المشروع انما المصالح الشخصيه تتغلب على مصلحه المواطنين واحنا نصفق لكل متبجح بعمل حلول عاجله او مستقبليه وتصرف المليارات وما شفنا حاجه اوحل جذري للمشكله ومحلك سررررررررررر طولت عليكم المعذره تقبلو تحياااااااااااااااااااتي...:mad::mad::mad::mad:

[صقر بدر]

على طاري بحيره المسك
ليش اسمها بحير المسك وهي كلها 0000000000000
يعني شي غريب نفسي اعرف مين اللي سماها بحيره المسك

[الصيادالمليح]

ليه يا شباب ما تصورون كل هذي المآسي وترسلونها لمنظمة السلام الأخضر

ترى الرصاصة اللي ما تصيب تدوِش

[مطيع الرحمن]

أخي الكريم

رفقاءك من الصين لم يصدقوك القول؟؟

الصين تعتبر من أشد الدول ممانعة لقوانين التلوث البيئي (لأنها تحد من النمو الاقتصادي)،فأنهار الصين تحوي أخطر المواد الصناعية مثل الزئبق والزرنيخ والرصاص بأكثر من الف مرة من النسب الأمنة!!!،والهواء في الصين يعتبر الأشد تلوثا في العالم (بإعتراف منظمات دولية)،ونسبة كبيرة من السكان تعاني من الأمراض المزمنة والسرطانات الخبيثة،والحكومة الصينية غير مبالية فالنمو الاقتصادي هو الهدف،ومما يذكر أن غالبية انتاج الطاقة في الصين يتم عن طريق استخدام الفحم الحجري للرخص ثمنه وهو الأشد تلويث للأجواء على الاطلاق!!!

ما ذكر ليس تبريرا لتقاعس المسؤلين للقيام بواجبهم،ولكن حتى لا تزعم المثاليات من غير أصحابها!!

مصانع تنقية مياه المجاري مكلفة بالنسبة للدول الفقيرة اقتصاديا فتضطر إلى فترتها وتحويلها إلى البحر أو حفر في الصحراء،ولكن هذا الأمر غير مبرر لأكبر مصدر للنفط في العالم!!

المشكلة في سوء الأدارة والتنظيم والأولويات،وبالرغم من ذلك هناك العديد من المدن الصناعية التي لديها محطات تنقية على أعلى المستويات منها الجبيل الصناعية.

[النامون]

وزارة الثروه السمكيه والبيئة عندهاالمعرفه والدراية الكامله بان المسدسات تلوث البيئات البحرة بمعدل تلف كيلو متر مربع يومياً اما الصرف الصحي ومخلفات المصانع فتلفياتها بمعد متر مربع يومياً ويمكن انا مبالغ بعد بالمساحة وبعد عشرات السنين سوف تعرف بان البيئة البحريه هي اصلح بحار العالم بمنعهم المسدسات البحريه وقد تمو اصلاحها بشكل سليم اللهم يارب (ان تلهم مليكنا ابو متعب اعزة الله بكارثة سواحل البحر الاحمر ودمارها للاجيال القادمه)امتدادناُ من جنوب المملكة جازان لين تبوك شمالاً تلوث الاسماك تعني تلوث 60%من سكان المملكة

[البعير المغوار]

المسؤولين ماهمهم الا القرش...

[فهودي الصغير]

(( الشكوى لغير الله مذلة ))

طيب فيكم احد في يده (( حل )) او (( سلطة ))

ولا الموضوع عشان نزيد غبنة وقهر
ما اقول غير :

حسبي الله ونعم الوكيل

[@السيف@]

ارفع راسك انت سعودي

[ابو حسان اسحق]

خسارة وحسافة على مايجري هنا شكرا على التنبيه شواطئنا راحت وطي.

[ABOOSAMA007]

أهلآ بك أخوووي ...

قبل كل شي أنا أول رد لي في هذا المنتدى الرآآآئع , أضافة اللي خلاني أسجل موضوعك هذا ...

نحن في معاانااة مستديمة مع مسؤلين جدة ..

بالنسبة لموضوعك وفشيلتك مع ضيوفك فهذا الكلام حصل لنا مثل ماحصل لك ...

يجيك ناس من برا جدة تقول لهم وين تبغوا تروحوا يقولون نبغى البحر على طول , طيب تجي توديهم البحر وين الأماكن النظيفة على الكورنيش , طيب مافي مشكلة نتحمل وساااخة المكان بالله عليكم كيف نتحمل ريحة المكااان المعفنة ؟!!

نحن أهل جدة في معاانااة ..

اللي حاصل عندنا مافي أحتراام لنا كبشر قبل أن نكون مواطنين ..

فنادق الوستن والشيرتون تصب صرفها الصحي مكاان جلوسك , يعني قمة الأنحطاط الخلقي ودليل مافي أي تقدير أو أحترام أو حتى يشوفون أن حنا نستاهل ذرة أحترااام ,,

عمومآ.. الكلام شبعنا منه

وأمانة جدة مارااح تفكر فينا والله لو نكتب مجلدات مو مجرد موضوع منتدى ..

اللي أبغى أوصله لأي وااحد عنده ذرة كراامة لازم نوضع حد للمهزلة هذي ,, ملياراات تنصرف لهم وين يودونها ..

خلونا نأخذ حقنا بأيدينا من العاالم ذولا .. ناااس ماتحترمك ياأخي لاتحترمها

والكلام والكلام والكلام مارااح يفيد وكله مضيعة للوقت .. اللي فيه عزيمة وحب وغيرة على بلده لا يسكت عن ذولا العالم اللي تشوهـ بلدك عشااان مصالحها ..

خلونا نفتش عنهم ونقدم شكوى لكل من يهمه الأمر .. لكن قبل كل شيء لازم نطلع المسؤلين عن الكلام هذا ..

وأرجوكم .. أذا كان بقية الموضوع مجرد كلام خلونا نقفل على الموضوع ونرضى بأهاانة أمانة جدة لنا

وشكرآ

منتظر الرد منكم

[عاشق اللقيطة]

الله يعين و ربي شيء يرفع الضغط ...
لكن وش نقول الله حسيبهم ..
انا يوم من الايام كنت اصيد في جدة عند السفينه الي في الحمراء سينتر
شويه و الا نافووووورة بيني و بينها أقل من 4م قسم بالله اني انفجعت على الصباح ايييييش هذا ... سألت واحد وش ذا النافورة قال : هههههههههه
بدري .... ايييش .... قال هذا وانتوا بكرامه صرف صحي و الله و الم العفش و اروح على الصبه الي قدام المشروع ""البلكونات"" واجي الا و الجو هااااادي جدا و البحر شويه و صخ ... و اتكي ساعتين الا و الموية تديييك تتحرك من تحت الصبة ايييش هذا ... و اسأل سعودي على البلكونة داخل جو ايييش هذا ... رد برضوا و هو يضحك: هههههههـ ...وش السالفة .... هذي جاية من المشروع الي في الجنب الثاني يارااااجل ... والله قلت الا و اعرف وش ذي الموية الملونة و اروح اسال واحد سعودي شغال مشررف على العمال شغالين في المشروع ...
قال لي هذي الموية مكونة من اسمنت و مواد كيميائية بالعربي تعدم الي قدامه ....

المعذرة طولت عليكم

[Alzahrani]

لاحول ولاقوة الا بالله صراحه منظر مؤلم لمن تشوف واحد من اجمل بحار العالم يتم تلويثه بمياه الصرف الصحي اكرمكم الله
ولا ازيدكم من الشعر بيت راح يكون فيه حفر وتنقيب عن الغاز والبترول في مياه البحر الاحمر ماكفاهم التلوث اللي صاير من الصرف
اتمنى يفوقو المسؤولين من السبات العميق قبل مانخسر نعمة لاتقدر بثمن

تحياتي

[محر999م]

سكوتكم موت البحر عندكم فلازم تسووا حملة كبيرة بالفيسبوك..وإلا انسوا أنكم تصيدوا من بحركم..فعلشان تحيوا بحركم تحركوا.

[وليد الرشيدي]

المشكلة المسؤليين والعالم كلها عارفه ايش حاصل في جدة لاكن لا احد يستجيب والله حاله لاكن لو كل مسؤل مقصر ومسكوه وجلدوه كم صوت في ضهره وشهروبه يعرف ان الله حق لانه ماينفع معاهم الكلام والنقاش والخطابات والله ماعندك احد لاكن مثل الحمار تعطيييييييه الين يستوعب اللي قاعد يسير

مقهووووووور على سيارته في السيول و لا مكان احد يترفه فيه زين وعدم الرقابة على اماكن الترفيه مثل ملاهي عطالله شوفو كم الدخول وغير التذاكر الدخول فقط 50 ريال والالعاب بتذاكر

والله لاسياحة ولاترفيه غير لخبطه قايمة في البلد ماندري ايش اللي مخبى علينا

[NZ Diver]

احمدو ربكم حنا احسن من غيرنا

هذا جواب بعض الضعوف

[دليلك]

اشكر كل مين شارك برئي او بكلمة ****وارجو من الرب ان توصل هادي الرسايل والردود.لخادم الحرمين واﻷمير خالد الفيصل رعاهم الله

[مطيع الرحمن]

وكم من عائب قولاً صحيحاً وآفته من الفهم السقيــــم

ولكن تأخذ الأفهام منــــــــه على قدر القرائح والعلوم