بشرى ساره للشباب

[اول الحب]

ابشركم اخواني اعضاء منتدى مكشات بانخفاض مبيعات جيوب تيووتا وقد انعكس ذلك على السوق المحلي حيث ظهر لي من خلال تجولي في معارض السيارات بالقصيم 0فعلى سبيل المثال الجيب في اكس ار موديل 2010 الذ ممشاه لم يتجاوز الخمسين الف اصبح سعره180 الف ريال بعد ان كان سعره في بحر(200000) وقس على ذلك بقية افئات من الجيوب وذلك بعد كثرة الاععطال في مثبت السرعه وقد سمعت ذلك من كبيري الشريطه واصحاب المعارض ويشكون الركو دالكبير ونزول الاسعار الفاجئ ونصيحهه للغالين اللي يبون يشترون جيوب ينتظرون شهر او شهر ونصف وشوفوا الفرق00000بارك الله في اعمالكم واعماركم وااموالكم وتقبلو تحياتي،،،،

[وجه النهار]

بارك الله فيك
وجزاك الله كل خير ...

[دهران]

الله يبشرك بالخير

وإصبر بيجيك واحد مطفي الانوار هالحين ويقول لك غير صحيح والاسعار زي ماهي إلا زايدة بعد

[س.س.التميمي]

الله يبشرك بالخير وعساها من هالحاله واردا

[أحمد الهمزاني]

والله اذا على كلامك شكلي ابي اتاخر شوي عن الشراء

ولا ابي ادور لي سيارة صغيرة امضي نفسي بها لي ينهار سوق التايوتا

وعلى ما اعتقد اذا نزل التايوتا راح تنزل كل السيارة معاه

[عاشق القرى]

الي يشتري من جيب لاند من تايوتا هالوقت مع اعطال مثبت السرعة يبيله جلسات نفسية ..

وين اشتري جيب بهاك الالاف واخر شي ينحاش بي .. لابوه لابو حرثه ..

[sgl2002]

الفكس ار عليه عرض انتهى امس في الوكالة جديد عند عبداللطيف عليه خصم 15الف

والجي والجي اكس 6 سرندل عليه 10 الالاف

وهذا بسبب قرب نزول 2012 لان التغييرات الجيدة حصلت على هذه الفئتين

عشان كذا مايبون يتورطون فيه

بعدين ياشباب ارتفاع الياباني سببه ارتفاع عملة اليابان الين

يعني الريال والدولار صار رخيص مقابل الين

عقب ماكان ال150 الف تجيب لك فكس ار صار الريال رخيص مقابله وصار 250الف يالله تجيبلك فكس ار
وهذي خطة امريكا في محاربة اليابان اقتصاديا لكي يصرف الناس النظر عن شراء منتجاتهم

وتلاحظ ان ترتيب اكثر الشركات مبيعا لهذا العام هي جي ام سي واللي محتله المركز الاول

يعني بيغلون اسعارهم ويطيرونه لين الناس ماتخلي المنتجات اليابانية

[شعيب مشار]

طيب واللي يقــولكم عكس كذا

قبـل أمس واحد من اخوياي طلع من حايل للقصيم باع موتـرهـ جيب ( جـي ) 2007 ماشي فوق ال200الف

جاب لـه 93 الف وهذا وهو عادي ستاندر مره وبهاالسعر فما بالك بالجدد

السووووق ماتقدر تحكم على السعر نهائي ( اف جي 2012 ) دخلت على اربع معارض بالرياض قبل فتره

والاسعار مختلف 150 و 154 و 149 و148

وانا اقول لا تشترون الحين ولا بعدين خلاص الاسعار وصلت مواصيل فضيعه وتعبنـا نفسياً من كلمه

اصبر شهر وشهرين ليما ارتفعت زياده وحنا نتفرج عليهم بس ....مدام فيه ناس معارضه للمقاطعه

مافيه امل تنزل <<<<<<<<<<<<< مقهوررررررررررررررررررررررررررررررررررر

[راعي المقانيص]

http://a8.sphotos.ak.fbcdn.net/hphotos-ak-ash4/398448_232218486858264_100002103437067_529837_1288 615577_n.jpg

[majedasm]

خلوها تصدي ... والبدائل كثيره لمن اراد

(( ربي اجعل هذا البلد آمنا وارزق اهله من الثمرات ))

[نسيم الشوق]

الله يبشرك بالخير

[ابو محمد 2011]

الله يبشررك بالخيررر

وان شاء الله تنززل زوود وخاصة 2012

وان شاء الله اشترلي واحد

[الدبل الرابع]

المشكله انك ماتحصل جي اكس ار ستيني وسعره الان 225 الف ريال جديد طبعا

[sultan911]

الله يبشرك بالخير
خلوها تصدي بتموت لو اصبرت عن الشراء كم شهر

[majedasm]

225 الف اشتري فيها ارض لي ولعيالي ،،، اما احطها في كومة حديد وشوارعنا محفرة وسواقتنا الله بالخير ... الله يمتعنا بعقولنا

[ماشي الحال 3]

اليوم في معارض الرياض فيه نزول طفيف مثل فورشنر تماتيك مخمل 124000 تستلمه بكرا..وايضا البرادو 1550000 -6سرندل تماتيك , وكان قبل أغلى!!
الله يكتب الي به الخيرة.

[نادر الشمال11]

[QUOTE=majedasm;7914184]
خلوها تصدي ... والبدائل كثيره لمن اراد




(( ربي اجعل هذا البلد آمنا وارزق اهله من الثمرات )






سيارة تويوتا ليس لها بديل سواء استخدام او بيع تعتبر شيك

[majedasm]

[QUOTE=majedasm;7914184]
خلوها تصدي ... والبدائل كثيره لمن اراد




(( ربي اجعل هذا البلد آمنا وارزق اهله من الثمرات )






سيارة تويوتا ليس لها بديل سواء استخدام او بيع تعتبر شيك


وهذه العقدة متى ماتخلصنا منها فقد تخلصنا من مشكلة غلاء اسعار السيارات لأن وكيل تويوتا هو رأس الأفعى واصحاب هذه العقده هم من يغذي الأفعى

[العبله]

مشكلتنا اننا منقسمين عدة اقسام
الاول عنده كاش ولا همته الاسعار ويشتري الاغلاء من تايوتا ولا فكر بالريال.
القسم الثاني طفران ويبي يشخص ولا يهمه الاسعار اهم شي يشخص والاقصاد على ظهره.
والثالث عنده موتر جديد ويقول نبي مقاطعه لين تنزل الاسعار.
الرابع وهو اللي متوهق ولا يدري وش يسوي عنده كم قرش يا الله جمعهم وموتره قدييم او خرابات او كبرت عايلته ويبي موتر جديد ولا يدري يشتري بغلاء والا ينتظر كود الاسعار تنزل؟؟؟؟!!!
الاسعار في ارتفاع ولا راح تنزل خاصه الجديد ولكن المستعمل ينزل اذا تركناه وسبب ان الجديد غالي لارتفاع سعر صرف العملة الين بالريال وطبعا الريال مربوط بالدولار والدولار الان ضعيف فالمفروض ان اسعار الامريكي تطيح واللي نشوفه عكس ان الامريكي غالي اذا قارنها بسعر صرف العمله اذا في النهايه الكل محصل بعضه كل شي غالي لا ياباني ولا امريكي واللي اعرفه ان هناك ملايين تدفع كل سنه لابقاء الريال مربوط بالدولار.

[عابر شمال]

المشكله اغلب الناس ما يقدر ياخذ السياره في القيمه هذي لأنها تعد مبالغ خياليه _ يعني مادون 100000الف شي مستخدم او جديد _ بلاك من هالتجار الي لو وصلوا قيمته 500000الف شاري شاري ولو كانت فيها عيوب مصنعيه او مواصفات السيارات الأعلى فئه من الكلسك (فل ) أكسسوارات ((فقط)) ويزيد بأسعاره
-- نظرب مثل بسياره جيب الربع 2012 _ سعره قد يتجاوز سعره الان 145 الف على ايش صحيح موتر للبر عزم وقوه وخفه . بس فيه سبب لزيادة سعره ممكن يكون ايش.
قفش ودفرنس وقير ومكينه ما فيه اي مواصفات تغلي سعره ليش حتى وسائل سلامه مافيه _ حتى مكتوب بالكتلوج سريع الانقلاب - ((يعني حطوله بلوتوث خلاص صار فئه نادره يا خي حرام والله حرام (( وحنى ملعوب علينا .بس ما لنا حيله إلى نقول حسبي الله ونعم الوكيل .

[2343]

ياالله تخارجنا

[khhh]

خبرتوا شي ارتفع سعره ثم رجع لسعرة القديم؟؟؟؟؟ ذكرتوني بيااام الرز

[majedasm]

خبرتوا شي ارتفع سعره ثم رجع لسعرة القديم؟؟؟؟؟ ذكرتوني بيااام الرز


||| الحديد |||

[الدوسري 111]

الله يبشرك بالخير لكن ياخوفي نصبر شهر او شهرين وترتفع ارتفاع لكن احسن نروح ندور علي يوكن ابرك من تويوتا كل يوم في ارتفاع خاصه الجيوب الجديده من 2008 وطالع

[اول الحب]

بكل امانه يا اخواني ان اسعار تويوتا في نزول وخاصة الجيوب00 واللي يبي يشتري الحين الله يوفقه ويبارك له فيه واللي يبي ينتظر افضل له00اما بالنسبه لي فأنا هونت تماما عن الجيوب وتوجهت للتاهو ال تي زد ارخص واكشخ وموتر لك وللطريق وللبر ووسيع ومافيه اي عذروب0000 اخوي الدبل الرابع يقول في الرد ان الستيني 225 الف وانا اقول رح للحسن ببريده ويعطيك 216الف اذا انت صامل وتبي تحط 200 الف يال في كومة حديد وفيبر من كسر او جميل 0000 اتمنى للجميع التوفيق والله يبشرني وانتو بجنة عرضها السموات والارض قبل الممات000

[مافيه]

الاسعار وصلت مواصيل مايقبلها لاعاقل ولا مجنون

و العالم ماتبي الا جيوب او حوض

اجل كسرة هايلكس بدون دبل وصلت لل90 الف و الي بدبل وصلت لل105 الاف و الغماره اسيح نوع ماتشده دون ال72 الف و العالم على قفا من يشيل

وش بقى للشاص و الاند

عن نفسي اقول الله يحلل ام عزيز اصطب بعشره من اقرب محل سباكه وسعر الغمارتين طاره هوا اقفال وشبابيك تماتيك خليجيه ب 62 الف واحد من الشباب مطلعها قبل شهر الله يطعمه من خيرها ويكفيه شرها

اخوي ماشي الحال البرادو كان ب 142 في 2011