وش اركب زجاج امامي للجيب 2002 للمجرب القزاز وكم سعره وعند منهو مركبه

[عنيد]

استفسار عن زجاج الجيب الامامي وش اركب سعودي والا تجاري وهل احد مجرب مع العلم ان الموديل 2002

[عنيد]

يعني كلكم ماقد غيرتو قزاز الله يجعله صدق

[الهدد1111]

اخوي ركب عند محل زجاج السالم ركب سعودي ابركب عندهم اليوم او بكر ان شاء الله

[الكرينكوف]

حياك الله ..

ركب قزاز سعودي من عند محلات القزاز الي في شارع الزينه بـ 150 ريال او اقل ممتازه ورخيصه جدا بالنسبه للوكاله انا ركبتها على شاص 2008 وميه ميه

[S A F A R I]

ماليزي (راح تدعي لي )

[اسدهم]

اذاركبت تجاري اقرب مطب تنشلخ القزازة

خخخخخخخ قصدي تنشعر حاصلي الموقف هذا زدها شوي وخذلك الوسط حلو

[patrol vtc]

امس الاربعاء الصباح ركبت عند السالم ,
قزاز أمامي لليوكن أصلي بــ ٥٥٠ او ٥٠٠ ما أذكر بالضبط :D

تركيبهم طيب , وعمالتهم جيدة ,

:)

[علوم المطر]

والله ركبتها عند وكالة تايوتا ( بالصيانه ) وتندمت .

لانهم لما خلصوو تدري كم كلفني ؟

1450 ريال والله على مااقوول شهيد << شغل وكاله .

وبالأخير الشغل لك عليه . مارتحت له .

والشكوووى لله .

[سايق الريم]

خذ القزازه من الوكالة وركبها عند زجاج السالم

[العنابي 616]

أنا ركبت قزاز أمامي للجيب ب 220 ريال سعودي
و الحمدلله تمام التمام

[escape_man]

الامامي وكاله وانا اخوك

فيه طبقة عازلة ضد الترميل وهالطبقة على ما استنتجته شخصيا تحيك ايضا ولا قدر الله من الزجاج المتطاير او الخروج من كبينة القيادة اثناء الحوادث المتوسطة.

[طير شلوى نجد]

السالم شغله ممتاز يعتبر بعد الوكالة كنت ناوي الوكاله لاكن لقيت الفرق كبير بين السالم والوكاله ولا يختلف اثنان ان الوكاله الافضل لاكن السالم يقوم مقامه وهو وكيل للقزاز الماليزي ويعطيك ضمان سنه على شغله وسعره بين 500 ,550 والله يوفقك

[دريسم]

انتبه وأنا أخوك من التجاري واحد من الشباب ركب تجاري وصار له حدث وتنثر القزاز عليه ودخل في عيونه والآن الرجال عمياااااااان. والسالفه قديمه يمكن قبل ١١سنه

[هويدي]

السالم ممتاز وشغله نظيف

لاتنسيم ولا تهريب