راعي العجراء والسنبوسه سالفه قديمه [الأرشيف]

مشاهدة النسخة كاملة : راعي العجراء والسنبوسه سالفه قديمه

راعي العجراء

01/02/2012, 11:05 AM

السلام علاكم ورحمة الله وبركاته
اليكم هذه السالفه القديمه
تقريبا عام 1393 هـ
بعنوان راعي العجراء والسنبوسه

في رمضان عام 1393 او 1394ذهبت الى البطحاء اشتري سنبوسه ولقيمات على السيكل
وكانت البطحاء بعيده عن البيت وصائم وتعب واخوكم راعي العجراءمشتهي سنبوسه
المهم رحت للبطحاء واشتريت
المطلوب وكان الوقت بعد صلاة العصر
ركبت الاغراض على السيكل وربطتها بحبال من زود الحرص على الكرسي الخلفي بكل فرح وسرور
وريحة السنبوسه من زينها تقول حاطها على الدركسون
او حاطها على كرسي صدري ماهو كرسي السيكل الخلفي
تجيب ريحتها الحصني اللي بقندهار
وتجيب البس اللي تحت طاولة مطعم تاج محل بالهند وانا لا شميتها تلصمت اذاني من زينها
تقول راكب طياره كونكورد
وجوع وصيام رايح في خبر كان واخواتها ماجبتهم مخليهم الى الحين بالدار
ماغير كان الحالها
المهم ياطولك ياوقت وياطولك يامشوار
وطول هالمسافه الساني متدلي وصاير لونه ابيض مع زهري من العطش والتعب لاشفته تقول قسيمة مرور
وانا ماغار اقول شد حيلك ياراع العجراء مابقى الا شوي وتاصل ومن بغى الدح ماقال اح
وماتضيق الا عند الله الفرج
ويوم وصلت حول البيت مابقى الا الف على اخر شارع فيه بيتنا رابع بيت على اليسار يعني وصلت البيت والمغرب قرب يأذن افرح يارع العجراء اللحين تفطر وتاكل السنبوسه
مع افمك واذانك وكل حتى تشبع
المهم يوم بغيت الف الا السنبوسه تطيح من السيكل بجيت سياره وهو يادافع البلا ينصاها
ولاتصير الا تحت الكفر يوم لزقت بالارض ماتنقشع لو تجيب كريك افغاني
ويافرحه ماتمت حصني قندهار رجع لهله مكسور الخاطر وبس الهند صوى له صويتين من القهر وعلى اقرب رحله مثل ماجا راح وراعي العجراء يهيم عبر امواج ريحة السنبوسه حتى عامنا هذا
وش الدبره يافريح
ماعاد فيه سنبوسه ولا لقيمات
انتهت السالفه والله يحفظ الجميع
وقبل الختام سبحانك اللهم وبحمدك لااله الا انت استغفرك اللهم واتوب اليك
دمتم بالف عافيه وعافيه

ناصر العلي

01/02/2012, 11:45 AM

عطيب ومايغيب

01/02/2012, 11:45 AM

عزيزي راعي العجراء

مبدع والابدع وصفك واختيار المفردات التي تعطي القصه النكهه

تصدك ونا اقرآ تذكرت الكرتون تومي جيري يوم الفار يطير مع ريحة الجبنه يسبح في الهواى

تقبل مروري

سليمان الربيعان

01/02/2012, 11:50 AM

هههههههههههههههههه اجل طاحت ودعست هههه

الله يعوضك باحسن منهن
الله يعطيك العافيه والصحة وطوله العمر على العمل الصالح
ونتظر جديدك من التميز والابداع
تقبل تحياتي.....

النبهاني

01/02/2012, 12:03 PM

راعي العجراء

01/02/2012, 12:52 PM

وعليكم السلام ورحمة الله وبركاته

سلمت يالغالي على هالسالفة

وماأقول إلا
لايامقروووووووووود
تستاهل
كان أخذت معك كان وأخواتها
لو أنا منك
كان أقشعهن وأقول لأهلي تراي مالقيت إلا مراصيع:D:good2:
كأني أتخيل سيكلك مثل هالسيكل المدندش
http://www.alriyadh.com/2010/10/19/img/322181932704.jpg

دمت بخير يالغالي

ياهلا يابوعلي
يابن الحلال انا اخذت معي كان وخواتها بغيت اخذهم معي بس مصاخين وحده فيها التهاب باللوزتين
والثانيه فيها عكنكش
الا على فكره تقدر تقول عكنكش خمس مرات يابوعلي
والسيكل مثل هذا مزبرق وفيه دناديش
دمت بخير

راعي العجراء

01/02/2012, 01:00 PM

عزيزي راعي العجراء

مبدع والابدع وصفك واختيار المفردات التي تعطي القصه النكهه

تصدك ونا اقرآ تذكرت الكرتون تومي جيري يوم الفار يطير مع ريحة الجبنه يسبح في الهواى

تقبل مروري

هلابك ياعطيب ومايغيب
والابداع انتم اهله نمشي على اثركم
وانا سبحت بالهواء بس على وقت التلفزيون ابيض واسود ماعرفت اطير زين
و فار هالوقت يجي ملون يعرف يطير
الله يخلف السنبوسه ودعست والتلفزيون ابيض واسود
لا بعد انتله علاق ملابس

راعي العجراء

01/02/2012, 01:06 PM

هههههههههههههههههه اجل طاحت ودعست هههه

الله يعوضك باحسن منهن
الله يعطيك العافيه والصحة وطوله العمر على العمل الصالح
ونتظر جديدك من التميز والابداع

تقبل تحياتي.....

هلا ياعم سليمان الربيعان
بالصراحه سنبوسه ريحتها في المخيخ الخامس عشر بالدور التاسع
ثالث غرفه على اليسار
اشكرك ياعم سليمان على هذا الحضور
اطال الله في عمرك ودمت طيب ياطيب

مسواتس

01/02/2012, 01:49 PM

ربي يعطيك العافيه

وننتظر جديدك

عاصفة عروى

01/02/2012, 02:46 PM

ههههههههههه أجل راحت السبوسة
لعله في الامر خير

محمد الظاهري

01/02/2012, 05:20 PM

وعليكم السلام ورحمه الله
حي الله راعي السؤلف الجميله
روائع الابداع وروائع السرد
نجدها عندك
قصصك لها طاااابع غير
اهنيك من كل قلبي
تحياتي وودي
اخوك

صقار مبتدئ

02/02/2012, 10:49 AM

هههههههههههههههه
و الله انك فتحت شهيتي للسنبوسه

صقر نجد99

02/02/2012, 03:19 PM

هههههههههههههههههههههه

ياحسافة راح تعبك تحت كفر السياره ههههههههههههههههه

لاهنت والله يعطيك الف سنبوسه اسف قصدي الف عافية

Al3rands

02/02/2012, 03:30 PM

ههههههه دايم مبدع

الدافور 1430

02/02/2012, 04:12 PM

ههههههههههه
أجل راحت السنبوسة

مبدع دائماً
ماشاء الله عليك

الشيخ900

02/02/2012, 06:27 PM

هههههههههههههههههههههههه

ويافرحه ماتمت اجل حصني قندهار وبس الهند هههههههههههههههه
ياحليلك ياراعي العجراء
من اشد المعجبين بطريقت سردك للقصه

تسلم يالغالي ولاهنت

أبوعابد 22

03/02/2012, 01:15 PM

هلا والله وغلا باخونا راعي العجراء
من طول الغيبات جاب الغنايم
وعسى المانع خير ولا تقولي متزوج من لبنانيه
هههههههههههههه

قتال الجنوب

03/02/2012, 03:31 PM

هههههههههههههههههههههههههههههههههههههههههههههههههه هههههههههههههههههههههههههههههه

راعي العجراء

03/02/2012, 05:09 PM

وعليكم السلام ورحمة الله وبركاته

هلا بالعديم وهلا وغلا براعي العجراء
حقيقه عندك افكار قصصيه متميزه واسلوب فريد
خبر كان رجعة حصني قندهار وبس تاج محل مكسورين الخاطر
أي والله وش الدبره يافريح
كلمة شكر قليله في حقك ولكن الله يسعدك في الدارين
دمت بحفظ الله ورعايته ياراعي العجراء

هلووووووه ابوسااالم
ويالله حيوه
مثلك اشفق على تواجده في سواليفي
فمرررررررررررحبا الف يابوسالم
والابداع انتم اهله
عشت في ود

راعي العجراء

03/02/2012, 05:15 PM

ربي يعطيك العافيه

وننتظر جديدك

ابشـــــــــــــــــــــــــــــــــــر بالجـــــــــــــــــــــــــــــــــديد
والله يعافيك

راعي العجراء

03/02/2012, 05:19 PM

ههههههههههه أجل راحت السبوسة
لعله في الامر خير

راحت مشت وعيوني تتبعها ___ راحت مشت مجبور اودعها
ااااااااه يادعست كفر ااااااااااه____ صابتك عين الحسد ااااااااااااااه
يالله ان تمسي عاصفه عروى بالخير

راعي العجراء

03/02/2012, 05:22 PM

وعليكم السلام ورحمه الله

حي الله راعي السؤلف الجميله
روائع الابداع وروائع السرد
نجدها عندك
قصصك لها طاااابع غير
اهنيك من كل قلبي
تحياتي وودي

اخوك

هلابك يامشرفنا الغالي
ومرحبااااااا الف بمحمد الظاهري
ياخيي لاتواخذنا بهالسويليفات اللي مايجوز لك قطه بحر
واجي بعد واعتذر منكم
دمت بخير

الربذي

04/02/2012, 09:52 AM

وعليكم السلام ياعلك تسلم ياراعي العجراء
على وقتك مااخترعوا الرشاشات ولا تصير ابو كلاشنكوف:D

راعي العجراء

04/02/2012, 06:47 PM

هههههههههههههههه
و الله انك فتحت شهيتي للسنبوسه

هلا ياصقار
ابشر بسنبوسه الطحينيه والبرشومي
طعمها يهبل
تجيب ماهو بس حصني قندهار
تجيب حصني كندا سباحه يقطع المحيط لو مايعرف يسبح

قوافي ( أم نهار )

04/02/2012, 07:00 PM

حياك ربي
سنبوسه وصيام وجوع <مثلث رفعة الضغط المثالي>
كل شي إلا ضياع السنبوسه!! وقدامك ماتقدر تاخذها < السهل الممتنع >
هذي يقال فيها قصيد
اسعدك ربي وحفظك من الشر
سالفه جميله كقصه وكواقع مريره
تحياتي لشخصك الكريم
اختك
..قوافي..

راعي العجراء

04/02/2012, 11:47 PM

هههههههههههههههههههههه

ياحسافة راح تعبك تحت كفر السياره ههههههههههههههههه

لاهنت والله يعطيك الف سنبوسه اسف قصدي الف عافية

هلا بصقر نجد
السنبوسه راحت ومابقى الا ذكراها
اجمل من طعمها لو انها الى الحين نفسي بالسنبوسه

ShOoShOo

05/02/2012, 05:54 PM

هههههههههـ عـــــوضكـ عـــنـد ربـــكـ

يعـــطيكـ العـــآفيهـ اخـــــــوي

سلمان 111

05/02/2012, 07:46 PM

ذا ولد نعمة

السيكل وقتها روووز

راعي العجراء

07/02/2012, 07:33 AM

السلام علاكم
اشكر جميع من شارك في الرد على هذه القصه
ردودكم وشاح على راسي وتاج على صدري
الله لايخليني منكم

قوافي ( أم نهار )

17/07/2013, 01:01 AM

...........................