نبي رايكم ورايكم يهمنا ويهم المنتدى

[سداااااح]

السلام عليكم
حبيت اعرض عليكم اقتراح
كثرة جرائم الانترنت وسرقه
يجي شخص ويعرض سلعه
و يقولك حولي الفلوس وارسلها والمشكله يمكن ماله كم يوم مسجل او شهر وتحوله ولا يقفل الجوال وانسى كل شي
بهذا الخصوص عندي اقتراح للاداره واتمنى تشاركونا المقترح

1- لايسمح لاي عضو عرض سلعه حتى يكون له سنه اوسنتين مسجل
2- انت تكون له عدد من المشاركات بخلال هالسنه والسنتين لاتقل من 300 الى 500 على اقل تقدير

3 - مشكلة المزياده على السلع وقد تتجاوز السعر المتعارف عليه وبزياده غير متوقعه
وحلهاا ان اي عضو جد يد ويريد المزايده
يجب وضع اسم ورقم اتصال له لبيان مصداقيت المزايده .

وياليت نشوف رئيكم بهاذا المقترحات
من المشرفين والاعضاء


اخوكم سداااااح

[فارس الحارثي]

عليكم السلام ورحمة الله وبركاته .

هذي ونا خوك حسب رايي وخبرتي بالجرائم المعلوماتيه .. مااعتبر الشيء هذا جريمة ..

هذي تعتمد على :
1/ الهندسة الاجتماعية من الكذاب اللي تحول له مثلا ويسحب عليك..
2/ وغباء المشتري وهذي اهم نقطة

والهندسة الاجتماعية لها كورسات وناس يدرسونها حول العالم وهي تعتمد اكثر شيء على الذكاء والاسلوب وخاصتاً في اكثر الاحوال (الكذب)

يجيك يعرض سلعتة للبيع بالمبلغ الفلاني .. او مزاد وحده 1000 ريال مثلا

تجي انت يا مستخدم الانترنت المسكين .. وعجبتك السلعة وكانت نادرة وتشتريها

تحول له الفلوس( قبلها راح يوهمك انه صادق وامين وغير كذا انت محتاج للشيء ذا النادر)

تحول له ويقلك برسلها لك فيدكس ولا اي وسيلة اخرى ..

حلو ..

تنتظر الا قفل جواله زي ماتقول وتحصل جواله بدون اسم

وتذكر عزيزي الشرطة ولا الحكومة محد بينفعك

بتروح لهم بيسحبون عليك زي القصة المعروفه اللي بلغ على سيارته وراح قالوا له مافي بلاغ ! اصلاً.


في النهاية هذا الامر ينتهي بالتوعية وصدقني كثرت المواضيع حول هذا النوع من الاحتيال لكن هل من متعظ ؟


وصدقني (القانون لايحمي المغفلين)

وفقك الله

[راعي المقانيص]

وجهة نظرك احترمها لكن اخي الفاضل هذا مايعالج المشكله ولا يعتبر اقتراح جيد

يعتبر المسؤول الاول والاخير عند شراء السلعه هو المشتري وليس البائع وانت عقلك في راسك تعرف خلاصك

بامكاني انا كمشتري اطلب تسليم البضاعه يد بيد وفي حال كان الشخص خارج المدينة التي اقيم فيها بامكاني ان اتصل على قريب لي او صديق بنفس منطقة البائع واستلام السلعه يد بيد

فليس من المعقول بان اعرض سيارة مثلا هنا في المنتدى واطلب منك تحويل مبلغ مائة الف ريال وبعدها اشحن لك السيارة او اسلمك السيارة

طبق المثال هذا على اي سلعه لو كان سعرها خمسه ريال صح ان المبلغ قليل لكن الغبن والقهر انه انضحك عليك اكبر من الملايين
وانت بيدك كمشتري تحمي نفسك او تروح ضحية لعبه فيها كذب ونصب وفوق هذا كله هل من المعقول بان تشتري سلعه مهما كانت بدون معاينتها او التأكد من انها مطابقه لنفس المواصفات المعروضه او المعلن عنها وانها تعمل بالشكل الجيد والمطلوب ؟ ؟ ؟

اسئل الله تعالى لي ولك وكل مسلم بالتوفيق والسداد وان يحمينا من كل فاسد

[ammamm]

أقترح على إدارة المنتدى أن تكون هناك خدمة (هذا العضو معروف لدينا)

على أن تحصل الإدارة على كافة الوثائق اللازمة لتقديمها للعضو المشتكي في حالة لزم الأمر

وبهذا سيقدم العضو معلوماته ليكون عضو موثوق ويضمن الجميع حقه

على أن تكون مسؤولية المنتدى في تقديم صورة من الإثباتات فقط والعضو يستخدمها في تقديم شكوى رسمية لدى الجهات المختصّة

[فارس الحارثي]

^^

ما اتفق معك .. اقدر انا اسرق عضويتك واستخدمها ; ) ضدك

النقاش حلو .. نقدر نستفيد منه ..

اشووف احسن حل زي ماقال اخونا يد بيد او زي ماقلت انت لكن بشرووط

[أبو هشام راشد]

من متابعتي لاقسام البيع في المنتدى تجد أغلب العارضين جدد

[الرياض111]

الله يجيرنا من النصب والاحتيال

[مكشاتي الصريح]

المفترض ان يكون المنتدى هو الوسيط في حال البيع والشراء وله نسبه ويحفظ لكل طرف حقه

[بواردي سلمى]

انا اقتـرح ان الادآره تكـون هي الوسيط بين البـآيـع والمشتـري


يعني الي يبي يحـول الفلـوس للبـآيـع يحولـه على الادآره ليـن مـآ الحاجـه تـآصـل لـه


وعقـب الادآره توصـل المبلـغ للبـآئـع ، وبكـذآ كلّـن يضمـن حقـه


صح ان اقترآحـي مكلـف ، لكـن ارى ان يدفـع للإدآره مبلـغ وقـدره ...$ من كل بيعـه

طبعـآ كلـن واستطـآعتـه ، وعلى حسـب البيعـه كبيـره او صغيـره


وقولـي للإدآره ، لآ اقصـد صـآحـب المنتـدى او شخـص معيـن


بـل ينظـر إلـى شخـص ثقـه ويرشـح من قبـل الاعضـآء


وكلكـم ونعـم مـآ بكـم قصصصصـور


وشكـرآآآ

[قمر بني تميم]

الله يعطيك العافية
اقتراح غالي

[سداااااح]

شااااااكر مروركم العطر
وهاذا راي والراي مع الراي بركه

[صقرولدصقر]

فعلا يجب ان يكون لإدارة المنتدى يد في هذا الموضوع والحل عندهم

كما ذكر الأخوان يجب ان تكون ادارة المنتدى ا و القسم اللي فيه البيع دور للحفاظ على سمعة المنتدى اولا وأخيرا

مثال :-

انا عندي سلعه معينه وابغى ابيعها عن طريق هذا المنتدى مثلا اتبع هذه الطريقه

1- انسق مع المسئول عن قسم البيع عن طريق المراسله او فتح موضوع اطلب اتصالهه بي او التواصل معي

2- يجب الاتفاق على نسبه معينه في حال البيع عن طريق المنتدى خلال المده المحدده .
3- التأكد من مصداقية العضو البائع ومن سلعته باي طريقه كانت
4- اعطائه وقت محدد مثلا اسبوع وبعدها يعتبر الاعلان مغلق ولاغي سواء باع خلال الاسبوع او لم يبيع
5- بعد المهله الاسبوع تعتبر مسئولية المنتدى ويتم حذف الموضوع نهائيا او اغلاقه بحيث لايراه الا الاداره او العضو نفسه.

هذا مالدي لو انني طولتها شوي وتدخلت في عمل الاداره ولكن هذا والله من حرصي على الصدق في البيع وايضا حرصي على هذا المنتدى الذي انا شخصيا استفدت منه اشياء كثيره منها معرفة رجال بمعنى الكلمه في هذا الصرح الشامخ وكذلك استفدت في شراء سلع منوعه من هذا المنتدى بعضها وفقت فيه وبعضها لم أوفق ولكن الحمدلله على كل شي .

[ابوسلطان 5]

الله يعطيك العافية

[الهاجري 4800]

تبي الراي السديد؟؟

اي شخص يبي يبيع ويشتري تكون له عضويه مميزة ومعترف لدى مكشات بدون رسوم

وان يشرط منتدى مكشات على الشخص 3- شروط

1- ان يصور بطاقة الاحوال لكي تكون مرجع وان لايطلع عليها سواء الجهه المسؤوله في المنتدى

2- ان يسجل معلوماتة كاملة عند الجهه المختصة ((مكشات)) وطبعا يتأكد المنتدى ان معلوماتة صحيحة

3- عند تحويل المبالغ من قبل المشتري يتم اخطار منتدى مكشات بذالك ويكون هنالك اثبات لكي يضمن حقوقة وعلى البائع ايضا اخطار مكشات لكي يضمن كلا الطرفين حقوقهما


هي مجرد اراء

ملاحظة:
كلامي هو راي شخصي وانا اسف اذا كان في كلامي تدخل في شؤون الادارة وطريقة عملهم فنحن يدا بيد ومنكم نستفيد ونتعلم
تقبلو تحياتي