ركبت فرار في جهه واحده هل يضر مع الاستخدام ___________________________

[مسمار شداد]

البارح شريت فرارات من السليماني وركبت الجهه اليسار فقط وماشيه معي تمام هل مع الوقت فيها اضرار

[اسدهم]

لا متوقع لنة يفصل التروس عن بعض واحد من الشباب الاستراحة شرا طقم وخذواحد وخوة واحد ولهم تقريبا سنة

[rpk]

خطأ لانها تشبك جهه وحده بس واشوف الناس طايحه فيها من قريب ياناس اشتغلوا صح وخلوا عنكم البربسه ركب الثنتين وريح

[شاص99]

اعتقد بغض النظر عن الضرر

اذا كنت شاك بالضرر فركب فرارين اضمن واريح للبال
ولا هي صايرة شقا

لانك اذا كنت نازل نازل عشان تفره خذ خطوتين وفر الثاني اضمن لك

[مسمار شداد]

وشلون تشبك وحده انا جربته في الرمل وضعه طبيعي اذافصلته ماتدور الكفرات الاماميه واذاشبكته شبك كل الكفرات ارجو التوضيح

[بدون لوحات]

نعم قد يخرب عند احد العكوس او الكارونه اذا خرب الفرار الوحيد وشبك معك وانت بسرعه عاليه

[مسمار شداد]

الى الان لم يأتي احد منا بالخبر اليقين كلها مجرد توقعات

[rpk]

وش توقعات الله يصلحك هم عطوك حبتين ركبها وريح راسك واترك شغل البربسه

[sameer_1798]

الى الان لم يأتي احد منا بالخبر اليقين كلها مجرد توقعات

لاياخوي ماهي توقعات في كتالوج الاندكروزر عندي في صفحات تشغيل الدبل هناك تحذيرات وتنبيهات انك ماتعشق فرارة وحده يجب ان تعشق او تفصل الفرارتين مع بعض وهذه صور من الكتالوج :
هذه أنواع الفرارات العادية والاوتماتيك D-ALH
http://www.mekshat.com/pix/upload05/images241/mk30962_img_3964.jpg

وهنا التحذيرات :
http://www.mekshat.com/pix/upload05/images241/mk30962_img_3963.jpg

http://www.mekshat.com/pix/upload05/images241/mk30962_img_3961.jpg


http://www.mekshat.com/pix/upload05/images241/mk30962_img_3960.jpg

[مسمار شداد]

هناك تحذيرات وتنبيهات انك ماتعشق فرارة وحده يجب ان تعشق او تفصل الفرارتين


الكلام هذ صحيح ا في حال وجود فرارين ولاكن لم اجد تحذير من تركيب فرار واحد

[مسمار شداد]

rpk كثير اشياء تجي حبتين مع بعض ولا انت ملزم تركبها كلها

ثانيا اذا الموضوع ما اعجبك ريح راسك وطلع وخل عنك البربسه

[مسمار شداد]

بختصار نريد الي جرب يفيدنا

[محرين باالخير]

حياك اخوي مسمار
انا عندي موتر له حوالي 5 سنوات راكب عليه فرار من جهة يسار وماشي زي الحلاوه بس لاحضت كأن الصوفه حقت اليسار فيها تهريب زيت هذا الي ظاهر معي وما اتوقع انه من الفرار ولاكن مأدي الغرض علي اكمل وجه والقصد من تركيب واحد تعرف رفيقك زول عساه يعشق واحد 0
بس الأفضل لو حصلت الي يعشق تماتيك علي دورة الدبل 0
اتمني لك التوفيق ،،،،

[بواسامه]

انا مجربها اكثر من سنتين بكروزر وبعته ومافيه الا العافية
ووحده تفي بالغرض للعجاز شرواي الطيب

[rpk]

rpk كثير اشياء تجي حبتين مع بعض ولا انت ملزم تركبها كلها




ثانيا اذا الموضوع ما اعجبك ريح راسك وطلع وخل عنك البربسه

لا تعليق

بختصار نريد الي جرب يفيدنا
خلاص ترها ما تضر شكلك ما ترتاح الا اذا احد قالك هذي الكلمه:D

[مسمار شداد]

محرين بالخير وابو اسامه حياكم الله تحيه المطر وماقصرتوا

محرين بالخير اي صوفه صوفة التحضيره؟؟؟؟؟؟؟؟؟؟؟؟؟؟؟

[sameer_1798]

هناك تحذيرات وتنبيهات انك ماتعشق فرارة وحده يجب ان تعشق او تفصل الفرارتين


الكلام هذ صحيح ا في حال وجود فرارين ولاكن لم اجد تحذير من تركيب فرار واحد
طيب ماهو اذا عشقتها (قفلتها) كانها غير موجوده يعني مثل شد البلد الكلام اختلف لكن التفسير واحد .

[مسمار شداد]

sameer-1798 جزاك الله خير على التوضيح وماقصرت

[شحرور الدهنا]

ياناس وين عقولكم اسف على هالكلمه
بس مايبغها تفكير اذا ركبت واحد معناته الثاني شابك يعني اذا مشت السياره يدور الكفر اللي بدون فرار ويدور معه العكس والعكس متصل بالكارونه والكارونه تدور تروس الدبل يعني ما استفدنا من الفرار ولا شي يعني ياركب اثنين يالا تركب وبالنسبه للضرر اتوقع يكون فيه ضرر على المدى البعيد على الصوف التروس لانها كل وقتها تدور من جهه وحده والله يكتب اللي فيه الخير للجميع

[المنيعي1]

الأفضل تركيب الأثنين
لكي تريح السيارة وتخفف عليها تقوم بتركيب الفرارات .
عمل الفرارات هو فصل دوران الكفرات الأمامية عن العكوس والكرونة وعمود الدبل.
أذا ركبت فرار واحد يقوم بفصل الكرونة وعمود الدبل ويبقى عكس واحد يدور , والمعروف أن فصل الفرارات تخفف على السيارة بنسبة بسيطه فلو تركت احد العكوس بدون ماتفصله تقل نسبت التخفيف على السيارة.

[Messerschmitt]

لا يوجد ضرر ولكن

وظيفة الفرار هو فصل العكس عن الكارونه

وبهذا يتوقف عمل العمود

واذا ركبت فرار واحد فقط فإن العكس الاخر سيدور

وتدور معه الكارونه وبالتالي لا تستفيد من تركيب الفرار.

[sgl2002]

اذا ركبت واحد يقوم يفصل عمود الدبل والعكس اللي بجهة الفرار المركب
والجهة الاخرى يدور العكس

والتوضيح اللي بالصور كافي انك ما تشبك واحد وتخلي واحد
وهي نفس طريقة اللي يركب فرار واحد
كيف؟؟
اذا انت مركب فرارين وواحد مشبوك والثاني مفصول فكانك حاط فرار بجهه وحده والثاني يعمل نفس عمل فلنجة شد البلد

انا اقول ياتركب اثنين او بلاش منها

[شمالات نجد]

ياناس وين عقولكم اسف على هالكلمه
بس مايبغها تفكير اذا ركبت واحد معناته الثاني شابك يعني اذا مشت السياره يدور الكفر اللي بدون فرار ويدور معه العكس والعكس متصل بالكارونه والكارونه تدور تروس الدبل يعني ما استفدنا من الفرار ولا شي يعني ياركب اثنين يالا تركب وبالنسبه للضرر اتوقع يكون فيه ضرر على المدى البعيد على الصوف التروس لانها كل وقتها تدور من جهه وحده والله يكتب اللي فيه الخير للجميع



هذا الكلام المضبوط وش فايدة انك تركب واحد والثاني لا


والعجاز يركب فرار تماتيك والا كهرب والله يعينه على الدواره


وفقك الله والجميع

[مسمار شداد]

الاحضت عمل الفرار الواحد طبعا في الجهه اليسرا
عندما يكون الفرار على وضع4*4 تدورجميع العكوس (الفليورات ) مع اتجاه دوران الكفرات
عند وضعه 4*2 تدور الجهه اليمنى التي بدون فرار كذالك بتجاه دوران الكفر
اما الجهه اليسرا ذات الفرار فتدور عكس اتجاه الكفر
الزبده اني بوضع فرار واحد ما تخلصت من دوران العكوس بل صار احدها يدور عكس حركه الكفر لذالك ذكر احد الاعضاء انه بنفس الطريقه هربت معه الصوف اليسرا لاكن اكيد اني تخلصت من دوران الدفرنس الامامي وتخلصت من دوران عمود الدبل وخفت السياره
بعدها ركبت الفرار الثاني وعلى وضع2*4 كلا العكسين ثابته رغم تحرك السياره
وعلى وضع 4*4 كلا العكسين تدور مع دوران الكفرات**********
ارجو اني افدتكم بتجربتي المتواضعه والسلام

[عاشق غريب]

السلام عليكم ورحمه الله وبركاته

صبحكم الله بالخير

الي عنده فرار ومركم واحد ومخلي الثانيه

انا ابي الثاني

لان عندي جهه وحده وابي الجهه الثانيه

وهذا رقمي بعد اذن الاداره 0590108846