ذعارالعوفي
03/02/2012, 02:59 AM
لجة الناس
يازينها لأبعدت عن لجة الناس=ورضى نفوس الخلق وايضاً حقدها
بأرضٍ خلا ماداجها أي عساس=ولاجاتها الكهرب ورزت عمدها
ولانية تخطط ولابه حجر ساس=وموجــات جوالك غايب مـــددها
يعني خلاوي منفرد رافع الرأس=مع رفقةٍ ياسعد من هو وجدها
بالعلم والخوة نوماس نوماس=جزل القصايــــد والفرايد بعدها
نذكرعلوم البدو واحيان جساس=ومعارك التاريخ نذكر زبـدها
ونبعد عن الموضوع لاصار حساس=ولا نذكر الأخبـــــار وآخر نكدها
ويازينها مع شبة النار محماس=وبنك من الخولان مأحدٍ نقدها
شغموم حامسها بإتقان وإمراس=معلمه شابيه حتى وكــدها
يعني على كيفك تجي لك بمقياس=لا نية وحده ولا احرق أحدها
ياجعلها يمناه تحفظ من البأس=لحطها بمبرده ثم ركــــــــدها
ثم دقها بالنجر مع صوت وإحساس=وأرهى عليها زين حتى فندها
وإختار لدلاله جمرٍ بمعواس=وألا بملقاطه نــــــــاره فردها
وركد بغاديده على النار جلاس=صفة تنال إعجاب رجلٍ شهدها
مثل الذهب مدري فرايد الماس=لون الزبـــــد لاقام يزبد زبدها
ثم ساق فنجاله مع ريح نسناس=هيله دواء كبــــــد تزايد كبدها
والتمر تمر خلاص قلة بقرطاس=أفضل تمور خلاص ضامد ضمدها
هذا قبل لايضوح للضوء مقباس=قبل شعاع الشمس يركز عمدها
ومن عقب شرب الكيف ماهم بنعاس=ركبـوا على الموتر بنية هددها
صادوا وفادوا وأعلنوا وقت مجلاس=في ظل دوحة في مسيلٍ وحدها
وكلن عن ذراعه شمرله لباس=وأنهى مجال الشغلة اللي قصدها
وتموا على هالوضع حماس حماس=أيــــــــام معدودة ومحصى عددها
ومن بعدها كلن لفاه ألف هوجاس=و هوجس بشيابه واللي وعدها
وولوا قيادتهم للسايق القاس=بأسرع زمن و القافلة في بلدها
هذا وصلى الله على خير من داس=أرض الجزيرة في أمان ورغدها
ذعار لافي العوفي
يازينها لأبعدت عن لجة الناس=ورضى نفوس الخلق وايضاً حقدها
بأرضٍ خلا ماداجها أي عساس=ولاجاتها الكهرب ورزت عمدها
ولانية تخطط ولابه حجر ساس=وموجــات جوالك غايب مـــددها
يعني خلاوي منفرد رافع الرأس=مع رفقةٍ ياسعد من هو وجدها
بالعلم والخوة نوماس نوماس=جزل القصايــــد والفرايد بعدها
نذكرعلوم البدو واحيان جساس=ومعارك التاريخ نذكر زبـدها
ونبعد عن الموضوع لاصار حساس=ولا نذكر الأخبـــــار وآخر نكدها
ويازينها مع شبة النار محماس=وبنك من الخولان مأحدٍ نقدها
شغموم حامسها بإتقان وإمراس=معلمه شابيه حتى وكــدها
يعني على كيفك تجي لك بمقياس=لا نية وحده ولا احرق أحدها
ياجعلها يمناه تحفظ من البأس=لحطها بمبرده ثم ركــــــــدها
ثم دقها بالنجر مع صوت وإحساس=وأرهى عليها زين حتى فندها
وإختار لدلاله جمرٍ بمعواس=وألا بملقاطه نــــــــاره فردها
وركد بغاديده على النار جلاس=صفة تنال إعجاب رجلٍ شهدها
مثل الذهب مدري فرايد الماس=لون الزبـــــد لاقام يزبد زبدها
ثم ساق فنجاله مع ريح نسناس=هيله دواء كبــــــد تزايد كبدها
والتمر تمر خلاص قلة بقرطاس=أفضل تمور خلاص ضامد ضمدها
هذا قبل لايضوح للضوء مقباس=قبل شعاع الشمس يركز عمدها
ومن عقب شرب الكيف ماهم بنعاس=ركبـوا على الموتر بنية هددها
صادوا وفادوا وأعلنوا وقت مجلاس=في ظل دوحة في مسيلٍ وحدها
وكلن عن ذراعه شمرله لباس=وأنهى مجال الشغلة اللي قصدها
وتموا على هالوضع حماس حماس=أيــــــــام معدودة ومحصى عددها
ومن بعدها كلن لفاه ألف هوجاس=و هوجس بشيابه واللي وعدها
وولوا قيادتهم للسايق القاس=بأسرع زمن و القافلة في بلدها
هذا وصلى الله على خير من داس=أرض الجزيرة في أمان ورغدها
ذعار لافي العوفي