من واقع الخبرة الشخصية

[الامبراطوري]

احب اسأل عن مواصفات الطير الجمييييل والطير اللحاق وهل يجتمعن بالطير الواحد والاجابة اتمنى ان تكون من تجربة الشخص نفسة مع الطيور .. لااحد يقولي علموني شيبانا اللي قبل او استقيت العلم من فلان .. احب ان تكون الاجابة من خلال ما اكتسبة الصقار نفسة من تربيته للطيور والهدد بهن .

[اسلي نفسي]

يفيدونك الاخوان ما يقصرون

[عأإدل الرشيدي]

مواري الطير الجميل والطيب
(1) هبر المجس (2)هجر الساق اي قصير الساق (3)كبر الكف (4)وسع العين (6) وسع المنخر (7) اقطم المنسر


ومواري الطير اللحاق والسبوق
(1) طول الموامي اي الجناحين (2)قصر الشليل بالنسبه للموامي (3) بروز الصدر اي تقدم الصدر (4) تفهق الجنحان اي تأخر الجنحان بالنسبه للصدر (5)وسع المنخر مما يؤهله لاكتساب كميه كبيره من الاكسجين (6) ان يكون الطير حار على العلف وظفر (7) وايضا بالنسبه للياقه يعني انك لازم انك تدعيه لكي يحافظ على لياقته

ويمكن ان تجتمع مواري الطير الطيب والسبوق في طير واحد

وهذا مما اكتسبته من الصقاره
واذا غلطت ولا نسيت شي ارجو من الاخوان ان يصلحون لي المعلومه
وارجو اني افدتك وهذا من واقع تجربتي

[قرناس شماالي]

يفيدونك الي جربو

لاكن واجد الي عندهم خببره بطيور الطيبه