قصتي مع دوار البحر

[Abo gssar]

السلام عليكم ورحمة الله وبركاته
ودي اسألكم في هذه الخيمة بحكم معرفتكم بالبحر اكثر من غيركم عن مشكلة دوار البحر اللي دايم ماتفارقني كل ماطلعت قارب صيد تلقاني منجطل في اخره واحس معتدي بتطلع من عيني وتكرر هذا الحال معي اكثر من مرة مع ان الحالة تشتد اذا وقفنا ورمينا المرسى وبدينا بالصيد اما اذا كان القارب يمشي عادي مااحس بهذاك الشي واللي مخليني اسأل اني اشوف الشباب اللي معي عادي ماعندهم مشكلة..
فيه حل عندكم لحالتي ولا اعتزل صيد البحر واكتفى بالقمري والارانب.

[abwd66]

اتوقع الدوار يجي للي معهم التهاب بالاذن الوسطي والله اعلم انا مثلك عندي لنش وبس يجيني الدور ولقيت حله الزنجبيل وحده بوحده او خذلك مقدار نص فنجال موية بحرر وجررب وجاول لاتفكر بالدور ان فكرت فيه كثير راح يجيك

[Abo gssar]

الله يعطيك العافية اخوي ان شاء الله المرة الجاية اجرب الزنجبيل وفعلا فيه بعض الشباب نصحني وانا في القارب اني اتمضمض بموية البحر لكن وقتها خلني اتحرك حتى اقدر امد يدي للبحر هههههه وتقول لي لاتفكر اصلا انا وقتها في شبه غيبوبة يدوب اجمع ....
ومسألة التهاب الاذن الوسطى لازم اروح اكشف لاني فعلا اشك انه معي.

[صايد الحوت]

اخوي جربت الحبوب حق الدوار سعره 5تقريبا لونه ازرق واذا طلعت اطلع صايم البحر يعني شي خفيف مره عشان تعيش ههههه ولا تركز على الموج وانت تمشي او واقف ولا تفكر في الدوار لما تطلع يعني انسا وربك يسرها :good2:

[وافي6556]

دور وجرب وش السبب وان الله اراد تلاقي علتك
البعض الحبوب تصلح لهم والأكثريه يشبعون نوم

عن نفسي كان يجيب راسي اذا البحر هايج شوي
وبدأت اقطع بعض الأكل والشرب في كل طلعه نوع
والله سلطني يوم على القهوه العربي والتركي
وطلعت هي اللي تجيب راسي بالبحر...والحمدلله الآن ادخل البحر وارجع والغزاله رايقه
وواحد من الشباب يعدل راسه على بطاطس ليز بالخل والملح واموره زينه
ذري راسك عن الهوا وابعد عن دخان المكاين وجرب تقطع اكل او تظيف اكل وعسى ربي يسلطك على علتك

[m3zoog]

والله انا نفس مشكلتك

مالك الا الحبوب من الصيدلية سعرها خمسه وشوية وبرضو لا تاكل الا خفيف قبل الرحله وداخل الرحله

واذا مره ازم معاك الموضوع نط في البحر اسبح اول ماتنزل يوقف الدوار :D

[Abo gssar]

اخوي صايد الحوت الحبوب اذا اخذتها قعدت يومين بعدها وانا راقد والمشكلة انها ماتعالج الوضع نهائيا ولكن مسالة تخفيف...
اخوي وافي يعطيك العافية بس والله مااتوقع اني اقدر اكل شي وانا في القارب.
اخوي m3zoog اخاف اطب اسبح مايطلعني الا خفر السواحل والا من جد بيقف الدوار نهائياااااااااااااااا واموت غريق

[وافي6556]

اخوي صايد الحوت الحبوب اذا اخذتها قعدت يومين بعدها وانا راقد والمشكلة انها ماتعالج الوضع نهائيا ولكن مسالة تخفيف...
اخوي وافي يعطيك العافية بس والله مااتوقع اني اقدر اكل شي وانا في القارب.
اخوي m3zoog اخاف اطب اسبح مايطلعني الا خفر السواحل والا من جد بيقف الدوار نهائياااااااااااااااا واموت غريق

لا تستسلم يالنشمي
ولله كنا نطلع بقاربنا وكلنا متسدحين ولا رجال فينا فيه شده يسوق ولا يرفع البروسي كأننا داخلين كشك الحوامل مو بحر...على قول اميرنا
جرب ودور عسى ربي ييسر امرك
افتكر في موضوع لشيخ الخيمه (وحيد الشيخ) عن دوار العمده:D ...دوره وان شاء الله ينفعك

[@ بحار مجيرمة @]

اخوي جربت الحبوب حق الدوار سعره 5تقريبا لونه ازرق واذا طلعت اطلع صايم البحر يعني شي خفيف مره عشان تعيش ههههه ولا تركز على الموج وانت تمشي او واقف ولا تفكر في الدوار لما تطلع يعني انسا وربك يسرها :good2:


اوافقك في الراي كلامة صحيح :good: :good2:

[Boury]

كما افادوك الشباب يوجد موضوع للعضو المتميز وحيد الشيخ ان شاء الله يفيدك:
http://www.mekshat.com/vb/showthread.php?t=405468

بالنسبة لاحساسك بالدوار عند وقوف المركب فهذا هو الشائع و الطبيعي لان الاحساس بالامواج يكون اقوى عند الوقوف اما لما المركب تمشي تحس انها تنطلق فوق الامواج بدون حركة الدرفلة المستمرة المحسوس بها عند الوقوف، بالاضافة الى الهواء القوي اللي تشعر به مع حركة المركب و استنشاق الهواء المنعش يساعد على طرد الاحساس بالغثيان.

نصيحتي لك لا تتقل في الاكل قبل الطلعة حتى لو طلعت جوعان.

[الفارس6]

على حد علمي الدوار يجي من كثرت تحرك الاشياء الي حولك عشان كذا يجيك الدوار انت اقعد في مكان ظله في القارب و هوي نفسك شوي وبس ويروح انشاء الله

[أبوحافظ]

نفس القصه اللي صارت لي
ومويه البحر ما نفعت معي والحبوب ماشي حالها
لكن المشكله ان الحاله تختلف من شخص الى اخر يعني اكتشاف الحل بيدك بعد ما تجرب كل شي
لما صرت اطلع قارب اروح في اماكن الموج فيها ضعيف جدا والحمدلله ما صرت اكل حبوب ولا شي بديت اتعود
الشباب اعطوك اقتراحات ولابد تجربها اكيد في شي منها بيحل مشكلتك
الزنجبيل - عدم الاكل قبل الابحار - دخان المكاين - حبل البروسي يكون من جمب القارب وليس المقدمه وهذا الشي يزيد تأرجح القارب - تناول حبوب الدوار قبل ركوب القارب بساعه - تمدد جسمك في القارب قبل تركب بساعه - خليك مستلقي للوراء اكثر شي و غيرها لو تبحث في مواضيع مكشات عن طريف باحث قوقل اكيد راح تستفيد اكثر
تحياتي

[accentkool]

مالك الا حبوب دوار البحر تحصل بالصيدلية تاكل منة حبتين قبل لاتركب البوت بساعتين ولا تكثر اكل دسم

http://files.mothhelah.com/img/eEx32609.jpg (http://files.mothhelah.com/)

[الروووسي]

ناااااااااام كويس قبل الطلعة ( أهم سبب من وجهة نظري الشخصية )

أفطر شي مرررره خفيف وحتى أثناء الرحلة خل أكلك خفيف و أبعد عن الأكل الدهني واللي فيه زيت

قبل الطلعة بنص ساعة على الأقل خد حبتين من حبوب دوار البحر ( ديزينيل )

أبعد عن دخان المكائن وريحة البنزين

أبعد عن المشروبات الغازية

لاتشغل بالك وفكرك بموضوع دوار البحر

ولو جاك الدوار : أشرب ربع فنجان موية بحر أو أنزل أسبح شوية وحاول تريح جسمك ويفضل إنك تنام في البوت ولو نص ساعة وإن شاء يروح منك الدوار

وإن شاء الله بعد فترة (بالتعود) راح تنسى موضوع دوار البحر





تحياتي ,,,

[عاشق البحرE]

هلا بك أخوي ابو جاسر ..

خلني أقولك من باب تجربه لي و لغيري ..

تركيبه كل جسم تفرق من شخص الى شخص .. البعض ينزل البحر لأول مره و لو كان فيه موج ما يتأثر بدوار و لا شيئ و البعض ينزل كل مره و يجيه دوار البحر و البعض يجيه مرات و مرات ما يجيه ..

أنا عندي طراد و أنزل البحر كثير و مع ذلك يجيني نادراً بس الحمد لله من أطلع اللي ببطني ارتاح و يرجع وضعي طبيعي ..

دوار البحر شيئ طبيعي بسبب أختلاء توازن الجسم في مكان غير ثابت ,, و هو شيئ نفسي بعد .. و السبب أحساس الشخص بالخوف من الغرق أو الخوف من البحر نفسه و تحرك الموج ..

أشخاص جربوا هذا الأحساس و نزلوا البحر و حمد الله تغلبوا على دوار البحر ,.. و الأحساس هو أنك تطرد الخوف من بالك و تعاند نفسك و تقول ببالك (( أنا قد البحر و أهواله )) .. لا تضحك ترها مجربه و نافعه جدا ..



خلني اقولك على بعض الشغلات اللي بإذن الله راح تفيدك و قبلها لا تزرع الخوف في نفسك :
1- لا تثقل أكل قبل دخول البحر .
2- خذ كفايه من النوم و لا تحاول تنزل البحر و أنت جالس أكثر من 20 ساعه .
3- قبل نزول البحر بـ ساعه على الأقل خذ لك حبتين موز.. راح يحفظ المعده، و خذ حبتين من حبوب ( ديزينيل ) ..
4- لا تجلس في مقدمه الطراد و بالخصوص وقت ما يكون الموج قوي في وقت الأبحار ..
5- لا تنظر الى حركه الموج عند الوقوف للصيد ( الحداق) نهائي لان حركه الموج لها تأثير قوي على الخوف و دوران الرأس.
6- في حاله وجود دوار و أنت داخل البحر خذ رشفه بسيطه جدا من مويه البحر و تمضمض فيها و اشربها قدر بسيط منها.
7- لا تشرب المشروبات الغازيه و مشروبات الطاقه و خلك مع العصير و الماء و الأكل خذ النواشف بس مثل الكيك و الفواكه ..
8- في حاله وجود دوار بجر لا تأكل نهائي و أكتفي بالماء و العصير .
9- في حاله وجود دوار بحر أختر مكان في أخر الطراد ((لا تجلس)) فقط حاول الأستلقاء و أغلاق العين .. و لو قدرت تنام نص ساعه راح تفيدك ..



و لو ما نفعت معك هذي النصايح .. خل الشباب اللي معك يربطونك بصخره وزنها 3 طن و يرمونك في البحر << أمزح ..

أن شاء الله أني قدرت افيدك أخوي و فالك الخير و الصموود في الطلعه الجايه .. و لاتنسى الشيئ اللي وصيتك عليه خل عندك ثقه بنفسك و أطرد الخوف و قول (( أنا لك يا البحر و بتحمل أهولك )) ..

[حرn-ew]

انصحك بصحن الفول بالسمن البري وشوربة الكوارع قبل الابحار < نذاله مابعدها






يا عزيزي هذا بسبب انك ماتطلع البحر باستمرار والمسألة تعود لا اكثر

[Abo gssar]

الله يعطيكم العافية ويبارك فيكم وان شاء الله نصايحكم تثمر معي ...
بس اخوي اللي يقول افطر فول وسمن هههه ذكرني باخوايي في اخر مره موقفين وسط البحر ويفطرون فول وقلابه وبعدها شاي بالحليب وحركات وسوالف وانا بينهم تقول خرقة وراسي بثقل الدافور اجل لو اكلت معهم فول اتوقع كان انتحرت....

[ابو عمار الحربي]

حاول انك تبعد عن ريحة الطعم وريحه البنزيم الريحه القويه اتزيد من حالت الدوران خليك في مقدمة البوت يعني في اول المقاعد وزنجبيل المطحون طيب والله يوفقك
وحبوب منع الحمل هذي الي وصفوها لك بعض الشباب مالك ومالها ما تنفع واحد من الشباب اكل ثلاثه مانفعته

[Abo gssar]

حاول انك تبعد عن ريحة الطعم وريحه البنزيم الريحه القويه اتزيد من حالت الدوران خليك في مقدمة البوت يعني في اول المقاعد وزنجبيل المطحون طيب والله يوفقك
وحبوب منع الحمل هذي الي وصفوها لك بعض الشباب مالك ومالها ما تنفع واحد من الشباب اكل ثلاثه مانفعته

ههههههههههههههه
الله يرج ابليسك وش حبوب حمل هههههههههه

[ابو عمار الحربي]

ههههههههههههههه


الله يرج ابليسك وش حبوب حمل هههههههههه

خذ الحبوب الي وصفوها لك وقرا الرشته كامله يمكن اتبطل ما تستعملها

[الضآمي]

تعرف ايش احلا علاج له


القيء (الاستفراغ)


إذا جاك دوار البحر استفرغ اكرمكم الله


وتحس بعدها براحة عجيبة وكأنك راعي بحر كل يوم تطلع


وأذكرلك سالفة واحد ماشاء الله مستصح شوي وصاحب مطبخ مندي


طلع مرة معنا البحر أول مرة بحياته


واول ما حس بالدوار انسدح وكان متضايق لين ما استفرغ أكرمكم الله وطلع كل الي ببطنه


بعدها الرجال تقول صار يناقز بالبوت ولا عليه خلاف


وقال يا شباب رجعوني قلناله ليش عسى ما شر خلاص نشوفك تحسنت قال لا صارلي سنتين ما لي نفس بالاكل احس شي غام على قلبي


لكن من بعد ما استفرغ حس بنشاط وصار يحس بالجوع سبحان الله وكانه دوار البحر والقيء الي يجي معاه علاج


فانصحك اخي لتجربة شخصية انه القيء بعد الاحساس بدوار البحر يرجعك نشيط ولا كأن شي حصل


والله يجيب الي فيه خير

[Abo gssar]

اجل من المرة الجاية ان شاء الله راح اخلي السمك يشبع هههههههههههههه اذا كان هذا الحل حتى لو لزم الامر اني اطلع المعدة واغسلها بموية البحر ثم اردها مرة ثانية بس يروح هذاك الغثى.

[رائد ابو محمد]

مثل ما تفضلوا الاخوة وازيد بعض الشىء جرب ان تاكل التفاح الاخضر وهو تفاح حامض
وهذا بعد التجربة وان شاء الله يفيدك كما افادني

[Abo gssar]

نشوف التفاح الاخضر ان شاء الله

[GM_400]

هلا بك أخوي ابو جاسر ..



خلني أقولك من باب تجربه لي و لغيري ..


تركيبه كل جسم تفرق من شخص الى شخص .. البعض ينزل البحر لأول مره و لو كان فيه موج ما يتأثر بدوار و لا شيئ و البعض ينزل كل مره و يجيه دوار البحر و البعض يجيه مرات و مرات ما يجيه ..


أنا عندي طراد و أنزل البحر كثير و مع ذلك يجيني نادراً بس الحمد لله من أطلع اللي ببطني ارتاح و يرجع وضعي طبيعي ..


دوار البحر شيئ طبيعي بسبب أختلاء توازن الجسم في مكان غير ثابت ,, و هو شيئ نفسي بعد .. و السبب أحساس الشخص بالخوف من الغرق أو الخوف من البحر نفسه و تحرك الموج ..


أشخاص جربوا هذا الأحساس و نزلوا البحر و حمد الله تغلبوا على دوار البحر ,.. و الأحساس هو أنك تطرد الخوف من بالك و تعاند نفسك و تقول ببالك (( أنا قد البحر و أهواله )) .. لا تضحك ترها مجربه و نافعه جدا ..



خلني اقولك على بعض الشغلات اللي بإذن الله راح تفيدك و قبلها لا تزرع الخوف في نفسك :
1- لا تثقل أكل قبل دخول البحر .
2- خذ كفايه من النوم و لا تحاول تنزل البحر و أنت جالس أكثر من 20 ساعه .
3- قبل نزول البحر بـ ساعه على الأقل خذ لك حبتين موز.. راح يحفظ المعده، و خذ حبتين من حبوب ( ديزينيل ) ..
4- لا تجلس في مقدمه الطراد و بالخصوص وقت ما يكون الموج قوي في وقت الأبحار ..
5- لا تنظر الى حركه الموج عند الوقوف للصيد ( الحداق) نهائي لان حركه الموج لها تأثير قوي على الخوف و دوران الرأس.
6- في حاله وجود دوار و أنت داخل البحر خذ رشفه بسيطه جدا من مويه البحر و تمضمض فيها و اشربها قدر بسيط منها.
7- لا تشرب المشروبات الغازيه و مشروبات الطاقه و خلك مع العصير و الماء و الأكل خذ النواشف بس مثل الكيك و الفواكه ..
8- في حاله وجود دوار بجر لا تأكل نهائي و أكتفي بالماء و العصير .
9- في حاله وجود دوار بحر أختر مكان في أخر الطراد ((لا تجلس)) فقط حاول الأستلقاء و أغلاق العين .. و لو قدرت تنام نص ساعه راح تفيدك ..



و لو ما نفعت معك هذي النصايح .. خل الشباب اللي معك يربطونك بصخره وزنها 3 طن و يرمونك في البحر << أمزح ..


أن شاء الله أني قدرت افيدك أخوي و فالك الخير و الصموود في الطلعه الجايه .. و لاتنسى الشيئ اللي وصيتك عليه خل عندك ثقه بنفسك و أطرد الخوف و قول (( أنا لك يا البحر و بتحمل أهولك )) ..

كفى ووفى :good::good:

[AHMED755]

طبعا الاخوان ما قصرو وياك عطوك كل شي هم انا خلني افيدك شويات انا كنت طالع للبحر مع العمل وكنا في بوت الزامل كان من جد كبير بس الاكواج ما تعرف هدا بوت كبير ولا طراد وكنت اطلع من قبل ولا كان يجي لي دوار البحر كان الوظع عادي بس ديك المره كان شي خرافي المهم كنا في البوت وحناء رايحن القصب تبع ارامكو بس من قوة الامواج البوت مايقدر يوقف عن البلات فورم حق ارامكو يخاف يلزق فيه ويصدمه وتكون كارثه المهم ماسمحو للبوت انه يوقف وحنى داخل البوت شوي ومن موت جاء الايوم الاول وحالتنا صعبه لا اكل ولا شي كل ما اكلت او شربت قمت ارجع فصرت طول الوقت نايم وكنت والله اجلس من النوم ارجع وارجع انام مر اليوم الثاني وانا منتهي خلاص نفس الشي لا اكل ولا شرب حتى لما كنت اشرب الماي ما يجلس في معدتي اكثر من دقيقه وانام واجلس من النوم وارجع المهم نفسيتي تعبت ولا هم راضين يودنا على السيف اخف لنا لان المشوار ياخد 12 ساعة على الموقع انا شخص ما استحملت ابد طلعت برا منها اشم هواء واخدت معاي كاس ورق ولما كان الموج يرتفع وينزل كان ينزل البوت وياه وهو طالع البوت يتعباء ماي بحر قلت يلا خلينا نشرب ماي بحر فقمت اشرب من بدل الكاس كاسين مافي فايده ترجع على طول رحت تهاوشت مع كبتن البوت وتهاوشت مع الشركة ان هم يشوفون لي حل يا انهم يرجعوني او ينزلون في القصب كلمو ارامكو وقالو من شوف رحت نمت وجاء اليوم الثالث وانا على نفس الحال جالي واحد الساعة 11 الظهر من الي في البوت وكانت جنسيته فلبيني او اندنوسي مو داكر يقول لي فيك دوار البحر قلت له ايه وحالتي لا تسر لا صديق ولا عدو قال لي روح احين اخد تفاحه وقطعاه الى نصيين وح ملح زوين في التفاحه واكل نص منها ومن بعدها اكل خبز بر او عادي وقال لي بعدها استنى شويات وروح رجع من جد شويات كلها دقيقه دقيقتين من اكلت رحت رجعت ومن بعدها نمت وجلست كان مافي شي كان البحر الي لعب فينا كان لعبة وشوي الا ارامكو تقول بيحملونا بل الكرين من بعد ما صحيت وصرت اسد قالو خلاص منحملكم في الكرين كان سويتها من قبل
واحين انا ادا باخش البحر اشرب زنجبيل واكل خبز فقط نواشف او تفاح مع ملح غير كدا مافيه وبالتوفيق

[Abo gssar]

ثلاث ايام الله يكون بعونك زين مامت هههههه

[نبيل بن سليم]

معلومة من الدكتور القدسي طبيب الأعشاب يقول سبب الدوار يرجع لخلل في شمع الأذن ولا يثبتة غير قطعة زنجبيل طازج بمقدار عقلة الأصبع الإبهام تؤخد مع حليب بالشاي وبعدها أنسي الدوار لمدة شهر وأكثر أنا شفت مقابلة معة في قناة لبنانية والغريبة في الموضوع هو لو أكلت زنجبيل قطعة صغيرة قدر العقلة أو قدر عشرين عقلة كلها واحد فمن الافضل لا نكثر من الزنجبيل ونتخيل انة كل مازودنا الزنجبيل كان أفضل وأسرع هذا خطأ

[ابو حسان اسحق]

السلام عليكم ورحمة الله وبركاته
العلاج نفسي حبيب . يعني يوم الرحلة من الصباح تكون جاهز نفسيا للطلعة اولا مبتسم (صعبة في الصباح)ثانيا تقول لنفسك انا جاهز للإستفراغ في البحر اهم شىء اطلع يعني اطلع يعني حا اطلع وزي ما وصوك الأخوان من قبل اكل قليل و انشاء الله حتشوف كيف

[ابو ريان111]

هذه المشكلة تواجه الكثير من محبي البحر.

[de7my]

الله يعين ...اتوقع المشكله نفسيه..من الخوف...نفس سالفة اللي يخاف من الطياره.

واجه المشكله..واعرف انك لو خفت او ماخفت النتيجه وحدهّ.

[TheSniper2012]

وش عاد اقول
الشباب ماقصروا قالوا كل المفيد

تحياتي ( ابو امجد )

[Abo gssar]

ماهي مسألة خوف صدقني المسألة مسألة مارسة وتعود
وفي نفس الوقت استعدادات جسدية تختلف من شخص لأخر بس وش تقول في اخوك احب البحر بس والله اتعب بشكل كبير اذا نزلته ...
بس من كلام الشباب راح ابدأ بالزنجبيل لان فيه شبه اجماع عليه