مشكلة في كلتش الباترول 91

[AL-GOKR]

السلام عليكم ورحمة الله وبركاته

أخواني انا عندي باترول 91 وعندي مشكلة في الكلتش

في بعض الاوقات اضغط على الكلتش كامل ولا تنفك النمره يعني مثلاً ابي اغير القير من الثاني الى الفاضي ما اقدر الا بعد وقت من الوقوف 2 - 4 ثواني واحس اسيارة تبي تمشي .

وبرضوه في بعض الاوقات اكون عند الاشارة وصرت ابي امشي اول ما ارفع عن الكلتش حاجه بسيطة تنقز السيارة . الله لا يهينكم يا شباب وش المشكلة واذا فيها قطع غيار كم التكلفة وبرضه وين افضل مكان يزينها بالرياض .

[محب الشافعي]

السلام عليكم ورحمة الله وبركاته

أخواني انا عندي باترول 91 وعندي مشكلة في الكلتش

في بعض الاوقات اضغط على الكلتش كامل ولا تنفك النمره يعني مثلاً ابي اغير القير من الثاني الى الفاضي ما اقدر الا بعد وقت من الوقوف 2 - 4 ثواني واحس اسيارة تبي تمشي .

وبرضوه في بعض الاوقات اكون عند الاشارة وصرت ابي امشي اول ما ارفع عن الكلتش حاجه بسيطة تنقز السيارة . الله لا يهينكم يا شباب وش المشكلة واذا فيها قطع غيار كم التكلفة وبرضه وين افضل مكان يزينها بالرياض .

اخي الكريم : وعليكم السلام ورحمة الله وبركاته , اولا عليك التاكد من ان ذراع الكلتش < الماشة > التي تدفع رومان الكلتش تتحرك بشكل طبيعي فقد يكون السبب من الذراع او المنظومة التي تحرك الذراع < كباس الكلتش > في حالة اذا كانت سيارتك فيه كباس يشتغل على الزيت او ان الذارع يعمل بواسطة سلك من الحديد .
ثانيا : اذا لا يوجد خلل في النقطة الاولى فالسبب في محتويات الكلتش نفسه وعلى الارجح الخلل في غطاء الكلتش اذا فقد نابضيته وكذلك انتهاء عمر او صلاحية الصحن .
اما بخصوص تكلفة قطع الغيار والمكان فاعتذر لاني لا اعلم , وبالتوفيق .

[AL-GOKR]

يعطيك العافية اخوي محب الشافعي واريح اكشف عليها اليوم والله يعيننا على غثى الورش

تحياتي لك

[نفداوي]

الله يعينك على غثاهم وغشهم
ارجو منك وضع اسعار القطع الي بتسعرها اوالي بتشتريها وش حل مشكلتك
لان عندي الكلتش يثققققققل بقوه اذا جيت اغير من نمره الى الي بعدها خصوصاً اذا شديت كل نمره الى اخرها

[السمووو]

هلا اخوي المشكله عندك هوا الباكم حق لكلتش وده لحقين الكبس يسوون له إصلاح ويكبسونه ويرجع تمام

[ابوعبدالله 93]

قبل اسبوعين صارت لي وغيرت علبت الكلتش العلوي وظبط وصار احسن مما يكون