للبيع دربيل التاج الاصلى BINOCULARS 30*6

[الشرطى]

السلام عليكم ورحمه الله وبركاته

والصلاه والسلام على افضل الخلق نبينا محمد وعلى اله وصحبه اجمعين ومن اتبع هداه

دربيل ماركه / ORIGINAL CROWN
مقاس الدربيل / 6 * 30

الحاله / جديد لم يستخدم

الصناعه / يابانى

اللون / أخضر

الموقع / الرياض

الدربيل بارد على العين ويتميز بصفاوه النظر وذلك لوجود زوم تقريب بالاضافه الى مكره لوزن النظر. وخفيف الوزن لصغر الحجم ينفع لقناص الضلع والمزارع .

السوم / نتظر سوماتكم

الحد / من حد لد

الرجاء عدم بخس السلعه واعطائها حقها وترانى سمح بالحيل واللى يسوم يضع رقم جواله ومن يوقف عليه السوم بأتصل عليه والتسليم للى بالرياض يد بيد واللى خارج الرياض الشحن على المشترى .

الصور :

http://im21.gulfup.com/2012-02-04/1328321952471.jpg



http://im21.gulfup.com/2012-02-04/1328321952372.jpg


http://im21.gulfup.com/2012-02-04/1328321952723.jpg


http://im21.gulfup.com/2012-02-04/1328321953354.jpg


http://im21.gulfup.com/2012-02-04/1328321953455.jpg


http://im21.gulfup.com/2012-02-04/132832195336.jpg

[ابو الوليد جد]

ماشاء الله الله يرزقك البيعة اللي تسرك

[الشرطى]

ماشاء الله الله يرزقك البيعة اللي تسرك


الله يجزاك خير ياغالى ويقبل منا ومنكم صالح الدعاء



العرض جااااااااااااااااااارى

[ذيب السريه]

200 ريال وان مآجآزتلك اعتبرهآ فتحت بآب
0557282782
اخوك عواض

[الشرطى]

هلا وغلا اخوى ذيب السريه
سومتن طيبه من وجه طيب
مهوب حقه والله ولا يفداك يالغالى


نطلب من الله الزود

[alwssam6]

الله يرزقك من واسع فضله

[الشرطى]

أمين ويخشرك من دعوتك يالطيب


الدربيل تراه من الاصليات وواضح من كرتونه وشنطته وقيمته بالسوق 600 ريال

ارجوا من الاخوان عدم بخس السلعه

اللى يبى الدربيل لا يشترى لين يجربه نص ساعه على عينه اذا حس بحراره ولا دوار لايشرى مشروط

جوالى لقه دخولى النت

0565502858

[شمروخ الود]

اخوي السوم 240 ريال وترا انا شراي

[شرابث]

250 ريال يالغالي

[الشرطى]

سومه طيبه من رجال طيب



للرفع مااااااااااااااااازااااااااال العرض جارى

[شمروخ الود]

260 وترا انا شراي

[راعي طفات]

300

0541339064

[الشرطى]

260 وترا انا شراي


سومه طيبه وانت اطيب


مهو حقه يالربع الدربيل جديد ماهو مستخدم وعلى نظر عينك اذا هو مستخدم لاتشتري


نطلب من الله الزود

[الشرطى]

300



0541339064



هلا اخوى راعى طفات يعلم الله مابعد وصلتوا راس ماله

لكن ترى الدربيل الاصلى مو المقلد وناظر الصور وخش على النت وتاكد


نطلب من الزود وترى بكون سمح بالبيع بس مو بخساره الله يجزاكم خير

[الحازم330]

350

0546418084

[ياسر المحمد]

السلام عليكم
سومتي 400 ريال
0506494000
ابوفهد

[عابد-]

لم يسبق لي تجربة هذا النوع من الدرابيل ولكن على كلامك انه طيب
افرق آخر سومه 420 ريال
0544888950

[الشرطى]

بيض الله وجيهكم يالربع سوماتكم طيبه وانتم اطيب منها وربى يشهد

مانى بعيد يالربع تكه وببيع ارفعوا صدوكم شوى بس

[السفير2011]

ماشاء الله تبارك الله


الله يرزقك من واسع فضله

[الشرطى]

السفير كثر الله من امثالك وجزاك الله خير على الدعوه الطيبه


للرفع والبيع قريب جدا

[عابد-]

اخوي الشرطي انا مثل ما ذكرتلك والسوم الآن راسي على اخونا { ياسر المحمد} والله يكتب لك البيعة الطيبه اللي ترضيك
وردي هذا للتنويه والرفع

[الشرطى]

هلا وغلا اخوى عابد الله يرزقك فى المبروك اللى شريت والله يعطيك من خيره ويكفيك من شره يالغالى


للرفع والسوم واصل 400 ريال عند اخونا ياسر المحمد

ونطلب من الله الزود

[الشرطى]

للرفع .......................... للرفع

[الشرطى]

سبحان الله العلى العظيم

[الشرطى]

للرفع الله يرفع قدركم

[الشرطى]

سبحان الله

[البريطاني]

السلام عليكم
يا اخي الغالي انت من وين شاري الدربيل ؟
انت اتقول ان سعره ٦٠٠
ولكن سعره غالي بالمره وعندنا بالسوق ٣٠٠ ريال جديد

[الشرطى]

السلام عليكم
يا اخي الغالي انت من وين شاري الدربيل ؟
انت اتقول ان سعره ٦٠٠
ولكن سعره غالي بالمره وعندنا بالسوق ٣٠٠ ريال جديد


خلاص على شهود الريجيل جبلى عدد 5 درابيل ولك فى كل دربيل 50 ريال عموله

وترانى عارفك ياراعى البوشنل لو تجى بسبعين نك اعرفك من طبعك واسلوبك

حاول تغير من اسلوبك لكى تكسب رضاء الله ورضاء المسلمين

تقبل احترامى,,,

[البريطاني]

ليش الحين زعلت انا ما قلت الا الصدق وانا مستعد اجيبلك الي عندي باقي انا صاحب محل والي باقي عندي اخليه لك انت من اي منطقه

[الشرطى]

انا فى الرياض يالغالى وفى انتظارك وصاااااامل فى المشترى

والرجال عند كلمته

واحب اعلمك مانى زعلان بالعكس والله الوضع عادى بس أهم شى نفس الدربيل التاج الاخضر مثل اللى بالصوره واكون لك من الشاكرين

[الشرطى]

http://www.mekshat.com/vb/images/reputation/reputation_pos.gif

البريطاني http://www.mekshat.com/vb/images/statusicon/user_offline.gif

مكشاتي


إرسال رسالة (http://www.mekshat.com/vb/member.php?u=140771#contactinfo) http://www.mekshat.com/vb/images/misc/menu_open_usercss.gif
قوائم العضو (http://www.mekshat.com/vb/profile.php?do=buddylist&nojs=1) http://www.mekshat.com/vb/images/misc/menu_open_usercss.gif
آخر نشاط: اليوم 04:23 AM


<LI class="thead first">قوائم العضو <LI class=vbmenu_option>إضافة إلى قائمة الأصدقاء (http://www.mekshat.com/vb/profile.php?do=addlist&userlist=friend&u=140771) <LI class=vbmenu_option>إضافة إلى الاتصالات (http://www.mekshat.com/vb/profile.php?do=addlist&userlist=buddy&u=140771)
إضافة إلى قائمة التجاهل (http://www.mekshat.com/vb/profile.php?do=addlist&userlist=ignore&u=140771)

<LI class="thead first">ارسال رسالة إلى البريطاني
http://www.mekshat.com/vb/images/buttons/sendtofriend.gif إرسال رسالة خاصة إلى البريطاني (http://www.mekshat.com/vb/private.php?do=newpm&u=140771)


الاحصائيات
الأصدقاء
معلومات الاتصال
»

http://www.mekshat.com/vb/images/buttons/collapse_generic.gif (http://www.mekshat.com/vb/member.php?u=140771#top) الاحصائيات

إجمالي المشاركات

إجمالي المشاركات: 38
معدل المشاركات لكل يوم: 0.05
آخر مشاركة: للبيع دربيل التاج الاصلى BINOCULARS 30*6 (http://www.mekshat.com/vb/showthread.php?p=7954675#post7954675) يوم أمس 02:49 PM
البحث عن كل مشاركات البريطاني (http://www.mekshat.com/vb/search.php?do=finduser&u=140771)
البحث عن كل مواضيع البريطاني (http://www.mekshat.com/vb/search.php?do=finduser&u=140771&starteronly=1)
معلومات عامة

آخر نشاط: اليوم 04:23 AM
تاريخ التسجيل: 07/11/2009









اشوفك دخلت اليوم ولا عاد رديت لى خبر يالبريطانى من ناحيه الدرابيل
ولا الكلام ببلاش

عموما فيه مثل قديم قالوه الأولين وينطبق فى هذه الحالات:
(ما على الذيب من ...........النعاج )



للرفع رفع الله قدركم

[الشرطى]

تم البيع ولله الحمد

الله يرزق راعيه ويعطيه خيره ويكفيه شره


قبل اقفال الموضوع مازلت فى انتظار البريطانى لشراء الدرابيل الخمسه 1750 ريال بعمولتهن

والرجال عند كلمته مجددا
ولا لايتكلم بين الرجال

تحياااااااااااااااااااااااااااااتى للجميع,,,

[البريطاني]

هههههههههه وتقول اني مانب زعل ههههههه
طيب عندك وسائط ابجوالك علي شان ارسلك صور الدربيل لاني ما اعرف انزل الصور بالمنتداا

[الشرطى]

ههههههههههههههههههههههههههههههههه
ارجوا من الاداره اقفال الموضوع

[البريطاني]

ههههههه
ياجبان خلك علي قد كلمك وراك هونت تبي اتقفل الموضوع
انا عندي اثنين كانك تبيهن ومستعد اوصفلك المحل الي اناا اخذ منه بالرياض بالجمله وجملته ١٨٠ ريال

[الشرطى]

هههههههههههههههههههههههههههههههههههههههههههههه

يقولون الحق الكذاب لين باب الدار
بدال البربره اللى مالها لزوم جب الدرابيل مو انت تقول انك صاحب محل يالكذاب والان تقول بتدلنى على المحل اللى تاخذ منه يأخى أستح على وجهك وخلك رجال وترى الرجاله مهى من ورى الشاشه .
اذا ماقدرت توثق كلامك فهذا لانك كذاب ويمكن كل الاعضاء قروا وتابعوا ردودك وعرفوا انك منت كفوا لكل كلمه قلتها وأنا يوم اقول للاداره اقفلوا الموضوع شفقان عليك لانى كنت قد كلامى رجال يعنى مو مثلك وقلت لك خذ 1750 ريال قيمه الدرابيل 1500 والعموله لكل دربيل 50 ريال يعنى 250 ريال .
والله يجزاك خير مابيها بــ 180 ريال ابيها بــ300 ريال مثل ماتقول بس جبها لى وعلى شهود الأعضاء والمشرفين انى شراى وترانى معروف فى المنتدى وكلمتى وحده.

ارجوا الاسراع فى توثيق كلامك اذا انت صادق .

[البريطاني]

ههههههههه
انا قلتلك ما عندي الا اثنين بالمحل مستعد اعطيك اياهن بس وشلون اوصلك انا من القصيم وهذاا رقمي ٠٥٦٥٨٥٩١٩١
ويوم اني اقولك عن المحل بالرياض ابغاك بس اتاكد من السعرر
واذا انت اتعرف احد من القصيم يقابلن
ولانب معطيك ابنفس السعر الي متفقين عليه ابعطيك زي ما ابيعه انا ٢٥٠
وتراي اتحراا اتصالك

[الشرطى]

فعلا كلامك صحيح يأخ البريطانى مريت المحل اللى تقوله ووجدت فيه الاسعار بالجمله شى عجيب فعلا أكثر من نص القيمه .
وحقين المحلات طايحين فينا طيح فى الاقيام.
نصيحه للجميع سوق الزل فيه رخص فى كل شى يبيعون بأسعار مخفضه واذا اخذت مجموعه جمله يبيعون بتخفيض يصل الى 60 %

علما أن الاسعار فى المحلات المنتشره بالرياض تختلف تماما والشى اللى بــ200 ريال بالجمله يبيعونه 550 ريال الى 600 ريال.

الأخ بريطانى ارجوا ان تقبل اسفى اذا أخطئت بحقك .

تحيااااتى للجميع ,,,

[ابوعدي001]

اعتبروا وافهموا قبل كل شي

دائما" الاختلاف في الراي مبني ع اسس قد تكون لدئ الجميع صحيحه ولكن الخطئ حصل من طرف ثالث

بيض الله وجهك اخوي الشرطي ع الرد الاخير

[صاروخ الغطغط]

الله يرزقك بسعر الى انت تبيه

[راح الأمل]

سراحه جدال قوي ونقاش اقوى ونتيجه تصدم من جد طلع سعره ارخص بسوق الزل سبحان الله ياخي بعض المحلات مايخافون الله واسعارهم دبل
وبيض الله وجهك اخوي الشرطي عالرد الاخير
فالسرعه الندامه وفالتأني السلامه