ذراق الحوار

[صلفان.نجد]

يااخوان الحوار مولود له يومين, واليوم ثالث اشوفه يذرق كثير ومعه دم, وش العلاج؟

[ABU SALEM]

عطها علاج الاسهال حق الاطفال الي تحطه مع الماء نص غرشه وتدعي لي ان شاء الله

[صقر البحيرات]

طيب الذراق له ريحه
وينهت الحوار

[هايل العتيبي]

الله يـعيـن

[ديم الوسم]

ياطويل العمر شف عند الصيدلي البيطري بخاخ ذراق واسأله عن طريقة استخدامه والله يلافيه سالم

[سهيل الازهرا]

عطه سلفا عند البيطري زينة للذراق

[سعدون البشري]

عطه لبن حامض جدا

[قاصد الصمان]

في الصيدلية البشرية
مضاد حيوي قومنتين 312
علاج فعال وناجح 100 % للذراق في الحيران
الجرعة :
5مل عن طريق الفم مرة واحدة في اليوم لمدة 4ايام

[فهد 333]

افادوك الااخوان
والله يحفظه لك

[قزيزالنعام]

مرحبا اخوي صلفان .عادي ذرق الحوار اول يوم والثاني والثالث هذا من السود الباء الخطر عليه من الاسبوع وفوق واحسن طريقه قلل العلف وشمل الناقه عطه خلف واحد ون شالله يقوم متعافي .وانا اعتبره عادي مافيه خطر 4يام الاوله

[صلفان.نجد]

للجميع الشكر على سرعة التجاوب لاحرمكم الله الاجر,, جرّبت الماء مع السكر والزبادي والحمد لله الامور زانت.

[ابوسعود .]

السلام عليكم ...

يا الربع فيه طريقه مجربه للحيران عشان تنظف بطنها من اي شي يضرها وهو اول ما يولد الحوار خمر له تمرتين في مويه وخله يشربها عشان ينظف بطنه من اللي فيه وهذي الطريقه مجربه ولله الحمد وزينه ...

[مرعي السرحاني]

شمل امه ولا انت معين الا الخير

[حمود الصعيبي]

من أكبر الأخطاء الي يرتكبونها اهل البل أنه أذا ولدت الناقه يعلفها وهذا خطا العلف عقب الولاده يظرها ويظر حوارها/خلها أقل شي ثلاث أيام بدون علف تخف ويخف حليبها وحوارها يكتفي بحليب أمه مايزود عليه ويوجعه خلها تدوج بالرمث يكفيها لا تشبكها /هاذا من واقع تجربه ممكن يجهل منها الكثير

[المهمري]

من أكبر الأخطاء الي يرتكبونها اهل البل أنه أذا ولدت الناقه يعلفها وهذا خطا العلف عقب الولاده يظرها ويظر حوارها/خلها أقل شي ثلاث أيام بدون علف تخف ويخف حليبها وحوارها يكتفي بحليب أمه مايزود عليه ويوجعه خلها تدوج بالرمث يكفيها لا تشبكها /هاذا من واقع تجربه ممكن يجهل منها الكثير




صح لسانك
وان علفناها نفتح الاسبوع الاول حلمه وحده ونشمل ثلاث ان كان حليبه واجد لاجل ما يجي الحوار اسهال
تحياتي لك ولصلفان نجد

[إبومشعاب]

السلام عليكم.اذا بقيت تعرف الفرق بين الحيران شف الحوار الي مولود في الخلا يعني مخظت وظيعهاراعيها ولا حصلها الا بعد كم يوم وشف الحوار الي ولد عند راعيه ومه تعلف على طول وتلاحض الفرق. نصيحه كانك في البر اذإ ولدت احجم احوارها وخل عينك عليها وذا احتاجتك جات من كيفها

[صلفان.نجد]

للجميع الشكر على المعلومات الطيبه,, وسوف اعمل بها مع الحيران الجايه ان شاء الله.

[راع الريمة]

رتب رضاعه....لايكثر عليه الحليب..

وعطه عصار الذرق الله يعزكم

[آبدولا]

يفيدونك الاخوان ان شاء الله

[احمد الهاجري]

عطه الصباح بدري مويه بارده كل يوم

امسكه وشربه .

وماعليه الا العافيه
وادع لي

[طالب المعرفه]

سؤال لبو مشعاب


وش معنى احجم ومتى افضل طريقة لها

[ربيع مكشات]

اخذ ترمسين من البيطري وحط 5سنتي في فم الحوار وكررها اليوم الثاني ون شاء الله تدعيلي وانا مجربه عدت سنوات والله الموفق