مشكله في فرار الباث فندر

[هملول السحاب]

السلام عليكم

اخواني البارح بالليل وانا راجع سمعت الصوت القوي كنه أحتكاك قماشات او كنه كرتون ناشبن بالكفر واهدي شوي شوي والصوت مايروح نزلت وشبك الفرار اليمين لان الصوت جاي منه ومشيت على السيارة وراح الصوت واليوم قلت بجرب فصلت الدبل من جهة الفرار الأيسر ومشيت عليه تقريبا بسرعة 30 كم وطلع الصوت ورجعت شبكت الدبل من جهة الفرار وراح الصوت.

تتوقعون من الفرار ولا العمود.

ياليت الافادة يالمكشاتية بدري فديتكم..

[أبونجم]

حاول أن تبدأ بالحلول البسيطة .
فك الفرار وأعد تشحيمه وتأكد من تركيبة بالطريقة الصحيحة .

وأعطينا النتائج ..........

[هملول السحاب]

حياك الله يابو نجم
المشكله مابو احدن عندي يفك الفرار ولا يعرفون له.

والمشكله بدأت وانا على سرعة عالية تقريبا على 160 بدا صوت قوي حسبت انه بنشر الكفر ووقفت ولا الوضع كويس امشي والصوت يزيد.

[عبقري91]

الرمام تلي جو الفرار شحم مانفع غير واتوقع تغيير افضل الان صعب اخراج ارمان من داخل الفرار

[الساهر2003]

طبعا وانا اخوك سبق لي وصار نفس المشكله صوت قوووي لدرجة اني بغيت اطفي الموتر في السريع واكمل على رجووولي ,,

اول ما وصلت الديرة فكيت الفرار جهة الصوت وخليت الثاني على وضعه ,, والسالفه لها اكثر من ثلاث سنين ولله الحمد والموتر مع اخوي الحين ولا طلع لي صوووت ,,

الزبده شيل الفرار ولا عليك ,,

[PATHFINDER 4]

نفس الكلام صار معي .. يبيلك تفك الفرار وتعيد تشحيمه وماعليه الا العافية
فكه وتشحيمه مايكلف اكثر من 40 ريال

[sgl2002]

انت فك الفرار بنفسك ترى ماهو شغلة اذا كان البرازيلي الفضي او الاسود

الفضي بسكروب واسحبه فقط
والاسود مفتاح 14 واسحبه فقط

شحمه ورده مثل ماكان

وترى هذي مشاكل الفرارات دايم تسوي الحركات هذي