الفزعة ياشباب مكشات

[my shark]

السلام عليكم ورحمة الله
أنا عضو جديد في منتدى مكشات وبصراحة عجبني واجد واجد....
وعندي طلب إذا ماعليكم كلافة ياشباب...
أنا راح أروح جزيرة أبو علي (( رأس أبو علي))
يوم الأربعاء 12-4-2006 أعرف وين يطلعون تصاريح...:D
بس ما أعرف وين أماكن الصيد في ( رأس أبو علي )..:confused:
لو سمحتوا تشرحوا لي فين أفضل أماكن الصيد حــداق
------
وفي الليل راح أصيد في الجبيل الصناعية
ولو تكرمتوا وشرحتوا لي في أماكن الصيد في الجبيل كمان أكون ليكم من الشاكرين




لا تتأخرو عليي شباب ما باقي إلا أربعة أيام على الرحلة...:cool:

ومشكوووووووووووووووووووورين على خدماتكم ياشباب مكشات ;)

[ابومحالة]

اعتقد انه قبل محطة كهرباء ارامكو زين واذا تبي شي زين صيد قرب اي محكر

وعلى العموم هذه المنطقة زينة بس اللي على اليمين

[الخليج]

فيه مكان في جزيرة بو على زين لكن لازم يكون الهوا شمال والمكان فيه تعب للي يبي يحدقه وانا صدت فيه قبل العام عشرة سبيطيه في يوم واحد وصعب وصفه0
ولكن ابدلك على مكان ان شاء الله توفق فيه0
لما تدخل مع البوابة كمل حتى تجيك لوحة ارامكو انزل بعد اللوحة يسار فيه عقم خله على يسارك كمل لين يتوقف الطريق ويصير مقابلك بيبات قائمة بالبحر لف يمين وخل البحر على يسارك سوف تشاهد (حظرات) مكسرة احدق بينهم وعسا الله يوفقك
،،،الخليج،،،

[بو راشد]

بسم الله الرحمن الرحيم

الاخ my shark
السلام عليكم ورحمة الله وبركاته
الاخوان ماقصروا دلوك على المواقع الزينه ولكن احذر من الاماكن الهابطه واعني فيها اماكن السباخ لان يوم الاربعاء يوافق يوم 14 من الشهر يعني المايه (شيل) اي سوف يرتفع الماء اعلى من المعتاد ويكون التيار اقوى
خصوصا اول موسم السريات,
اذهب ولاتخف وانظر الى موطئ قدمك فان شاهدت مسحب ماء فخذ الحذر اتمنى لك التوفيق
تحياتي
بوراشد

[my shark]

مشكوووووووووووووووورين يالأخوان
أبومحالة...... و الخليج......وبو راشد
والله أنكم ماقصرتوا وإنشاءالله إذا الله وفقني وصدت السمك الزين
راح يكون ليكم نصيب منه
وكرر شكري للأخوان ويعطيكم ألف عافية


ولي يدل أماكن بعد يقول لي على شان أعطيه سمك من صيدي