سؤال عن خرازة قديمة جدآ

[ابوسعد 2011]

بسم الله الرحمن الرحيم .

السلام عليكم ورحمة الله وبركاتة .

لقيت خرازة موديل 90 او اقدم مكتوب عليها برنو فيها ختمين طريقة وزنها غير وزن البرنو 96 .

مافيها زي البرنو الجديدة مسار تقدمة وترجعة طريقة وزنها ثلاث درجات فقط الي في النص ثابت مقاس 5 وواحد نازل مقاس 7 متحرك ترفعة للرمي البعيد والثاني نازل مقاس 6 متحرك ترفع اي واحد منها حسب الحاجة كم سعرها هذي .

[ابوسعد 2011]

للرفع .........

[ابوسعد 2011]

افا مافية ولا رد .

[أبوعابد 22]

البندق زينه واحسن من 96 والله يباركلك فيه
وانشاء الله تاكل من صيدها

[ابوسعد 2011]

طيب اخوي ابوعابد البندق اي موديل وكم تسوى اذا تعرفها .

[ابوسعد 2011]

وين ردود الاعضاء .

[قمران المطيري]

جيب صورها وابشر بقيمتها

[متولع بالقنص]

الاخوان فيهم خير وبركه

بس انتظر يفيدونك اكثر

[كاكا6]

السلام عليكم اخوي ابوسعد انا اذكر ابوي يعلمني ان السكتون ام ختمين القديمة طيبة بالحيل واذ هي نظيفة تسو كثير يعني من الـ9 الى الـ10 بس مادري قصدة البرنو ولا الالمانية
وترا هذا الكلام من فترة قبل مايقارب السنتين وتقبل مروري

[ابوسعد 2011]

اخوي كاكا البندق برنو قديمة مكتوب عليها برنو وخشابها قديم ونيشانها ثابت مهوب مثل الي يتحرك قدام وخلف في البرنو الجديدة هذا ثابت ولة نيشانين متحركة جنب النيشان الثابت نازلة تحت وتقدر ترفع اي واحد منها حسب المسافة الي تبي ترمي بها ترا النيشان الي اقصد مو الي في اخر البندق الي اقصدة الي في نص البندق حق الوزن .

[كاكا6]

خابر قصدك اخوي الشايب والله نايم ذلحين وهو اخبر مني بكره ان شاء الله بردلك خبر

[ابوسعد 2011]

تسلم اخوي كاكا الله لايهينك ويخليلك الشايب ويحفظة .

[كاكا6]

الله يجزاك خير ويسلمك ومسويت شي اخوي ابو سعد

[صياد الجبل]

اخوي ابو سعد صبحك الله بالخير اخوي دام البرنو قديمه يعني 90 وتحت خذها ولاتشاور

ترا السلاح القديم مامنه ابد في القوه وغيره خصوصا لاحصلت النظيف شد البلد

وترا جودت القديم افضل من الجديد هذي قاعه لاغبار عليها

[مرعي علي]

صباح الخير اخوي ابو سعد البرنو كفو وهي ثلاثة ختوم الختم الثالث في الحذوة واغلبها مديل 48 واسعارها عندنا في الجنوب ما بين العشرة والثناعشر الف ونادر ما تلاقيها وتمدي وقرار عجيب والله يبارك لراعيها

[ابوسعد 2011]

صدقت اخوي مرعي بس ماعرفت الموديل لكن سألت راعيها عنها امس وقال بيعت :) .

ان شاء الله نلقى غيرها :D .

[بن مقبل]

خيرها في غيرها يا بو سعد

[قمران المطيري]

اذا كانت قصيره السكتون ونيشانها ثابت ومثل ماقلت واحد حق البعيد الى قدام والثاني الى وراء النيشان حق القريب هذي عندنا وسيمينها 10000 ولا هي للبيع واخذها ولا تشاور احد هذي ماينتفرط فيها

[ابوسعد 2011]

البندق عليها ختمين شكل الختم دائرة في وسطها حرف Z وصناعتها سسلوفاكية تشيكية برنو هذا كلام راعيها قبل يبيعها :D بس الغير يقول ماكتب عليها موديل ابد .

[كاكا6]

السلام عليكم اخوي ابوسعد معليش على الاطالة والله اني انشغلة هاليومن بس جبتلك العلم
اذا كانت نظيفة بدون تصريح قيمتها من 6000الى 8000 واذا كانت بتصريح يفرق 1500 واكثر
وسامحني على القصور والتاخير وتقبل مروري

[ابوسعد 2011]

اخوي كاكا طيب عرفت موديلها لان ماكتب عليها موديل .

[ابوسعد 2011]

البندق عليها ختمين شكل الختم دائرة في وسطها حرف Z وصناعتها سسلوفاكية تشيكية برنو هذا كلام راعيها قبل يبيعها .

[ابوسعد 2011]

ونيشانها الي في النص الثابت مكتوب علية 50 والي قدام المتحرك 70 والي وراء متحرك مكتوب علية 100 .

[كاكا6]

اخوي ابوسعد انا سالت عنها وقالو انها قديمة وهي طيبة بالحيل وانت جرب السكتون
وانت اخبر مني حدد مسافة معينة حدود 90 متر وارم 5 او6 رصاصة في نفس المحل ونفس الوزنية
اذا تغير رمية مره فوق ومرة تحت تراه تزم فيه مشكلة اذ رمية في نفس المحل ترا رمية طيب بالحيل وتقبل مروري

[بحر الخليج]

ان كانها يرنو تشيكية موديل 90 يجي مكتوب عليها رقم 90 في الجنب الايسر خلف السرج بشوي وعلى ضهر البندق حرف Z في دائره خلف السرج تماما ان كانها زي كذا فاخذها ولا تشاور عندي اختها تسوق مثل السوبر برنو واطيب بالعربي رميها يهول ويعجبك في البعد .

[ابوسعد 2011]

موديلها اتوقع اقدم من 90 برنو .