سعر الطير المناسب والغير مناسب ..موضوع للنقاش

[البرنس الليبي]

احبتي انا عندي موضوع واتمنى تتقبلونه برحابة صدر :
اطلعت على اكثر من موضوع لطيور معروضه للبيع ووجدت بعض الصقاقير الله يبارك لهم في طيورهم يعرضونها بأسعار خيالية لاتتناسب مع وقت الربطه وبعضهم لايفرق بين سعر الطير في وقت نقلة الطير وقرب الهداد أو ربطة الطير للقرنسة وبعد المقناص وحر الصيف .
يا اخوان نصيحتي قبل لاتعرض طيرك تذكر الآتي :

1-تخيل ان طيرك في السوق وبعد ذلك ضع السعر اللي انت ممكن تشتريه به ..طبعا لازم تكون صادق مع نفسك !
2-تذكر وقت الربطه ويمكن الطير يمرض ..يموت ..يتأخر في القرنسة بسبب أي عارض وعندها ينزل نصف سعره ..لأنه يجهز بعد ان يتم القضاء على الحباري بالطيور الجاهزه .
3-لابد ان تترك مجال لكل من يبغى يترزق من سلعتك ..(اللهم ارزقني وارزق مني ) لأنه قد يشتريه صقار يدور المكسب ومن ثم يضيع منه او يموت عنده لأنه تأخر في بيعه بسبب انه اشتراه غالي ولم يجد الزبون الذي يشتريه منه بمكسب .
4- تذكر دائما ان الطير الطيب يعطي سمعه طيبه لصاحبه الاول لأنه يقال هذا طير فلان وهذا قد يجلب لكل زبائن آخرين بسبب هذا الطير الذي قمت ببيعه بسعر مناسب وينفعك بعد الله في بيعات آخرى .

هذي فقط مجرد نصيحه ولانريد ان نبخس طيوركم الطيبه واسأل الله ان يرزقكم من واسع فضله .

[gmc 454]

موضوعك ممتاز جدا وتشكر عليه

[وزاري]

بــيــض وجهك يالبرنس الليبي على هذا الموضوع

مافيه شك ان الطير الطيب يروح سمعتة بعيد وقريب ويعرفونك رجال وأنت ماتعرفهم والسبب الطير الطيب


فيه نقطة ذكرتها رقم 2 وهذة صارت مع ناس كثيرون يشترون الطير فى بداية الربطه بسعر كبير

واذا جاء الهدد والموسم شال الطير من المربط وراح للمستشفى وفحص الطير ولقا بالطير أنواع الأمراض

قال البايع : انت اشتريت الطير على انه متعافى
قال الشاري: الطيـــــر مريض

وفى النهاية يعطى البايع للشارى نص المبلغ

أرجوا عدم التسرع في الشراء بحجة ان بداية الربطة يرخص الطير وفى نهاية الربطة يكون الطير غالى

الطيب غالى مهما صار خريف او صيف

وشكرا على الموضوع الرائع

[وسًاام]

موضوع جيد يعطيك العافيه

[صقار 2010]

موضوع رائع كروعة صاحبه

يعطيك العافيه اخي

دمت

[ابوعزيز2007]

موضوع رائع جدا وهذا الي حاصل هالوقت ولاكن وانا اخوك الطير الطيب يفرض روحه بوقت الربطه ولا بوقت الهدد قيمته وحد طال عمرك واترك الموضوع لباقي الربع

[البرنس الليبي]

موضوعك ممتاز جدا وتشكر عليه

مرحبا يالغالي ..الرائع هو تواجدك .

[البرنس الليبي]

بــيــض وجهك يالبرنس الليبي على هذا الموضوع

مافيه شك ان الطير الطيب يروح سمعتة بعيد وقريب ويعرفونك رجال وأنت ماتعرفهم والسبب الطير الطيب


فيه نقطة ذكرتها رقم 2 وهذة صارت مع ناس كثيرون يشترون الطير فى بداية الربطه بسعر كبير

واذا جاء الهدد والموسم شال الطير من المربط وراح للمستشفى وفحص الطير ولقا بالطير أنواع الأمراض

قال البايع : انت اشتريت الطير على انه متعافى
قال الشاري: الطيـــــر مريض

وفى النهاية يعطى البايع للشارى نص المبلغ

أرجوا عدم التسرع في الشراء بحجة ان بداية الربطة يرخص الطير وفى نهاية الربطة يكون الطير غالى

الطيب غالى مهما صار خريف او صيف

وشكرا على الموضوع الرائع

كلامك صحيح لكن انا عن نفسي ما اشتري اي طير غالي إلا بعد فحصه .

[البرنس الليبي]

موضوع جيد يعطيك العافيه




الله يعافيك ويسلمك

[البرنس الليبي]

موضوع رائع كروعة صاحبه

يعطيك العافيه اخي

دمت


مرحبا ياصقار 2010 مرورك اروع ياغالي .

[البرنس الليبي]

موضوع رائع جدا وهذا الي حاصل هالوقت ولاكن وانا اخوك الطير الطيب يفرض روحه بوقت الربطه ولا بوقت الهدد قيمته وحد طال عمرك واترك الموضوع لباقي الربع




ابوعزيز انا معك والسلعه الطيبه ماتبور لكن لابد من وجود الاختلاف في السعر ..!
مثلا :الحر الصايد الطلع اللي يلحق ..هل سعره الحين هو نفس سعره في بداية شهر عشره 2012 بعد مايقرنس وتصك امواسه ؟:)

[alaaly]

مثلا :الحر الصايد الطلع اللي يلحق ..هل سعره الحين هو نفس سعره في بداية شهر عشره 2012 بعد مايقرنس وتصك امواسه ؟:)

حبيت أقتبس بيت القصيد في الموضوع وشكرا لكل المشاركين على الآراء البنائه

[أبو فيصل]

السعر المعقول؟ ويـــــــــــــــــــــــــنـــــــه!!!

الخبلان واجد ولكل ساقط(ن) لاقط

مر(ن) تشوف طير ما يعطي حقّه ومر(ن) تشوف طير(ن) يزقحونه فوق ولا تدري وشهو من طير هو صحيح يسوى ولا ما يسوى والصدق الله أعلم به

وفيه ناس ما يبيع طيره دون مشتراه ذاك الزمان!! ... ما يدري أن السن و العمر و الموسم و العبور و آخر مرّه هد الطير و صاد و طبايع الطير و عوامل كثيره لها دور في تحديد السعر و كم من طير بعناه دون قيمته و حنا كسبانين.

الصقاقير و تجّار الطيور الأوّليـــــــــــــــن يمشّون الطير تالي الوقت بسعر السوق لأنه يدري كل ماله تقل قيمته و خصوصآ طرح الهوى اللي ما صقر و الشياهيـــــن اللي قرناسها يطوّل و مشاكلها الصحيه كثيره.

لكن خربت الصقاره من يوم كثرو التجار و قامو يحرّجون عليها أهل الحمام و سوق الغنم

[قرناس شماالي]

وعليكم وسلام ورحمة الله وبركاتة

والله يالغالي كلامك في السليم وفيه تعدي على صاحب الطير

الطير الطيب ماينزل سعره لونه بربطه وراعي الطير يوم يبي يبيع مايفكر بموت الطير ولى يمرض

هذا كومت ريش وكان يمرض ويموت والله الي يعوض

ومافيه واحد يبي الخساره وصقار مايشري طير برغبته ويقول خسرت

ومعروفه الطير يايموت ولى يضيع

والله يوفق الجميع

[البرنس الليبي]

وعليكم وسلام ورحمة الله وبركاتة





والله يالغالي كلامك في السليم وفيه تعدي على صاحب الطير


الطير الطيب ماينزل سعره لونه بربطه وراعي الطير يوم يبي يبيع مايفكر بموت الطير ولى يمرض


هذا كومت ريش وكان يمرض ويموت والله الي يعوض


ومافيه واحد يبي الخساره وصقار مايشري طير برغبته ويقول خسرت


ومعروفه الطير يايموت ولى يضيع


والله يوفق الجميع



احترم وجهة نظرك وهذا رأيك ..! وانا ماتعديت على الطير الطيب ..لكن تبقى اختلاف في وجهات النظر .

[عابر الموج]

موضوع طيب مثل راعيه لاكن ابي اطلب منك اذا وجد صقرحر اصيل صايد راكد جناح فارط عمرة لايتعدى رابع سالم من الامراض اشريه منك ب 20000 الف ولاخوان يشهدون على ذلك خلاف الوحش اتكلم عن الطير البيتي والطير الي ينومس بالهدد غالي دائما اما بشان الموت قال تعالى (كُلُّ نَفْسٍ ذَآئِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَما الْحَيَاةُ الدُّنْيَا إِلاَّ مَتَاعُ الْغُرُورِ) تقبل تحياتي

[البرنس الليبي]

موضوع طيب مثل راعيه لاكن ابي اطلب منك اذا وجد صقرحر اصيل صايد راكد جناح فارط عمرة لايتعدى رابع سالم من الامراض اشريه منك ب 20000 الف ولاخوان يشهدون على ذلك خلاف الوحش اتكلم عن الطير البيتي والطير الي ينومس بالهدد غالي دائما اما بشان الموت قال تعالى (كُلُّ نَفْسٍ ذَآئِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَما الْحَيَاةُ الدُّنْيَا إِلاَّ مَتَاعُ الْغُرُورِ) تقبل تحياتي



مرحبا ياعابر الموج ..مرورك على الموضوع يشرف ..اخي الغالي اتفق معك في كلامك والطير اللي مواصفاته ذكرتها يستاهل الـ 20000 الف وزياده الحين لكن ترى غيرك بيشتريه بـ 30000 في شهر عشره .

انا ماحددت سعر لكن مهما كان السعر فالطير وقت النقله اغلى ! انت توافقني وللا لا .

بعدين لاتكون متحسس من الموضوع لانك عارض طير غالي ؟
انا وجهة نظري ان طيرك يستاهل السعر الغالي لكن وقت النقله يستاهل اكثر من السومه اللي انت ذاكرها في الموضوع .

[مربي الصقور]

جزاك الله خير وموضوع طيب وانت اطيب لكن فيه ناس يبيعون طيور غاليه وخصوصا هالسنه الحين الشاهين الجبلي قبل الربطه فوق 2000 وطيب ان جا الطير مرض او مثل ماقلت يتاخر في القرنسه وش الدبره استبدل الطير !!
تقبل مروري

[ملك الأحرار]

الله يعطيك العافيه

[عابر الموج]

مرحبا ياعابر الموج ..مرورك على الموضوع يشرف ..اخي الغالي اتفق معك في كلامك والطير اللي مواصفاته ذكرتها يستاهل الـ 20000 الف وزياده الحين لكن ترى غيرك بيشتريه بـ 30000 في شهر عشره .

انا ماحددت سعر لكن مهما كان السعر فالطير وقت النقله اغلى ! انت توافقني وللا لا .

بعدين لاتكون متحسس من الموضوع لانك عارض طير غالي ؟
انا وجهة نظري ان طيرك يستاهل السعر الغالي لكن وقت النقله يستاهل اكثر من السومه اللي انت ذاكرها في الموضوع .

شكرا لك بالعكس الصدر وسيع ولاني متحسس ابدا وطيري اذا ماجاب السعر الي في خاطري ماراح افرط فيه ولاكن ماقصده ان الطير الطيب غالي اذا كان باول النقله اوحتى بالمقيض شكرا لك مرة اخرى تقبل تحياتي

[تميم2222]

والله عني .. انا المقياس الحقيقي لقيمه الطير .. السووووووووووق ... يكفي ترقعنا بالاستراحات لين قلنا بس .. بصراحه الاسعار مبالغ فيها .. وبنسبه اللي يقولون ان السوق ما يجي فيه الا الردي انا اشوف ناس شرت منه ومشالله طيور ما فيها كلاااام وتبدع معهم ... وكسبت السووووق وبس تحياتي لكم

[البرنس الليبي]

جزاك الله خير وموضوع طيب وانت اطيب لكن فيه ناس يبيعون طيور غاليه وخصوصا هالسنه الحين الشاهين الجبلي قبل الربطه فوق 2000 وطيب ان جا الطير مرض او مثل ماقلت يتاخر في القرنسه وش الدبره استبدل الطير !!


تقبل مروري



شكرا لك على المرور

[البرنس الليبي]

شكرا لك بالعكس الصدر وسيع ولاني متحسس ابدا وطيري اذا ماجاب السعر الي في خاطري ماراح افرط فيه ولاكن ماقصده ان الطير الطيب غالي اذا كان باول النقله اوحتى بالمقيض شكرا لك مرة اخرى تقبل تحياتي



هذي عادة الطيب وسيع صدره ..عموما الموضوع قناعات وو جهات نظر وانت تستاهل كل خير وطيرك يستاهل القيمه الطيبه والله يرزقك من واسع فضله .

[ســـبــار ربــعـــه]

من الرياض الى الحفر على السعيره على النعيريه على الدمام على الاحساء مالقيت الطير الي سعره معقول.
لقيت طيور لكن مطيرينها باقيام خياليه وعلومه على الوز والديك الرومي ليش.؟؟؟ انا ابي اقنص ديك رومي !! والطير الصايد ما يشرط لك راعيه وحاده عليك بسعر خيالي وان عودت للشخوص الي تبي في الطير ماتلقى الا وحده ولا ثنتين! اما يجيك جناحه متفهق بس ساقه طويل ولا يجيك ثنداته جبره وزينه بس كفه تقول شيهانه جبليه ولا يجيك كفوفه راكبه على بعض مايلقى الفجحه تقدر تحط معه طير ثاني على وكره. والسعر طاير وين الطيور الي منول قبل اكثر من 13 سنه كانت تجي طيور لو موجوده هالحين ماتمسكها بسبعين الف على سعر السوق هالحين.صراحه موضوعك طيب يابرنس واشكرك على طرحه.

[اصيل 2012]

بسم الله الرحمن الرحيم

السلام عليكم ورحمة الله وبركاته

اللهم رب الضاله رد الضاله

غدت شيهانه جبليه يوم الخميس الماضي جنوب حدبا قذله

على من تذكر له يبشرنا وله العلم الطيب والبشاره والشكر موصول للجميع

للاتصال ج 0500880777 ابو عبدالله

للاتصال ج 0554106992 ابو محمد

[اصيل 2012]

ما شاء الله

[////عصويد////]

كفو يابو فهد دايم موضيعك حساسه ولها قيمتها بيض الله وجهك ياراعي الاوله

[احمد الحاسي]

بارك الله فيك علي اهتمامك واختيارك لهذا الموضوع اخوك احمد الحاسي http://www.mekshat.com/pix/upload05/images238/mk241756_gtyh.jpg

[البروالطير]

السلام عليكم
كيف حالك يا اخي (البرنس الليبي)
بصراحة الموضوع لايهمني كثيرا بقدر ما يهمني ان اتعرف عليك
حاولت انراسلك علي الخاص ولكن لم اعرف المهم...
اخوك ناصر محمد من مدينة طبرق وأرغب في التعرف عليك
وعلي جميع الصيادين في الموقع وخصوصا أهل وطني ليبيا
ونشاء الله انتلاقوا في اقرب فرصة
والسلام عليكم.

[al_jassar]

جزاك الله خير موضوع جميل
وبالنسبه للطير الطيب ماتهز قيمته الوقت والطير ماهو راس مال يا يضيع او انه يموت

[تميم2222]

والله ياخوي اغلب اللي .. طيورهم اسعارها خياليه ...جلسه معه سنين وماجاه الصامل ..كلن يقول طيري مسيوم بكذا ... وعلى هالموال صحيح انه تكون فيه بيعات لكن في 50 وحده او ثنتين وتلقى خبرها ..ينتشر عند الصقاقير ... لكن الحقيقه مافيه مثل اسعار السوووق هو المحك الحقيقي لسعر الطير ..وتقبلوو مروري

[اقدم صقار]

عليكم السلام ورحمة الله وبركاته
حبيت اشارككم في الموضوع
طيب انا عندي طير مسيوم قبل شهر ب15 الف ريال واللي سامه رجال ثقه وزبون صامل وقال اذا انت بتبيع اي وقت تراني شراي لان الرجال شاف الطير وشاف طياره واعجبه
هل اقلد على سومته او اقول ما سيم الطير
واذا قلت مسيوم ب15 الف قالو من اللي سامه ومتى وليش ما بعته واسأله كثيره تقول ماخذين عليك طك
والله شي بفقع الكبد
يا الربع فيه شي واحد الصامل الصقار سواء في اول الوقت او اخر الوقت لو يسوم ب2000 ريال افضل ابيع عليه ولا على غشيم يمرطس طيري ويرده علي بعد وقت ويقول ما لحق او ما صاد او او او ولو يعطيني دبل سعر الطير
اما بالنسبه لسعر الطير قبل المقيض انا اشوفه ينزل ولاكن انا بنظري الطير الطيب ياخذ حقه ...
حتى لو ينقص الفين ثلاثه اربعه ما يهم بخلي لخوي الشراي فرجه يترزق الله بعد المقيض او قبل الربطه ربي ارزقني وارزق مني .
ان اصبت فمن الله وان اخطأت فمن الشيطان
اسف على الاطاله تقبلو مروري
اخوكم ابو منصور