المساعد الشخصي الرقمي

مشاهدة النسخة كاملة : بستم تاهو 2007 لا يعمل ؟؟؟؟؟؟؟؟؟


لحظةوداع
06/02/2012, 05:18 PM
شباب الرابطة اسعفوني
سيارتي تاهو 2007 الموتر اشتغلت فيه لمبة المكينة وتقمز كأنها فلشر
والموتر يرتجف وهو واقف بس اذا دعست طبيعي
فحصت كمبيوتر قال عندك البستم رقم 4 مايشتغل
وفتح البوجي وحط ساعة الضغط وطلع الضغط صفر مايتحرك
يقول الرجال خرط الراس لازم شالحل بسرررررررررررعه
بدوي جنوبي
06/02/2012, 05:51 PM
لا تستعجل خرط الراس ماله علاقه بضغط البستم هذا نصاب
ليه ما جرب وغير البوجي وشاف الفرق ،،
حصلت معى نفس المشكله قبل شهر المحرك يرتجف
فحصت كمبيوتر وطلع الخلل من بستم رقم 6 غيرت كويل ب 90
وما تغير شيئ ،،، وجربنا بوجي مستعمل ورجع المحرك تمام .

وللعلم الشنمبر هو من يقوم بتهريب الضغط

اول خطوة ركب بوجى للبستم رقم 4 فقط
ستار سات
06/02/2012, 06:36 PM
جرب تبديل كويل (رقم 3) مع كويل (رقم4) وافحص .. يمكن المشكلة بالكويل .
لحظةوداع
06/02/2012, 07:31 PM
فحص الكويل طلع مضبوط يوصل شرار
ايضا جرب بوجي وطلع نفس الشي
يجي على البوجي مثل السائل كانه قال هذا زيت اوبنزين
لحظةوداع
06/02/2012, 07:35 PM
يقول هذي قطعة بالمكينة تحول من اربع سلندر الى ثمانية سلندر خربانه
وبيفصلها لانها كثيرة خراب هل هذا صحيح
الا سير
06/02/2012, 07:39 PM
بالعاده تهريب الضغط من الشنبر
اوالبلوف
لحظةوداع
06/02/2012, 07:46 PM
الاسير شكرا للمشاركة
بدوي جنوبي
06/02/2012, 10:15 PM
يقول هذي قطعة بالمكينة تحول من اربع سلندر الى ثمانية سلندر خربانه
وبيفصلها لانها كثيرة خراب هل هذا صحيح

طيب النظام هذا ما نزل الا من موديل 2010 او 11
على ما ا‘عتقد سيارتك ما فيها نظام عمل 4 او 8 سلندر

عموما كيف يقول راس المحرك والحين يقول قطعه بالمكينه :mad:
آخر العنقود
07/02/2012, 12:55 AM
هلا اخوي صارت معي نفس المشكله بستم ما يشتغل وما يمسك هواء واشتغلت لمبة المكينه وفحصت كمبيوتر ويقول السلندر رقم 1 ما يشتغل فحصت ضغط المكينه كل البساتم يمسكن هواء الا بستم رقم 1 وطلع المشكله من سبرنق البلف مكسور وما يقفل بسبب الكسر و سعر الحبه 18ريال وكاله وشغل يد حول 400ريال اذا الموترما جاه حراره فالمشكله منه نصيحه لا تحرص انك تشغل الموتر شله بسطحه وعالورشه على طول وترا ما يحتاج ينفك الراس برا يحتاج فك غطا البلوف بس علماً بأن سيارتي تاهو 2007 وهذا خلل مصنعي و بالتوفيق...
التمسساح
07/02/2012, 01:05 AM
طيب النظام هذا ما نزل الا من موديل 2010 او 11
على ما ا‘عتقد سيارتك ما فيها نظام عمل 4 او 8 سلندر

عموما كيف يقول راس المحرك والحين يقول قطعه بالمكينه :mad:
انا سيارتي تاهو 2007 وفيه نظام 4-8 سلندر ولو تسأل راح تتأكد
لحظةوداع
07/02/2012, 02:31 PM
بعطيكم النتيجة الليلة بإذن الله لكي نستفيد
محب الشافعي
07/02/2012, 04:01 PM
اخي الكريم : كل الذي نصح به الاخوة صحيح , ولكن نصيحة لوجه الله لا تتسرع وتذهب بالسيارة الى الميكانيكي واي ميكانيكي يجب ان تجد واحد صاحب دين ومحترف لان اسباب هذا الخلل كثيرة وقد تفضل الاخوة وبينوه , اذا تأكدت من عدم وجود ضغط في هذه الاسطوانة فالعلة في الشنابر والبستم .
اما اذا كان الضغط مضبوط وبما انك متأكد من البواجي والشرارة والاسلاك , افتح غطاء راس المحرك وافحص السبرنق والشاكوش , فاذا ليس بهما شيء اعمل التالي :
افتح شمعة القدح الخاصة بهذه الاسطوانة وضع في فتح الشمعة مقدار من زيت البريك قدر حقنتين من الحقن الطبية ثم اعد شد الشمعة وشغل المحرك مع الضغط البسيط على دواسة البنزين , اعد هذه العملية مرة اخرى ولاحظ هل يوجد فرق ام لا هذه الطريقة استعملها في حالة استعصاء الصمام في بيت الصمام .
محب الشافعي
07/02/2012, 04:16 PM
اخي الكريم : فاتني ان اذكر , ان استعصاء صمام العادم < التفريغ > وصمام الهواء الداخل في بيت الصمام يؤديان الى فقدان الضغط في الاسطوانة , لان احد هذين الصمامين اذا انفتح وحشر في مكانه فانه سوف يبقى مفتوح مما يؤدي الى ضياع الضغط وتسربه الى الخارج .
لحظةوداع
07/02/2012, 07:12 PM
محب الشافعي شكرا لك للتنبيه والرد
جزاك الله خير
كاشت وحداني
07/02/2012, 07:24 PM
انا سيارتي تاهو 2007 وفيه نظام 4-8 سلندر ولو تسأل راح تتأكد

حسب الوكالات عندنا ميزة التحكم بعمل البساتمً٤-٦-٨ جت من ٢٠١٠
مو مشكله لو موترك فيه هالميزه وخرب حساس التحويل كان عطل عليك ٤ بساتم وشغل ٤ او عطل ٢ وشغل ٦
لكن شف موضوع البلف زي ماقال اخونا اخر العنقود وايضا للتاكيد حصلت مع الوالد في الجمس وطلع بلف واذكر انه حتى مع الدعس او في الطلعات تطلع ريحة بنزين كانك جالس بالتانكي
بدوي جنوبي
07/02/2012, 10:40 PM
انا سيارتي تاهو 2007 وفيه نظام 4-8 سلندر ولو تسأل راح تتأكد

والله ممكن تكون معلوماتى مغلوطة
بالرغم ان اخوى عند نفس الموديل لكن ما أذكر انه فيه هذا النظام
مثل ما ذكرت لك نزل النظام active fuel management
من موديل 2010 عندنا
سيارتك امريكية ؟
لحظةوداع
08/02/2012, 01:18 PM
انا سيارتي امريكية
رحال7
08/02/2012, 02:32 PM
اللي اسمعه ان تغيير البلف واتكايات والاسبرنقات يحتاج فك الرأس في السيارات من 2007 وطالع

هل هذا صحيح؟
لحظةوداع
08/02/2012, 02:49 PM
والله ماادري بلشه هالسيارات
لحظةوداع
09/02/2012, 07:36 PM
شباب اللي متابعين معي
الخلاصة
تم فك راس المكينة وتم خرطه وتم فصل نظام التحويل من 4 سلندر الي 8 سلندر
والامور كلها تمام ولكن المشكله ضغط الزيت لايرتفع نازل جدا جدا

تم تغيير طرمبة الزيت ولا فائدة
تم فحص حساس القيج والقيج كلو تمام
عيار الزيت مضبوط
اين المشكلة ؟؟؟؟؟؟؟

لاتحرمونا من مشاركاتكم لتعم الفائدة
خاش عرض
10/02/2012, 01:42 PM
بالنسبة لضغط الزيت , اذا تقول ساعة الزيت جديدة افصل الواير حقها ولمسه في البدي ولاحظ مؤشر ضغط الزيت في الطبلون اذا ارتفع قليلا فهذه البوبينه في الطبلون لمؤشر الزيت ضعيفه ويحتاج تغييرها في محل تصليح الكترونيات وتصليحها يكلف 50 ريال

او من ساعة الزيت تحتاج تبديل اذا لم يرتفع المؤشر قليلاً في الطبلون بعد ملامسة الواير للبدي

تحياتي لك
لحظةوداع
10/02/2012, 07:21 PM
يعطيك العافية على المرور والمشاركة
التمسساح
11/02/2012, 02:08 AM
والله ممكن تكون معلوماتى مغلوطة
بالرغم ان اخوى عند نفس الموديل لكن ما أذكر انه فيه هذا النظام
مثل ما ذكرت لك نزل النظام active fuel management
من موديل 2010 عندنا
سيارتك امريكية ؟
صحيح ياخوي سيارتي امريكيه
رحال7
11/02/2012, 08:16 AM
شباب اللي متابعين معي
الخلاصة
تم فك راس المكينة وتم خرطه وتم فصل نظام التحويل من 4 سلندر الي 8 سلندر
والامور كلها تمام ولكن المشكله ضغط الزيت لايرتفع نازل جدا جدا

تم تغيير طرمبة الزيت ولا فائدة
تم فحص حساس القيج والقيج كلو تمام
عيار الزيت مضبوط
اين المشكلة ؟؟؟؟؟؟؟

لاتحرمونا من مشاركاتكم لتعم الفائدة

نعم لا بد من فك رأس المكينه
بخصوص ضغط الزيت الاحتمال الاول هو الربله Oring كما شرح الاخوه في هذا المنتدى ولكن هناك من غير الربله ولم يتغير شىئ ولكن ولكن سمعت!! فقط ان هناك طريق في تركيب الربله وهي استخدام تيب مع الربله لتقويتها ...والله اعلم

في كل الاحوال اذا فصلت نظام AFM التبديل يجب ان تفصله بالبرمجه ايضا

والله اعلم
لحظةوداع
11/02/2012, 02:38 PM
اي ربلة اللي تتكلم عليها بارك الله فيك
رحال7
12/02/2012, 09:01 AM
اي ربلة اللي تتكلم عليها بارك الله فيك

كلم العضو
مخلب النمر
لحظةوداع
12/02/2012, 07:37 PM
شباب اللي متابعين معي
الخلاصة
تم فك راس المكينة وتم خرطه وتم فصل نظام التحويل من 4 سلندر الي 8 سلندر
والامور كلها تمام ولكن المشكله ضغط الزيت لايرتفع نازل جدا جدا

تم تغيير طرمبة الزيت ولا فائدة
تم فحص حساس القيج والقيج كلو تمام
عيار الزيت مضبوط
اين المشكلة ؟؟؟؟؟؟؟

لاتحرمونا من مشاركاتكم لتعم الفائدة
لحظةوداع
14/02/2012, 05:31 PM
تكفووون يالربع الميكانيكي بيجيب العيد

ضغط الزيت تعبان وشيك على كل شئ يتعلق بضخ الزيت ولا فائدة
والان يقول بيفتح المكينة مرة اخرى للتشيك والتاكد
هل هو صاحي ؟؟؟؟؟؟؟؟؟
بدوي جنوبي
14/02/2012, 08:46 PM
أهم شيئ لا تطلع السياره من الورشة
الا بعد الاصلاح التام
انت غيرت طرمبة الزيت
رحال7
15/02/2012, 11:10 AM
تكفووون يالربع الميكانيكي بيجيب العيد

ضغط الزيت تعبان وشيك على كل شئ يتعلق بضخ الزيت ولا فائدة
والان يقول بيفتح المكينة مرة اخرى للتشيك والتاكد
هل هو صاحي ؟؟؟؟؟؟؟؟؟

حبيبي

عندما فصل الا AFM التحويل اش سوى بالضبط...

اذا غير المسطره او لعب فيها يجب ان يعيدها كما كانت..اي يعيد نظام التحويل كما كان..يعنى فقط المسطره بدون فك الرأس مره ثانيه...وفي المسطره يوجد حساس ضغط الزيت وعندما تشيل الحساس في الداخل تجد فلتر...تنظف الفلتر او تغيره اذا وسخ وكذلك الحساس فيه ناس غيروه ولا تغير شيء..ولكن احتمال ان الحساس خرب...كل هي الامور بسيطه !

ارسل لي رقم الميكانيكي على الخاص!!!!
لحظةوداع
15/02/2012, 01:44 PM
عطاني وعد يسلمني اياها الخميس
وساوافيكم بالجديد
اشكركم من الاعماق
تم تغيير طرمبة الزيت يابدوي جنوبي
رحال مشكور على الفزعه
Magellan
15/02/2012, 02:32 PM
طيب يالحظة وداع ماسويت طريقة آخر العنقود
يعني حرام تفك راس المكينة والرجل عطاك حل مُيسر وسهل،،،
بس على العموم انت اذا ماتسمع صوت تكايات ولو فتحت غطا الزيت والسيارة شغالة ويطشر عليك فأمورك تمام
لكن يبدولي مشكلتك مع الميكانيكي دمّر سيارتك
حسبي الله عليه
sa-z71
16/02/2012, 05:56 AM
اخوي أذكر كنت في احد الورش المعروفه في بريده
وانا جالس اسولف مع المسؤل في الورشه الا دخلت علينا سطحه محمل يوكون اكس ال2007
وكانت مشكلته على كلام الميكانيكي ان أحد البلوف مايعمل وعلى كلامه ان هذي مشكله في 2007
وتكلفة شغله 100 ريال
على انه كان معي سوبربان 2007 جلس سنه ولا اشتكيت من شي ولله الحمد

تأكد ممكن تكون مشكلتك بأحد البلوف
أبوباسم455
16/02/2012, 11:08 PM
أخوي لحظة وداع الله يهديك العضو آخر العنقود معه مثل سيارتك ونفس الموديل ونفس المشكله صارت معه وعطاك الحل ليش ماجربت طريقته والحين غيرت وشلت وحطيت وبالأخير بترجع للي قاله لكن الله يعينك بس!!
http://dc03.arabsh.com/i/00113/5cvbd8pn7ipm.gif (http://arabsh.com)
http://dc03.arabsh.com/i/00099/fz6vdqqe8do9.gif (http://arabsh.com)
لحظةوداع
23/02/2012, 11:06 PM
السلام عليكم
تم إخراج السيارة من الورشة وكل شئ طبيعي ولكن.....
ضغط الزيت نازل قريب الشريط الاحمر واذا دعست يادوووب يوصل الربع او الثلث
وبعد ما أخذت مشوار وانا داعس على الموتر وقفت اشوي وطلعت لمبة الزيت الحمراء
ومكتوب بالانقليزي slow oil stop engen
واكلم الميكانيكي ويقول موترك يحتاج توظيب لكي يرجع الضغط مثل اول
والله قهرررررررررررر شالسالفه يالربع مالي الا انتوا بعد الله

غير الصبابات والطرمبة الزيت وصوفتها والساعة
Magellan
24/02/2012, 03:09 AM
ياخي تصرف
مافي الديرة إلا هالنصاب
ماكفاه لعب بموترك وخرّب عليك وحاس السيارة
دور غيره وتأكد اذا الزيت فتحت الغطا يطشر فالطرمبة تعمل اوكيه
لكن قد يكون البلا من الشخال السفلي بالكارتير ،يوجد فيه صوفة تهرب بالعاده
عشان ما أقهرك تدري ان حل مشكلتك كان بيكون تغيير بوجي او كويل
لحظةوداع
24/02/2012, 08:40 AM
ياخي تصرف
مافي الديرة إلا هالنصاب
ماكفاه لعب بموترك وخرّب عليك وحاس السيارة
دور غيره وتأكد اذا الزيت فتحت الغطا يطشر فالطرمبة تعمل اوكيه
لكن قد يكون البلا من الشخال السفلي بالكارتير ،يوجد فيه صوفة تهرب بالعاده
عشان ما أقهرك تدري ان حل مشكلتك كان بيكون تغيير بوجي او كويل


لاحول ولا قوة إلا بالله
ياليت عندي خبرة بالميكانيكا
mekshaat
27/03/2012, 03:07 AM
اخوي بشر وش صار معك .
فواز الشيباني
27/03/2012, 07:43 PM
حسبي الله عليه هالمكانيكي
اخوي بشر وش صار متابعين لو بيدي شي والله لسويه لك
الله يسر امورك
Abu Khaled 00
27/03/2012, 08:54 PM
اخوي بشر ايش صار معاك ...؟؟

انا عندي نفس مشكلتك على يوكن 2007 وما ادري وش اسوي ؟؟؟
مخ سعودي
28/03/2012, 11:27 AM
الله يكون في عونك
لكن أنــــــا أنصحك تدور ورشه ثانية مؤ معقوله توظيب الا ان يكون له طرف فيه
mekshaat
29/03/2012, 01:06 AM
اخوي بشر ايش صار معاك ...؟؟

انا عندي نفس مشكلتك على يوكن 2007 وما ادري وش اسوي ؟؟؟


اخوي عندك البستم واقف مره والا يشتغل لكن ضعيف .
Abu Khaled 00
03/04/2012, 05:13 PM
هلا اخوي البستم ضعيف

والظاهر انها توضيب لكن اخاف يصير معي مثل ماصار مع راعي الموضوع
mekshaat
05/04/2012, 03:31 PM
هلا اخوي البستم ضعيف

والظاهر انها توضيب لكن اخاف يصير معي مثل ماصار مع راعي الموضوع



اخبر لك مهندس أتعامل معه ممتاز وعنده خبره بالمشاكل

هذي حط رقم جوالك وراح أرسل لك رقمه .
لحظةوداع
05/04/2012, 07:43 PM
آسف على التأخير لقلة دخولي للنت
المهم أنا بعت الموتر بخرابه والله يعوضني
نايف الفهد
17/03/2015, 01:42 AM
صباح الخير انا عندي نفس المشكله في احد من الموجودين يعرف واحد ثقه ويخاف الله يعطيني رقم جوال الورشه في الرياض جزاكم الله خير
الرحال تبوك
19/03/2015, 07:05 AM
سلام عليكم ورحمه الله وبركاته المشكلهتكمن في تكايات البلوف تحتاج غيار ومرت علي وغيرتها لن نظام الموتر يحولمن 8 سرندل الى 4 سرندل لتوفير الوقود يسمونها بالعاميه تكايات بلوف طويله يجي بها سسته هي اليتخرب ومع الوقت وكثره استخدام السياره وهي اتفتف يضر الطنجره ويخرب القير اذا حصل وسمعت السيارة اتفتف او ترج المكينه وقف وبسطحه على طول لاتمشي عليها تجيب العيد الحل فك غطا البلوف وفك البلاطه بين الروس وغيار جلده او ربله الزيت بين الطرنبه والشخاله بالكرتيل وبإذن الله امورك تما م
الرحال تبوك
19/03/2015, 07:08 AM
موتري موديله 2007 استخدام وتراه السبب استخدام الزيت الثقيل انتبهو منه غير زيت خفيف 10-30 او اقل 5-30 افضل
جني صغير
19/03/2015, 07:30 AM
موتري موديله 2007 استخدام وتراه السبب استخدام الزيت الثقيل انتبهو منه غير زيت خفيف 10-30 او اقل 5-30 افضل

اليوم سئلت سوري ميكانيكي
قال هذي التكايات داخل المكينه
السبب من كثر مشي على الزيت المحروق

لما تشتري زيت يكون خفيف بس بعد المشي حدود 5000 يثقل ويتأثر التكايات

بس ما تتاثر في نفس اليوم بعد شهر
أبوعبدالله895
23/09/2016, 09:47 PM
هلا اخوي صارت معي نفس المشكله بستم ما يشتغل وما يمسك هواء واشتغلت لمبة المكينه وفحصت كمبيوتر ويقول السلندر رقم 1 ما يشتغل فحصت ضغط المكينه كل البساتم يمسكن هواء الا بستم رقم 1 وطلع المشكله من سبرنق البلف مكسور وما يقفل بسبب الكسر و سعر الحبه 18ريال وكاله وشغل يد حول 400ريال اذا الموترما جاه حراره فالمشكله منه نصيحه لا تحرص انك تشغل الموتر شله بسطحه وعالورشه على طول وترا ما يحتاج ينفك الراس برا يحتاج فك غطا البلوف بس علماً بأن سيارتي تاهو 2007 وهذا خلل مصنعي و بالتوفيق...



أخوي آخر العنقود ،،، ولايهونون الباقين

ياليت تعطيني رقم الفلبيني أو على الاقل وصف وأسم الورشة اللي صلحت فيها البلف .