أستفسار عن مرض الجدره والطير مايروبج

[شبل الأشراف]

السلام عليكم ورحمة الله وبركاته

ياخوان انا ابي علاج للجدره فعال لي شهر اعالج فيه ولانفع الجدره جايته تحت البوز
وثاني شئ الطير مايروبج هو حار على علفته بس مايروبج

وعندي بعد شيهانه جبليه ماترتفع بال طيران تلعب ملواح زين وطياره ارضي بعد وين بس ماترتفع وكان فيها دود وتعالجت منه ياليت تفيدوني ياخوان ولكم جزيل الشكر...

[الامبراطوري]

الجدرة علاجها المفيد الكي بحذر وخبرة .. اما الروباجة اذا كان الطير ضعيف يصرفها مع المرش اعزكم الله اما عدم ارتفاع الطيرة وتقول انها تعالجت من دود مالك الا الصبر ورفع لياقتها وصنعتها اذا كانت ضعيفة لعل وعسى ان ترتفع وتاكل من صيدها ان شاء الله .

[شبل الأشراف]

الجدرة علاجها المفيد الكي بحذر وخبرة .. اما الروباجة اذا كان الطير ضعيف يصرفها مع المرش اعزكم الله اما عدم ارتفاع الطيرة وتقول انها تعالجت من دود مالك الا الصبر ورفع لياقتها وصنعتها اذا كانت ضعيفة لعل وعسى ان ترتفع وتاكل من صيدها ان شاء الله .

الله يجزاك خير أبغى اخلي الكوي اخر شئ والطير ايه ضعيف وزنته طلع 711 وهو طول 15 وعرض14ونص مدري كم يكون وزنه هدد

[al3an]

السلام عليكم
الطيره عندك فيها التهاب امعاء وعلاجها بسيط
عطها كورس مضاد حيوي وبأذن الله راح ترتفع وانشالله راح ندعيلي
وعشان تتاكد افحص مرش
ورد لي خبر
لاتحرمنا دعواتك الطيبه
والله اعلم

[راعي دهام]

.


الجدره سلمك الله ومن يقرا علاجها موجود في الصيدليه البشريه ،
اشتر علاج الثواليل ( الثالول ) تجي علبه صغير بحجم القطره تقريباً فيها سائل مائي اذا نشف قلب لونه ابيض
والطريقه انك تحط ديتول في ماء كميه بسيطه وتمسح على مكان الجدره واذا نشف حط عليه علاج الثواليل
خمس ايام تقريباً راح تلاحظ ان الجدره بدت تتقشر .
الطريقه استعملتها لـ طير عندي وبعد خامس يوم اختفت ة لله الحمد .

اتمنى الشفاء لطيورك وتتنومس فيها ..


تحيتي وتقديري ..


.

[عاشق عفاس]

عليكم السلام و رحمة الله وبركاته يااخوي من طبع الشواهين انها تطير ارضي اقصد اغلب الشواهين

[قلب ذيب]

حياك الله .
_______ .
انا ابي علاج للجدره فعال لي شهر اعالج فيه ولانفع الجدره جايته تحت البوز ؟؟
علاج الجدلره الناجع : ورسم مطرق بسيط وخفيف على مؤخرة الباذره ( بوزالطير ) وسم بعود ثمامه او مسله خفيف وبأذن الله تشفى حيث تتقشر الجدره خلال ايام .
وثاني شئ الطير مايروبج هو حار على علفته بس مايروبج ؟؟
الطير مايروبج لأنه ضعيف , حيث يحتفظ الطير بالروباجه خوفا من اشداد الجوع , ولابد ان يكون علف الطير مخلوط بالريش والعظام حتى يروبج اما لحم الهبر الخالي من العظام وايضا السمن قليل العظام لايروبج به أكثر الطيووووووور .
وعندي بعد شيهانه جبليه ماترتفع بال طيران تلعب ملواح زين وطياره ارضي بعد وين بس ماترتفع وكان فيها دود وتعالجت منه ؟؟
.. عدم ارتفاع الطير ينتج عن عدة حالات .ومنها .
1 - اصابته بمرض الككسيديديا دود الرئه .
2 - كون الطير مصاب بكسر في ضلوعه الدقيقه نتيجه قبضه من قبل شخص لايعرف يقبض الطير فيضغط على على الطير باصابعه اسفل البطن واعلى الفخذين فتتكسر ضلوعه الصغيره وهي شبيهه لعظام السمكه !
وعلاج الاول لدى البيطري اما الثاني فيعالج بالموميات واراحة الطير 00000000 والله اعلم .

[قرناس شماالي]

الصراحه الاخوان ماقصرو

[شبل الأشراف]

بيض الله وجيهكم ووجه من مر على موضوعي وان شاء الله من اليوم راح ابداء بكل ماوصفتوا لي من دواء وجزاءكم الله الف خير...