يااهل الخبره

[انفردو]

ياشباب انا نازل سنوركل انشاء الله عندي مشكله في معرف الاوزان وزني 63 كم اضع؟؟؟

[Mr.Fantastic]

هل بتعلق السمك معك ؟؟
لا تتعدى 6 باوند
ولو تبي النصيحه جرب 4 وبعدها زيد حسب حاجتك

[انفردو]

اشكرك اخوي على ردك بس انا مراح اعلق سمك معاي يعني مراح يكون معاي (هوك) هل تشوفلي 4 باوند تمام.. علما مسافة نزولي ماراح تتعدى 5 امتار..

[accentkool]

اعتقد اربع حبااااااات تكفيك ما اعرف كم تطلع بالباوند

[Hawwat Yanbu]

اربعه كفايه ان شاء الله

واتمنى لك التوفيق

بس زي ما قالت لك لا تنزل لوحدك

[انفردو]

لا ابشرك معاااااي اثنين ...(يااخي ماادري ليه احس اني اعرفك):rolleyes: وليت الناس مثلك يالغالي ولايهنون الباقيه تسلمووووون

[Hawwat Yanbu]

الله يخليك

ومعرفتك شرف لنا

تقبل تحياتي ....

[النوخذة]

س / وش اللي يحدد الأوزان اللي تحتاجها ؟ ليش إذا زاد وزنك تحتاج أوزان أكثر ؟
س / ليه تلقى شخصين بنفس الوزن وطول مختلف , يستخدمون أوزان مختلفة ؟

إذا قدرت تجاوب على هالأسئلة , راح تعرف يالتحديد كم الوزن اللي تحتاجه.

طبيعة الجسم الداخلية هي اللي تحدد الوزن اللي تحتاجه , لأنه كل مازادت الدهون في جسمك , زادت الطفوية عندك , وهذا الشئ يقرب لك الوزن اللي تحتاجه بشكل تقريبي.

في عوامل أخرى , مثل إتساع الرئة في جسمك , وأيضا ملوحة البحر تفرق معك كثير في تحديد الأوزان , وأيضا البدلة , كلهم ممكن يغيرون لك الوزن اللي تحتاجه.

أنا شخصيا أستخدم 10 باوند للغوص الحر في منطقة العقير , وأنا ألبس بدلة 3 ملم كاملة(تغطي كامل الجسم) , وللعلم أن وزني 114 كيلوجرام وطولي 177 سم , الوزن هذا أغيره لو غيرت المنطقة أو صرت نازل بشورت فقط.

تجي للطريقة الصحيحة لتحديد الوزن , لازم تكون في البحر اللي ناوي تغوص فيه , وتكون في عمق 3 أمتار تقريبا , علشان الزعانف لا تلمس الأرض , ثم تكون بشكل عامودي وتاخذ نفس كامل وتكتم , شوف الماء وين يوصل , إذا كان دقنك داخل الماء , فمعناه أن الوزن اللي تستخدمه كثيييير ولازم تقلل منه لسلامتك , وإذا كانت كتوفك طالعة واجد فمعناه ان الوزن قليل , وحاول توزن بين ذلك علشان تصيد الوزن الصحيح .


أي استفسار أنا في الخدمة
أرجو لك التوفيق.

[ابو ريان111]

والله ودي افيدك بس ما لي علم بالسنوركل لكن يفيدوك اهل الخبرة .