اظهورهن حدبٍ سـوات العجايـز’’’’’’’’’’’’الحل(طفاية الزقاير)’’’’’’’’’’’’حله(ابو ذيبان)

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لاوالله الا شيـف بالعيـن ماعيـف=وضعٍ لراعي العقل ماهـو بجايـز
وش مقبره والوصف مافيه تزييـف=ولا ني من اللي شغلتـه بالطنايـز
في وسطها شفت الجنايـز مهاديـف=اظهورهن حدبٍ سـوات العجايـز
فيهن سواد الوجه من عرض ماشيف=جنايـزٍ فـوق الجنـايـز جنـايـز


مع تحيات ابو ماجد

منتديات مكشات 0 خيمة الالغاز

[مكرم الضيف]

صح لسانك ورمعه على الطاير

وش رايك ب

تشليح السيارات

[ابو ماجد 2]

صح لسانك ورمعه على الطاير




وش رايك ب



تشليح السيارات


صباح النور يالغالي
اشكرك على تواصلك البناء في طرح الالغاز وفي رمعاتها
ومرحبا فيك اخ بين اخوانه ومثلك مكسب
صح بدنك والرمعه ماصابت يالغالي
انتظر محاولتك القادمه
ورمعتك حلوه ولكن مااقصده اقرب لمعطيات اللغز جميعها

[مكرم الضيف]

مزرعة نخل ميته

[ابو ماجد 2]

مزرعة نخل ميته


لايزال طليقا يالغالي

[المراحي]

ويش رايك بالصيد الجائر وردم الصيد لمجرد التفاخر ,
او الاحتطاب الجائر.

ودمتم

[ابوذيبان]

تبارك الله جبتها ابغير تكليف=ماهي غريبة وانت بالبدع فايز
تعطيني المعنى بدقة وتوصيف=حايز على دق التواصيف حايز=
شفت المقابر تشترى دون تحليف=ليت الدراهم حطها لكل عايز
اما سواد الوجه من غير تصريف=الكل يشهد له على طول بايز

[ناصر العلي]

سلمت يالغالي
وصح لسانك
ويش قولك بـ
اللإسراف بالموائد ورمي الأنعام
زي ماحصل وللأسف بأم رقيبة
http://vb.aldarr.net/imgcache/5171.jpg

[ابوذيبان]

السلام عليكم وصباح الخير لكم

ياربعنا رمعتي مغطاة واللغز لكم

[حمد؟؟]

وعليكم السلام ورحمة الله وبركاته
صح لسانك الشيخ
ابو ماجد
ماشاء الله عليك
قمة الابداع
والرمعه لاتحضر الان
دمت بخير وعافيه

[هيل]

السلام عليكم ورحمة الله وبركاته
هلابك يابو ماجد والفين هلا تراي مرسلك صوره
وألأصل موجه العضيدي أنشاءالله
والغز يابوماجد وش رايك
بالخندق والدبا أو الجراد
تحياتي

[ناصر العلي]

السلام عليكم وصباح الخير لكم

ياربعنا رمعتي مغطاة واللغز لكم

أبوذيبان
ربي يسلمك من الشر
قل آمين
ياأخوي لاتغطي
عطنا اللي عندك
الميدان ياحميدان
وأي لغز ينزل وتعرف رمعته
تكفى يالغالي
لاترحمه.....أسدحه
كل الود

[ابوذيبان]

أبوذيبان

ربي يسلمك من الشر
قل آمين
ياأخوي لاتغطي
عطنا اللي عندك
الميدان ياحميدان
وأي لغز ينزل وتعرف رمعته
تكفى يالغالي
لاترحمه.....أسدحه

كل الود


ابشر بعزك

الحل الطفاية والزقاير او بقايا الزقاير اعزكم الله

هذا اللي عندي والعلم الاكيد بعد علم الله عند الزعيم

ماطلبت شى دكتورنا الغالي

[ناصر العلي]

ابشر بعزك

الحل الطفاية والزقاير او بقايا الزقاير اعزكم الله

هذا اللي عندي والعلم الاكيد بعد علم الله عند الزعيم

ماطلبت شى دكتورنا الغالي

بعدي والله
يازينك ويازين رمعك
http://s.alriyadh.com/2011/01/03/img/642543438146.jpg

[ابوماريا]

صح لسانك يابوماجد وسلم بنانك

ومؤيد لرمعة الرائع ابوذيبان

لكم كل الود

[ابو ماجد 2]

ويش رايك بالصيد الجائر وردم الصيد لمجرد التفاخر ,
او الاحتطاب الجائر.

ودمتم

هلا بك يالغالي
مالك لوى
تحيتي لك

[ابو ماجد 2]

تبارك الله جبتها ابغير تكليف=ماهي غريبة وانت بالبدع فايز
تعطيني المعنى بدقة وتوصيف=حايز على دق التواصيف حايز=
شفت المقابر تشترى دون تحليف=ليت الدراهم حطها لكل عايز
اما سواد الوجه من غير تصريف=الكل يشهد له على طول بايز

لك عادةٍ لو جاك عسر التواصيف =فايز بحله يابن الاجواد فايز
لك نظرة تدعي الغطاوي معاسيف=لالحت في سيفٍ على الغطو هايز

[ابو ماجد 2]

سلمت يالغالي

وصح لسانك
ويش قولك بـ
اللإسراف بالموائد ورمي الأنعام
زي ماحصل وللأسف بأم رقيبة
http://vb.aldarr.net/imgcache/5171.jpg


سلمت وصح بدنك يادكتورنا
وبالفعل منظر يدمي القلب واخواننا في بعض دول العالم الاسلامي يتضورون جوعا
والمرماع ماصاد المطلوب يالغالي

[ابو ماجد 2]

السلام عليكم وصباح الخير لكم

ياربعنا رمعتي مغطاة واللغز لكم


الله الله يالغالي
مرماعك وصل يالغلا ماشاء الله عليك

[ابو ماجد 2]

وعليكم السلام ورحمة الله وبركاته

صح لسانك الشيخ
ابو ماجد
ماشاء الله عليك
قمة الابداع
والرمعه لاتحضر الان

دمت بخير وعافيه


هلا بك يابو طيف
صح بدنك يالغالي
والابداع هو تشريفنا بحضورك رغم ان الرمعه لاتحضرك

[ابو ماجد 2]

السلام عليكم ورحمة الله وبركاته

هلابك يابو ماجد والفين هلا تراي مرسلك صوره
وألأصل موجه العضيدي أنشاءالله
والغز يابوماجد وش رايك
بالخندق والدبا أو الجراد

تحياتي


وعليكم السلام ورحمة الله وبركاته
هلا بطريدي
الرساله وصلت
وكلامك صحيح انت مابطيت متخرج من الابتدائيه الليليه لذلك جائزتك آيفون ولكن انا في وقتها آيفونا دنانه
هههههههه
هلا بك يابو عبدالله والرمعه مالك لوى

[ابو ماجد 2]

ابشر بعزك

الحل الطفاية والزقاير او بقايا الزقاير اعزكم الله

هذا اللي عندي والعلم الاكيد بعد علم الله عند الزعيم

ماطلبت شى دكتورنا الغالي

ياسلام عليك وعلى مراميعك وعلى حل الغطو بغطو
نعم
طفاية الزقاير


http://www.battelle.org/Environment/publications/envupdates/winter2005/gfx/cigarette.jpg


تحصل بقايا الزقاير مترادفات
سود الوجيه مهاديف بالغالب اثر ضغطها على الرأس لتنطفي وتكون بهالشكل

http://photos.7be.com/thumbnail/photos/2722-1600x1000.jpg


لله درك ياذيبان ابو ذيبان
وصح لسانك ملايين

[ابو ماجد 2]

بعدي والله

يازينك ويازين رمعك

http://s.alriyadh.com/2011/01/03/img/642543438146.jpg



هلا بك يابو علي
وصح لسانك على تاييد مرماع ذيبان ابو ذيبان
بيض الله وجيهكم جميعا

[ابو ماجد 2]

صح لسانك يابوماجد وسلم بنانك



ومؤيد لرمعة الرائع ابوذيبان



لكم كل الود


هلا بك مليون
وصح لسانك انت وابو ذيبان تاييد موفق

[الوادي 999]

لاوالله الا شيف بالعين ماعيفhttp://www.mekshat.com/vb/clear.gifhttp://www.mekshat.com/vb/clear.gifوضعٍ لراعي العقل ماهو بجايزوش مقبره والوصف مافيه تزييفhttp://www.mekshat.com/vb/clear.gifhttp://www.mekshat.com/vb/clear.gifولا ني من اللي شغلته بالطنايزفي وسطها شفت الجنايز مهاديفhttp://www.mekshat.com/vb/clear.gifhttp://www.mekshat.com/vb/clear.gifاظهورهن حدبٍ سوات العجايزفيهن سواد الوجه من عرض ماشيفhttp://www.mekshat.com/vb/clear.gifhttp://www.mekshat.com/vb/clear.gifجنايزٍ فوق الجنايز جنايز
الله يعطيك العافيه على الابداع

الرمعه المزارع الميته والمحاور الموجوده فيها
0 بسب شح المياه 0

[ابو ماجد 2]

لاوالله الا شيف بالعين ماعيفhttp://www.mekshat.com/vb/clear.gifhttp://www.mekshat.com/vb/clear.gifوضعٍ لراعي العقل ماهو بجايزوش مقبره والوصف مافيه تزييفhttp://www.mekshat.com/vb/clear.gifhttp://www.mekshat.com/vb/clear.gifولا ني من اللي شغلته بالطنايزفي وسطها شفت الجنايز مهاديفhttp://www.mekshat.com/vb/clear.gifhttp://www.mekshat.com/vb/clear.gifاظهورهن حدبٍ سوات العجايزفيهن سواد الوجه من عرض ماشيفhttp://www.mekshat.com/vb/clear.gifhttp://www.mekshat.com/vb/clear.gifجنايزٍ فوق الجنايز جنايز
الله يعطيك العافيه على الابداع

الرمعه المزارع الميته والمحاور الموجوده فيها
0 بسب شح المياه 0

هلا بك يالغالي
وشرفنا تواجدك
والحل عند ابو ذيبان