مشكله في تشغيل الفتك

[سهم نجد]

عندي مشكله في الفتك موديل 2005 تظهر احيانا واحيان زي الحلاوة الا وهي :


لما اجي اشغل السيارة احيان يشتغل على طول واحيان يدق 6 او 7 مرات ما يشتغل وبعدين يشتغل ولا كأن فيه شي
وغالباً لا صارت السيارة باردة ما أدري هل من أحد مرت عليه مثل ذا الحاله ووش الحل والورشة المضبوطة؟؟


الله لا يريكم مكروه ويرحم والديكم اجمعين... والسلام

[البرغي]

السلام عليكم,,
ارجو الدخول على الرابط وباذن الله تجد الحل .
http://www.mekshat.com/vb/showthread.php?t=127140&page=2

[ابوسند9]

المشكله من كتاوت طرمبة البانزين
شوف لك كهربائي فاهم وخليه يشبكه لك ديركت وارتحت
وبالنسبه للكتاوت الجديد الاخضر انتبه تشتريه لانه نفس الاول

[سهم نجد]

يعطيكم العافي وما قصرتوا على الايضاح والله يكتبها في موازين حسناتكم ان شاء الله

والله لو اقدر اسلم على راس كل واحد منكم لجيه واسلم على راسه لكن اللي اقدر اسويه هو الدعاء لكم

فوفقكم الله لكل ما تتمنوه في الدنيا والاخرة ورحم الله والديكم اجمعين

وشكراً لكم

[عاشق الغضا]

شيك على الكتاوت حق طرمبة البنزين

[the one_n]

السلام عليكم ورحمة الله وبركاته


انتبه اهم شي تغير الطرمبة انتبه ترى ما فوق حقت الوكالة

وبما انك تقول انه يشتغل بعض الاحيان وبعض الاحيان مايشتغل هذا نفس اللي صار معي من كم اسبوع حتى لو

تدخل على موضوعي بتشوفني كاتب نفس الكلام ولا تستغني عن الكتاوت الازرق الموجود اساسا لو انه خربان

ما اشتغل الموتر من الاول

لما تفتح غطى الفيوز بتحصل ثلاث كتاوت اثنين متجاورات وواحد فوقهم اذا ما خابني ظني بتلقى اثنين زود فوق

اذا لقيتهم بالسلامه احرص تشيك اللي فوووق على اليمين

ترى الشغله ان شاء رب العباد ما تكلفك ولا ريال واحد وان حصل وزانت خير على خير ما ضبطت دق علي

يمكن الشرح بالتليفون يكون اوفى

الله يوفقنا وياك ويفك عوق موترك ..