شنطة اللاند كروزر

[سمنان]

السلام عليكم
لاندكروزر 2001
المشكلة : قطعة بلاستيكية صغيرة تتحكم في فتح الشنطة الخلفية .. ودايم تنكسر
وعشان تغيرها لازم تغير قطعة داخلية كاملة قيمتها 400 ريال تقريبا
فهل فيه أحد عانى من نفس المشكلة ... وهل من حل
واذا الحل الوحيد الترهيم .. فهل تخبرون محل بالرياض يرهمها مضبوط

مع الشكر مقدما

[أرض الحجاز]

مرحا فيك اخوي

يا ليت ترفق صورة للقطعة ومكانها فالشنطة

[شامخ ألهيلا]

تقصد السنتر لوك ؟

اذا هو
ركب ماليزي عند محلات الزينه وتركيب الانذارات وو الخ
وارخص وعملي

[سمنان]

اخوي ارض الحجاز
بارك الله فيك لعلي بكرا افكها واصورها إن شاء الله
اخوي شامخ الهيلا
ما هيب من السنتر لوك
هذي اذا بغيت تفتح الشنطة باليد ما تنفتح
بسبب كسر في القطعة البلاستيكية اللي داخل القفل
شاكر ومقدر مروركم واهتمامكم والله يجزاكم خير×

[شامخ ألهيلا]

اخوي تقدر تفكها وتسوي لها عند حقين الفيبر تلحيم لها دامها تبي تكلفك
او رهم لها مقبض من اي سيارة من الشركات الثانيه

[متعب السليمي]

نفس المشكله هل احد يقدر يرهم هذه القطعه ويكون الترهيم من حديد
لان حاولت الحمها عند حقين الفيبر ووضعوا شبك صغير لكي يتجانس مع القطعه ومسكت وبعد يومين نفس المشكله وحطيت غراء ابو جني وبنفس اليوم انكرسرت
(( بالمختصر المفيد ))
(( لازم تشتري القفل كامل سعره فوق 400ريال والله حرام عشانه ولا ترهيم القطعه وتكون من حديد
او عكس القطعه وتثبيته بس تبقى الشنطه ماتقفل وتكون عرضه للسرقه ))
فائده القطعه
هي حلقت وصل بين المقبض اللي يفتح الباب والقفل
وهي متحركه على مجرى تنزل يكون القفل مفتوح ترتقع يقفل القفل
وهذه صور لها
http://www.mekshat.com/pix/upload05/images241/mk135765_aaa.jpg

http://www.mekshat.com/pix/upload05/images241/mk135765_bbb.jpg


http://www.mekshat.com/pix/upload05/images241/mk135765_ccc.jpg

[متعب السليمي]

للرفع
للرفع

[سمنان]

اخوي شامخ الهيلا
شكرا لاهتمامك .. محلات تلحيم الفيبر اعتذروا عن تلحيمها لصغر القطعة

اخوي متعب السليمي
الظاهر انك تعاني من نفس المشكلة بالضبط
نحتاج ورشة ترهم مثل هالقطعة .. احس انه ما هيب صعبة
بس السؤال من يخبر ورشة ترهم مثل الشغلات
دمتم بود

[أبو محمد 3113]

اقرب مخرطة بالصناعية القديمة بالرياض يزبطونها لك بس لا تستعجل عليهم وارخ يدك لين الشغله صغيرة وبتاخذ وقت عليهم ولا هيب تستاهل قيمة كبيرة لذلك اكرمهم وخذ شغل
الوقت هذا تدهن السير يمشي ولا ماتدهنه بتقعد

[متعب السليمي]

اخوي سمنان
انتهت مشكلتي
وهي اني رهمت قطعة حديد ووضعت لها فتحه بحيث
تطلع القطعه الزائده من الفتحه والحديد نكون ثلاث جهات من فوق والجانبين
وطلعت ممتازه
ملاحظه : الحديد هو كالون الباب الحديد الاسود قصيته عن ورشه وسويت فيه فتحه ولفيته من الجوانب الثلاثه
واذا احتجت توضيح ارسل رساله على الخاص عشان انتبه وسوف انزل صور

[قناص*07]

الله يعطيك مليون عافيه

بس ليت توضع الصوره على العام كي تعم الفائده وتشمل

[متعب السليمي]

الترهيم مايدوم
10 شهور
انكسرت مره ثانيه ولايمكن ترهيمها