المساعد الشخصي الرقمي

مشاهدة النسخة كاملة : سيارة فيها جلد بلوف وبلوف صوت هل يضر تأخير إصلاحها؟؟؟؟


أبو عاصم النجدي
08/02/2012, 10:14 PM
السلام عليكم
اخواني احد الاخوان فحص سيارته قالوا يبيلك تغير الامور التالية
جلد بلوف +
بلوف صوت+
طنجرة قير +
صوفة مكينة خلفية
طبعا الفحص عند محلات الفحص بالكمبيوتر
السؤال
هل يضر لو أخرهن وايش يترتب على التأخير من مشاكل أخرى؟؟؟
أرجو أن تتكرمون بإتحافنا بما لديكم،،ولكم الأجر من الله والدعاء
ابوتركي qaz
08/02/2012, 10:20 PM
طيب اخوي وش نوع السيارة
ابوتركي qaz
08/02/2012, 10:30 PM
اذا كان لاند انصحك تعمل غسيل للمكينة مرتين متفرقات لكن لازم تستخدم مادة غسيل فوكس سعرها 35 من محلات جملة الزيت وان شاء الله تضبط جلد البلوف ولا تحتاج للتغيير وبصراحة انا جربتها والحمد لله ناجحة
بالتوفيق
بدوي جنوبي
09/02/2012, 12:14 AM
طيب اخوي وش نوع السيارة

والموديل ؟

كيف بلوف صوت :D
الجلد معروفه المحرك يدخن عند بداية التشغيل
او بعد الوقوف والمحرك شغال ثم ينطلق يبدأ يدخن ويقطع

طنجرة القير ايش المشكله فيها مثلا يطلع منها صوت ؟
جمس_454_97
09/02/2012, 02:34 PM
والله حسب ما اقراء من الشباب ان المكينه اذا انفكت بتوظبها توظيب كامل يعني اذا انت ناوي تشتريها
اما انه يخصم لك قيمة توظيب المكينه وباقي المشاكل ولا تجنب الموتر لانه بيوجع راسك بالورش وخاصه لو انغشيت بقطع الغيار او طحت بمكانيكي غشيم بيحوس موترك
الا اذا انت لك الخبره بالورش الممتازه
أبو عاصم النجدي
10/02/2012, 10:20 AM
نوع السيارة روديو سوزو جيب
حجم المكينة 3500 الموديل 2005
وهل ينفع معها شغلة الغسيل
والرجال شرى السيارة خلاص
وفحصها عند الغروب مرة ثانية لكن ما قالوله نفس ما قال الفحص الاول قالوا المكينة والقير زينة بس يبيلهن تغيير زيوتهن بالفلاتر وأشياء أخرى استهلاكية
وش رايكم رغم ان الفحص السابق بالشفا ومدرى عن شغلهم اسمه مشعل للفحص
بدوي جنوبي
10/02/2012, 08:15 PM
كل الاعطال ممكن يستخدم السياره حتى لو تأخر في أصلاحها
واهم عطل هو صوفة المحرك أذا كانت تنقظ زيت لازم يغيرها فورا

اما اذا كانت تهريب خفيف ما يوضح على الارض
ممكن يأجل أصلاحها .
أبو عاصم النجدي
10/02/2012, 08:27 PM
كل الاعطال ممكن يستخدم السياره حتى لو تأخر في أصلاحها
واهم عطل هو صوفة المحرك أذا كانت تنقظ زيت لازم يغيرها فورا

اما اذا كانت تهريب خفيف ما يوضح على الارض
ممكن يأجل أصلاحها .

الله يبيض وجهك على التفاعل والرد ويجزاك رضاه سبحانه
وجميع الاخوه والقراء