حطب مستورد من نوع قيقب

[آبدولا]

السلام عليكم ..

الإخوة الكرام .. أنا متواجد بأمريكا و لدي معارف جيدة بأصحاب الغابات و لله الحمد.

و أفكر جديًا في استيراد الحطب من نوع ( قيقب maple) زكي الرائحة ، و قليل الدخان .. للسعودية.

و لكن حاب أقارن اسعار الحطب .. كم آخر شي وصل له سعر الحطب في الرياض؟

و هل من السهل استيراد الحطب خصوصًا من أمريكا؟

هل المقياس المعتبر في السعودية بالـ ( طن ) و الا بـ ( حوض الونيت ) و الا ايش تحديدًا ؟؟

يا ليت تتساعدون معي لأني بادي أشوف رزقي و اللله يزوجنا و يوزوجكم البنات الصالحات

[قلايد الخيل]

اللهم اممممين
يفدونك الحطابين

[ajaa2009]

الله يوفقك التوفيق الطيب
اخي اذاهو مثل حطب السمرفهذا يبيعونه عندنا بالربطه والربطه تساوي تقريبا ثلاث كيلو وسعرها من 12الى15ريال

[GM_400]

خل عنك الحطب طع الشور لأن سوقه موسمي ولا يسوى تعبه والناس هنا تفضل الحطب المحلي

عليك بالسيارات سوقها طيب جدا والكثير من المبتعثين يترزقون الله منها

راسلني كانك صامل وافيدك

[آبدولا]

بارك الله فيك يا قلايد الخير

[آبدولا]

الله يوفقك التوفيق الطيب
اخي اذاهو مثل حطب السمرفهذا يبيعونه عندنا بالربطه والربطه تساوي تقريبا ثلاث كيلو وسعرها من 12الى15ريال

بارك الله فيك حبيبنا ..

بسـألك .. هل وحدة القياس غالبًا للحطب بالوزن ؟ و الا بالأحواض حقت المواتر ؟!؟

يا أخي أنا بإمكاني أستورد لـ ثلاثين طن ماعندي مشكلة .. بس ودي اعرف و احسبها حسبة صح ..

و باختصار انا راجع السعودية قريب بإذن الله .. و تاجر الحطب و الغابات أعرفه شخصيًا و صار بينا شبه اتفاق اننا نعمل بشكل موسمي كل سنة .. بحيث يزودني بالكميات المطلوبة من وقت لوقت في حال نجح وضعنا !!

فعشان كذا يا اخوي GM_400 أفكر في موضوع الحطب و تارك السيارات مؤقتًا :)


ربنا يوفقكم جميعـًا ...

و حسب علمي الحكومة منعت الاحتطاب حفاظًا على البيئة

فقلنا نستورد من برا .. نوع ممتاز و يدوم لفترة طويلة :)

تعرفون كم سعر الطن ؟؟

[ابورايف]

وعليكم السلام ورحمه الله وبركاتة
فكرة رائعة
لكن تعتمد على نوعية الحطب المستورد
على العموم الحطب ماعلية أي رسوم جمركية
وسموح بأستيرادة ويباع لدى بعض المحلات
وبأذن الله مشروع رائع ومربح
شكرأ لك

[ناصح]

خطوة موفقه


والحطب المستورد بدأ ينتشر لجودته ونظافته وقلة أدخنته


شاهدت أنواع أوروبية في محلات رحلات في الرياض والقصيم


وعليه طلب لا بأس به


وللمعلومية يستورد بالطن إذا كان ليس على شكل ربطات


أما الربطات فتصدر كمية على قدر حاوية " كونتينر "


وابشرك الحطب المستورد معفي من الجمارك


توكل على الله وابدأ بكميات صغيره كونتينر واحد


وأي مساعدة حيال أنا في الخدمة

وهذه بعض الصور


http://www.firewood-online.com/media/catalog/product/cache/5/image/9df78eab33525d08d6e5fb8d27136e95/s/p/split-firewood_1.jpg

http://www.realwoodsiding.com/images/FirewoodDoubleSmall.jpg





http://www.mygardenbag.com/product_images/h/989/Firewood__19977_zoom.png

http://www.firewoodclevelandohio.com/uploads/7/6/1/3/7613569/1308320217.jpg



http://images.canadianlisted.com/nlarge/maple-firewood-biologs-200-port-kells-surrey-fort-langley_5826372.jpg

[بلحارث]

توكل على الله وان شاء الله مانت خسران حتى شكل الخشب يفتح النفس اعرفه زين وينفع حتى بشكل تحف

[آبدولا]

وعليكم السلام ورحمه الله وبركاتة
فكرة رائعة
لكن تعتمد على نوعية الحطب المستورد
على العموم الحطب ماعلية أي رسوم جمركية
وسموح بأستيرادة ويباع لدى بعض المحلات
وبأذن الله مشروع رائع ومربح
شكرأ لك

بارك الله فيك يا الغالي
و جعل مشاركتك في ميزان حسناتك

[escape_man]

اعقلها وتوكل

الان صار عند البعض وعي بوجوب الحفاظ على البيئة ومقاطعة كل ما يضرها

الحكومة تشجع وحنا نشجع معك

فقط حاول تحصل عليه باسعار منافسة

[آبدولا]

بارك الله فيك يا ناصح على المعلومات الي قدمتها و الله يرزقك التوفيق وين ما تروحح .. :)

[آبدولا]

توكل على الله وان شاء الله مانت خسران حتى شكل الخشب يفتح النفس اعرفه زين وينفع حتى بشكل تحف


الله يرضى عليك و يسعدك يا بلحارث :)

[آبدولا]

اعقلها وتوكل

الان صار عند البعض وعي بوجوب الحفاظ على البيئة ومقاطعة كل ما يضرها

الحكومة تشجع وحنا نشجع معك

فقط حاول تحصل عليه باسعار منافسة

لا تنسونا من دعاكم و بإذن الله إننا مقبلين على خير

بس يا رب توفيقك

[آبدولا]

طيب ممكن أحد يدلني كورتيين

[آبدولا]

عفوا اقصد شركات شحن كونتينر مجربة يعني

[ابولولو]

الله يوفقك اخوي
اهم شي اسئل باالسعوديه هل لازم مهنت حطاب هو من يستورد الحطب والا اي واحد يستورد من عامه الشعب
واذا مسموح لك مهم جدآ تقارن السعر هل يوفي معك والا لا لان الحطب باالصيف عندنا نازل حوالي الثلث او النصف
موفق خير

[Red falcon]

الله على ايام المايبل والشوي وعلوم يونايتد
نصيحة لاتستثمر في شيء ثقيل وشحنه مكلف وسوقه موسمي ويحتاج دعاية وغير معروف للزبائن
خذ لك شيء معروف أعكس الصفات أعلاه والله يرزقك من واسع الفضل

[آبدولا]

الله يوفقك اخوي
اهم شي اسئل باالسعوديه هل لازم مهنت حطاب هو من يستورد الحطب والا اي واحد يستورد من عامه الشعب
واذا مسموح لك مهم جدآ تقارن السعر هل يوفي معك والا لا لان الحطب باالصيف عندنا نازل حوالي الثلث او النصف
موفق خير

الله يرضى عليك حبيبنا :) ما قصرت

[آبدولا]

الله على ايام المايبل والشوي وعلوم يونايتد
نصيحة لاتستثمر في شيء ثقيل وشحنه مكلف وسوقه موسمي ويحتاج دعاية وغير معروف للزبائن
خذ لك شيء معروف أعكس الصفات أعلاه والله يرزقك من واسع الفضل

الله يبارك فيك أخوي
و مشكور على توجيهك و نصحك

[أبوعابد 22]

الله يرزقك ويوفقك
بس وانا واخوك فكر وشاور واحسبها صح
علشان ما تتوهق وترا الحطب المحلي مالي السوق
لافيه منع ولا هم يحزنون انا ياليت انك تجي السوق الحطب
وتشوف انت بنفسك بعدين تقرر
والله يوفقك ويسمح دربك

[اخو سعود]

احسبها صح وتوكل على ربي

[القنـاص2008]

اخي ابدولا

بيض الله وجهك على هذا الاقتراح الطيب
ان نوعية هذا الحطب ممتاز

وكما ذكر لك اخي ابورايف
انه ماعليه رسوم جمركيه

على العموم اذا انت حاب انك تبدء في هذا المشروع
انا اوفر لك رقم الحساب البريد الدولي
ونتناقش على الخطوات

اذا حبيت نتناقش ارسلي على الخاص

بيض الله وجهك

تقبل ردي وودي

[أسامي]

أهم شيء ابدأ شوي شوي

وخلك حذر ترى الحذر مطلووووب يعني لا تثق بأي أحد

سلااااااام ياعريس

[يابحرلاتعاند]

و اللله يزوجنا و يوزوجكم البنات الصالحات
هههههههههههههههههههههههههههههههههههههههههههههههههه هههههه

[المهاجر انا]

اذا جبته لا تصير مثل الغير يرفع السعر ارضى بالمكسب القليل يغنيك رب العباد فجعل قدوتك الخليفه عثمان بن عفان رضي الله عنه
واذا جبت علمنا ترنى نبي حطب

[أبو سهيل]

توكل على الله
وترانا من ربعك

[مافيه]

اخوي على حسب معرفتي في الحطب كا مستهلك

قياس الحطب على حسب صندوق السياره و الرص و الكميه الي فيه

فا مثلا حوض هايلوكس غمارتين اغلى من الددسن الغمارتين ((لانه اكبر))
وسعر الغمارتين في الهايلوكس من ال300 لل 700 على حسب القطع و الرصه اذا كان مرصوص صح ومافيه فراغات ويوصل للتنده فهاذا من ال600 لل 700
الشاص حوضه كبير وسعره من ال500 لل 1300 ريال على حسب الرصه ونوع الحطب ((ومحدثك شاريه ب 550 شلايخ كبار سمر الرصه لك عليها لاكن السعر طيب))
الدينه سعرها على حسب حجمها و المتعارف عليه و الي عليها اقبال الجانبو وهاذي قيمتها من ال1500 لل 4000 ريال مالها سعر محدد وسعرها يعتمد على الرصه ونوع الحطب وحجه اذا كان من الشلايخ الطيبات وقليل الفراغات وواصل للتنده وسمر طيب هاذا مافيه منه دون ال3000 ريال ويوصل لل5000 ريال

وفيه التريلات تباع على حسب طول التيدر اذا كان 12 متر ماتلقاه دون ال12000 الف في غير الموسم و الموسم توصل لل22 الف ((طبعا رصة التريله معروفه لين التنده وقليله الفراغات فيها الا عند الي مايخافون الله وهاذولا اسعارهم تختلف وفي الغالب تكون مستورده))
وفيه تريلات سكس وهذي في الغالب يكون الحطب محلي وسعرها حول ال12 الف في غير الموسم و الموصم توصل لل20 و المستورد سعره يختلف تقريبا من ال8 وفي الموسم حول ال14 الف


طبعا الاسعار الي كتبتها متفاوته لانه هاذا الي حاصل تعتمد على نوع الحطب ((هو محلي اومستورد)) و على الرصه في الصندوق

وهاذا الكلام خذه من واحد يعرف الاسعار وتسعيرتي قبل 9 شهور و اخر تسعيره قبل شهرين

من ناحية المكاسب و الرزق وهو بيد الله سبحانه

انا اشتغلت فيها اشتري كميه كبيره واقطعها اكبر كميه حوض سيارتي (شاص) ومامنها مكسب يستاهل وفي الغالب اقطعها ربطات وهي الي فيها الخير و الرزق للي له محل يصرفها فيه
لاكن مشكلتها يبيلها تعب وصبر و تحمل للبرد وتقريبا ربع الكميه او اقل بقليل تروح على شبة ضوي وانا احتري الزباين في الموسم

صراحه ما انصح للي يبيع قطاعي او موسمي الا اذا كان عنده معارف يتصلون عليه بالتلفون وهاذي يبيلها سنوات وشغل كثير

ومن ناحية الرزق فيها رزق لاكن ماكتبه الله لي اشتغلت فيها سنتين بصراحه مكسبي في كل موسم مايستاهل التعب من تحميل وشيل وحط وتوفير مكان للحطب وحمايته قدر المستطاع من الغبار و المطر وفي نفس الوقت المبالغ الي تحطها في الحطب قبل الموسم بفتره 3 او 4 شهور (بحيث يكون الحطب رخيص وفي نفس الوقت شحيح)

الخلاصه من تجربتي مافيها خساره لاكن مافيها ربح يستاهل التعب الا الي عنده زباين

[هويدي]

سبق وحصلت عرض بمينا جده عن بيع حطب افريقي بالطن

موفق الله يرزقنا وياك ويكافانا شر الحرامي ساهر

[آبدولا]

الله لا يهينكم جميعًا و لي عودة بإذن الله

و يا ليت أي أحد عنده تعليق يتفضل

تصبحون على خير