Red falcon
09/02/2012, 10:08 PM
السلام عليكم ورحمة الله وبركاتة
هالقصة صارت للشاعر عبدالله بن عون الرويس العتيبي مختصرها أنه قرأ في أحد الصحف قصيدة للشاعرة أغاريد السعودية
وتهيض وتعرفون الشاعر بالرغم أنه شايب و قام وجاراها بقصيدة وسمع قصيددته صديقة الشاعر كريدي الفانوس السبيعي
رحمة الله ( والد ناصر السبيعي مدير مجلة المختلف بالكويت ) وحب يمازح أبن عون وجاراه بقصيدة فيها لقافة وميانة
ورد عليه الشاعر أبن عون بقصيدة.
هذي قصيدة الشاعرة اغاريد السعودية
كل ماجيت ابسلى عن غرامك واتوب = جددت جرح قلبي لك هبوب الريـاح
جت بطاريك عندي كم نسمة هبوب = وانعشت ذكرياتك ماضيات الجـراح
مجاراة الشاعر الكبير عبد الله بن عون
هيه ياللي عليك الناس تمشي دبوب = ليت من يدري انته غيم ولا ضيـاح
كان من ريم نجد ولانت بس بمعروب = واهني من لقفلك بالهـوى يـارداح
عاشقتك المسامع قبل عشق القلوب= وبلوة الهوى لو ماله البرق صـاح
لاتهيج صبابة كـل قلـب معطـوب = التغزل من الغزلان مـوت(ن) ذحـاح
زدت نار المحبه من حطبكم شبـوب = مايطفي لهبها شرب مويـة نسـاح
من شرب حب مثلك ماهناه الشروب = لو تسلسل على كبده لذيذ(ن) قـراح
كل ماجيت ابنسى الحب غنّى طروب = واستمع للحشاشه له طرب وارتياح
بالغطاريف دوبه ينعش القلـب دوب = مثل ماينعش الظميان برد الصبـاح
رد الشاعر كريدي الفانوس على بن عون
يعاتبه بسبب مجاراته الشاعره وهو شايب
هاظني شاعراً محد(ن) لقابه شـذوب = من تعرض جديدة راح قدمـه طفـاح
التفت يم صوت(ن) للمولـع جـذوب = مثل ماتلتفت للصـوت روس الطـواح
انت ياللي بحايل وش تبي بالجنـوب = خـل فالـح ينـادي بالمحبّـه فـلاح
لاتخايل بروق(ن) في خشوم النصوب = برق وسمًٍ بعيـد وهيّضـك يـوم لاح
يابونايف ترى منت بـعليه مغصـوب = المعافـا يحمـد الله يـوم اسـتـراح
وانت شاعر واديب و فالهوى لك اسلوب = مير ركبك مشى واهل الموده شحـاح
فرد عليه بن عون على كريدي
هيه ياللي يهيظك الطرب والعجـوب = وش محرك حصاتك وانت مالك صلاح
احسبنك رفيقي فـي غيابـي ينـوب = واثرك اللي على الغرّة يصيبه شفاح
كل مادرت وجه الراحله يـم صـوب = عارضوني مقاريد العـرب بالسـلاح
ودي انصحك ياراع الحصان الهذوب = حيث ياجب علي معاملـك بالنصـاح
الخطا والتعرض منك مالـه وجـوب = والنصيحه تفيد اهل القلوب الصحاح
وكل وادي على مجراه سيله سحوب = سيل وادي الرشا ماطب وادي رمـاح
شكرا لكم
هالقصة صارت للشاعر عبدالله بن عون الرويس العتيبي مختصرها أنه قرأ في أحد الصحف قصيدة للشاعرة أغاريد السعودية
وتهيض وتعرفون الشاعر بالرغم أنه شايب و قام وجاراها بقصيدة وسمع قصيددته صديقة الشاعر كريدي الفانوس السبيعي
رحمة الله ( والد ناصر السبيعي مدير مجلة المختلف بالكويت ) وحب يمازح أبن عون وجاراه بقصيدة فيها لقافة وميانة
ورد عليه الشاعر أبن عون بقصيدة.
هذي قصيدة الشاعرة اغاريد السعودية
كل ماجيت ابسلى عن غرامك واتوب = جددت جرح قلبي لك هبوب الريـاح
جت بطاريك عندي كم نسمة هبوب = وانعشت ذكرياتك ماضيات الجـراح
مجاراة الشاعر الكبير عبد الله بن عون
هيه ياللي عليك الناس تمشي دبوب = ليت من يدري انته غيم ولا ضيـاح
كان من ريم نجد ولانت بس بمعروب = واهني من لقفلك بالهـوى يـارداح
عاشقتك المسامع قبل عشق القلوب= وبلوة الهوى لو ماله البرق صـاح
لاتهيج صبابة كـل قلـب معطـوب = التغزل من الغزلان مـوت(ن) ذحـاح
زدت نار المحبه من حطبكم شبـوب = مايطفي لهبها شرب مويـة نسـاح
من شرب حب مثلك ماهناه الشروب = لو تسلسل على كبده لذيذ(ن) قـراح
كل ماجيت ابنسى الحب غنّى طروب = واستمع للحشاشه له طرب وارتياح
بالغطاريف دوبه ينعش القلـب دوب = مثل ماينعش الظميان برد الصبـاح
رد الشاعر كريدي الفانوس على بن عون
يعاتبه بسبب مجاراته الشاعره وهو شايب
هاظني شاعراً محد(ن) لقابه شـذوب = من تعرض جديدة راح قدمـه طفـاح
التفت يم صوت(ن) للمولـع جـذوب = مثل ماتلتفت للصـوت روس الطـواح
انت ياللي بحايل وش تبي بالجنـوب = خـل فالـح ينـادي بالمحبّـه فـلاح
لاتخايل بروق(ن) في خشوم النصوب = برق وسمًٍ بعيـد وهيّضـك يـوم لاح
يابونايف ترى منت بـعليه مغصـوب = المعافـا يحمـد الله يـوم اسـتـراح
وانت شاعر واديب و فالهوى لك اسلوب = مير ركبك مشى واهل الموده شحـاح
فرد عليه بن عون على كريدي
هيه ياللي يهيظك الطرب والعجـوب = وش محرك حصاتك وانت مالك صلاح
احسبنك رفيقي فـي غيابـي ينـوب = واثرك اللي على الغرّة يصيبه شفاح
كل مادرت وجه الراحله يـم صـوب = عارضوني مقاريد العـرب بالسـلاح
ودي انصحك ياراع الحصان الهذوب = حيث ياجب علي معاملـك بالنصـاح
الخطا والتعرض منك مالـه وجـوب = والنصيحه تفيد اهل القلوب الصحاح
وكل وادي على مجراه سيله سحوب = سيل وادي الرشا ماطب وادي رمـاح
شكرا لكم