كيف تبغي طيري ( ماهي غصيبه ) ولا تكسر السلعه ياغشيم

[مدهـوش]

السلام عليكم ....



ماهوب حقٍ هرج من غيرحاجه ,,,,,, ولاهوب حـقٍ تبخسون الحـواجي



اخواني الكرام


انا نزلت لي موضوعين عن طيرين عندي الاول حر باكستاني وافي وصايد وراكد وراح بيقمه طيبه للاحد الاخوان في دلة قطر ( وجاتني مكالمات كثيره طلبآ له او لوصف مثله وطبعه وفعله والبحث عن مثله )



وبفضل الله الطيب والزين فيه ...وهذي له صوره ,,
http://www5.0zz0.com/2012/02/09/21/957648687.gif (http://www.0zz0.com)



واليوم عرضت طير آسود بكر جير من طيوري وتبع (الشيوخ) وصاد معهم وآيضأ صاد معنا ووصل سومه 11000 احد عشر الف وطير وصف وطبع وفعل ( شرط يلعب بالسوادي فالنجوم ) وهذي له صوره


http://www5.0zz0.com/2012/02/09/21/712494499.gif (http://www.0zz0.com)


ويكلمني احد الاعضاء ويقول بشريه بـ 9000 واقول له مسيوم بأحد عشر كيف اكسر سلعتي ولو بعته بأقل بعته لشخص سامه قبلك


فتواعدنا على كلمة واحده وموقع واحد ولم يجيبوا فلما اتصلت فيرد علي بكلام بذيئ ولا يعقل ويقول (الطير ماعاد نبيه لو كان ياتي ببلاش ) دامك ما طرحت لنا



كيف يعقل هذا الفعل وهذا السلم ليس عند الصقاقير .؟؟


فأتمنا من الاخوان ان يفيدون ويتناقشون عن هذي الظاهره وان لا يقع فيها ككثير الاخوان

واتمنا ان نكون عند حسن الظن لان هناك من أخواننا خارج المملكه وداخلها يريدون الصدق والوثوق فينا والتعامل الاخوي واالديني

فهذا بوح خاطر يغللي من بعض الاعمال !!



والله ولي التوفيق

[طارق حسين]

السلام عليكم

هلا بك اخوي انت ارفع قدر من هذه الاشكال

وماصار الا كل خير انشاء الله.

تقبل تحياتي

[ام الايتام]

لاحول ولاقوة الابالله اخوي لاتكدرخاطرك الناس ردود افعالهم تختلف عن بعض كلا كيف نشا والمسامح كريم والله يرزق باعلى سعر انشاء الله

[عاشق هدبها]

هلا بك ابو سلطان
اخوي حط الابيات هذي براسك
يخاطبني السفيه بكل قبح .... فأكره أن أكون له مجيبا
يزيد سفاهة فأزيد حلما ..... كعود زاده الاحراق طيبا
واذا شفت ان الاشخاص اللي مثل كذا طولوا بالكلام
اذا بالجوال سكر الجوال
واذا يكلمك بوجهك طنشه وعطه ضهرك

[ذيب المساري99]

وعليكم السلام ،،،
يااخي المفروض أن أي طير يعرض في المنتدى أنه يبدى سومه من ريال وأتمنا من المشرفين والاعضاء
يوافقوني في هذا الراي لي أن بعض السومات قديمه ، أو جديده بس خارج المنتدى ارى بنظري أنه يبدا السوم بالمنتدى من ريال واحد ...

[سعد القاسم]

الله يوقك بالبيعه الطيبه

وانا اخوك انت في النت بتمر عليك اشكال والوان من الناس

والبيع والشراء مافيه يمين ويسار وكلمة الرجال محسوبة في كل شي فما بالك في البيع والشراء

وغير كذا مانتب ملزوم وانا اخوك تبيع باقل من السوم اخر سومه ان بغيت تبيع ولا تصبر مايمنع وانا اخوك ....

الله يوفقنا واياك

[مدهـوش]

مرحبا ياخوان

كل كلامكم عين العقل

فحديثي عن الناس التي تتلفظ وتاتي مع طرق ليس لها داعي

والبيعه والشريه من حكم صاحبها

والناس فيها صالح وطالح فيها رفيع ووضيع

ولكن نقاش ياتي بتذكير وعرف والطير ان ما راح فلاهو في ضياع

تقديري لكم

[مدهـوش]

في جهلا كثير ولانعنز على كلامهم

اللي يبي يعرض سلعه مثل اللي واقف على قارعة الطريق
يمر به طيب وردي

لاتبيع الا انت مقتنع واهل الصنف بيعطون السلعه حقها




صدقت في كل حرف دونته


وراع النظر يعطي الطير حقه

[صقار مبتدئ]

هلا ابو سلطان كيف الحال
اول شي تقبل الله منا و منكم و جمعه مباركة ان شاء الله
الشي الثاني ماشاء الله عليها طيورك لون و سره و ان شاء الله انها فعل
الشي الثالث (لا عاد تستغرب شي في هذي الدنيا ) تحصل واحد شكله شكل عاقل و هو مهبول و الله المستعان و في البيع و الشراء طول بالك و الشخص اللي يتكلم بكلام بذيئ انما يعكس تربيته كول بالك و لا تهتم و انا اخوك
و الله يرزقك ان شاء الله

[صقار محترف]

ياخوك اصابع يدك ماهيب سوا

يمكن شخص جاهل ..

وطيرك طيب ويجيب لك قيمه افضل باذن الله
بالتوفيق

[ابوعزيز2007]

وسع صدرك يابوسلطان وانا اخوك والله من الشيء بهالدنيا لو مافيه مثل هالرخوم بالدنيا مابينو الاجاوييد

[قرناس شماالي]

الله يوفق شرااين طيورك لما يحب ويرضا

واما للي يوعد ومايجي فعتبره ماهو رجال

وذي ماهي فعول الرجاجيل

[الكعمي]

مالك الاالصبروالله المستعان

الكعمي--------

[جلاد الحباري]

اقول اشهد بالله انك بعت لاهل قطر طير طيب وان ماخاب ظني ان الطير ساسه خلوي وجه وعاتق وارض وشليل ما شاء الله والجير كذلك ماشاء طيب ومافيه كلام واللي صارلك وانا اخوك ارفع نفسك منه وبيح منه ولا تكدر خاطرك شفنا اعبر من كذا وصدينا

[صقار الاحمدية]

ابو سلطان ....

يالغالي ارفع نفسك ومقامك عن مثله وشرواه ما هو كفو ابداً ..

واسمع هالقصيدة ويطيب خاطرك وسلعتك لاترخصها لرخوم الرجال وانا اخوك ..

UvQq4C3I-1M