وداعا للطير الصياح

[اماراتي 10]

كل صقار يعاف الصقر الصياح حتى لو كان صقر قيمته غالية صياحه ينفر الناس والشراي منه وينباع برخص ويمكن ما ينباع لكن هذا اصبح من الماضي بعد قيام عدة عيادات بيطرية في الامارات بأجراء عملية للصقر الصياح وسحب الحبال الصوتية ويطلع الصقر بعدها بدون صوت وصياح وبدون ما تأثر على طيرانه وسرعته او اي شي ثاني.....

اخواني الصقارين خبروني عن رايكم في ها الموضوع ومن منكم يأيد العملية ومن منكم يرفضها ويوضح سبب الرفض اذا امكن ..

شكري واحترامي للجميع..

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياخوي /اماراتي 10
.
انا ياخوك ماني مسويها .. يوم اطوي الطير في لزومي ليله . يضيق صدري واحس اني غلطت واحاول اصلح غلطتي الليله الثانيه
اعشيه عشاء زين
لكن سواتك مايمكن تصلحها كان حسبتها غلطه .
ونسمع من الربع
*
الفيتو
الحجاز
19-3-1433هـ

[فهد بن داموك]

مشكور على الموضوع ولو كان على الفلوس والله متهم الصقار

تخيل نفسك انت بدون صوت اتوقع حرام عليهم يحرمون الطيور من الصيحه والطير مايصيح الأإذا كان قد جته روعه (فزاع) او مامهد صح
وشكراً لك

[عاشق جلاد]

انا عن نفسي منيب
مسويها الدا
لو كان طيري يغني مو يصيح بس

[الجير شفي]

الله يمسيك بالخير أنت وجميع الأخوان
لكن رأيي الشخصي أنا لو وجد عندي طير فيه صيحة مابسويها نهائي
لانه اذا كان طيب طيب مره اكيد بتعوضني فعوله عن الصياح واتحمل كل عذاريبه من طيبه
واذا كان طير عادي السوق فاتح بابه وابيعه ولا اشيل حباله الصوتيه
واعتقد البرقع علاااااج طيب للصيحة
ودمتم بصحة وعافية

[ابو بدر444]

صحيح الصيحه عيب

بس تنفعك باوقات كثيره

مثل لو التف سبوق الطير ولا اشتبك مع طير ثاني ولا جا حوله شي يمديك تفزعله

موب اطرم ماتدري وش يوجس

[(هزاع)]

صيحه عن صيحه تختلف
بس اشيل الحبال الصوتيه لالا

[ابوعزوز3]

السلام عليكم ورحمة الله وبركاته انا اقول مثل مايقول اخوي ابو بدر444 لان بعض الصياح يعتبر دفاع عن النفس والعيار اللي مايصيب يدوش

[عابر الموج]

مثل ماقالو الاخوان لايمكن ان افعل ذلك وعطيك قصه حصلت لي كنت داخل للبيت ونسيت البوابه مدخل المنزل مفتوح وكان طيري واضع له مكان بالحوش وسمعت الطير يصيح صياح اقشر وطالع الا ذاك البس داخل وطلعته برا وقفلت الباب وهذا سبب من الله ثم الطير لوكان الطير مشيوله حباله الصوتيه الله المستعان شكرا لك

[شواهين]

الاخوان ماقصرو
الصوت مهم للطيور وقت التزاوج وحرمان الطير من صوتة
يقطع نسلة

[صقرالحروب]

من ناحيتي ماراح اسويها وترى الصياح عذروب شرعي فالطيور

[بحر الخليج]

مساء الخير للجميع حقيقة ياخوي اماراتي 10 من وجهة نظري انا ضد شيل الحبال الصوتية للطير لان فيها ظلم للطير مهما كان شكله لذلك وانا اخوك اقل شي وده السوق اوغير ذلك وشاكر لك على الموضوع .

[هاوي هدد 11]

كيف اشيل صوت
خوي الطرقه
لالالالا
مش معقول
الطيرأعده واحد من عيالي

[THE SNIPER H]

الصياح يعتبر من عيوب الطيور مع العلم ان الصياح تختلف قوته من طير لأخر لكن المشكله لا تستحق ان احرم الطير من صوته ويكفي انه اسير للبشر ومحبوس ومربوط
الرفق الرفق بخلق الله

[THE SNIPER H]

كيف اشيل صوت

خوي الطرقه
لالالالا
مش معقول

الطيرأعده واحد من عيالي



والله معاك حق

[mr-r]

لاحتى مارح افكر
وانا اشوف ان الصحيه موفيده احيانن لن مره كان شايبي قانص على احدود السعوديه من العراق وكان مرفع طيره ونايم
يوم جا تالي الليل قامي يصيح الطير ويفز الشايب ويرمي افشقه ياحسبه
ثعال وينام ويم خذاله اشوي الا الطير يوم صاح مره ثانيه ويقوم ويرمي افشقتين
وقعد وشب الضو وصلى الفجر يوم شق النور ويقول لخوياه ابي اشوف اثر ذا الثعل الي اقزانا بالليل ويالقا اثر رجال جايهم يزحف
يعني لولا الله ثم صوت الطير كان اعلوم

[عبدالرحمن بن ذياب]

و الله يا طويل العمر ما أظن هـ العملية تحصل ما بتكون لها آثار ثانية
وانا من المعارضين لها

[ضب نجد]

بسم الله ..
السلام عليكم

بالنسبه للصياح الطير هو سلاح ذو حدين .. يزعجك من ناحيه ومن ناحيه
يحفضلك طيرك من ناحيه ..
ومن ناحيتي أنا ماأرغب الطير الأطرم في أوقات أتلذذ بصياح الطير ..
مثل كان عندي طير ورابطه بالبيت , ويمرون أهلي من عنده
ولا يقول شي .. ولا شافن أنهبل بدا يكافخ ويصايح ..
وأيضاً مثل ماقال بعض الأخوة إذا كنت محتفض بطير صيَّاح ..
فأكيد أن فعوله تشفعله .. أو باب السوق مفتوح ..
وأيضا فكر لو غذى الطير ( الله لايجيب الساعة القشراء )
وكمل هجره .. مثل ماقال بعض الأخوان راح ينقطع نسله بدون الصياح ..
وآخراً .. تحمل الطير بصياحه والأأجلبه السوق ..
..
.
تحياتي
ضب نجد

[الطبشي]

صحيح الصيحه عيب

بس تنفعك باوقات كثيره

مثل لو التف سبوق الطير ولا اشتبك مع طير ثاني ولا جا حوله شي يمديك تفزعله

موب اطرم ماتدري وش يوجس



هههههههههههههههههههههههه
والله انك صادق

[قرناس شماالي]

والله يالغالي اذ

[قرناس شماالي]

والله يالغالي اذ الطير غالي على راعيه مايبيعه

[رعد المطر]

لو صيح ولو نافق عليه ولو صدع بي هذا ابو المختار مانقدر نزعله ولوجاب الشرهات لى

[جلاد الحباري]

ان كانه صياح ومزعج وفضيحة كل مافكيت برقعه صاح ولا عاد له بيعه نهائيا اغديه واعشيه لمدة اسبوعين لين تصتك عدته فل واروح للساحل والهوى شمالي صلف وافك سبوقه واعتقه لوجه الله خله يعبر ويفرخ في ماكره

[أبو فااارس]

اعوذ بالله تقطيع!!! عز الله ان ماله بالصقاره راعي هالسوالف ولاعمره ضاق صدره على طير ... هاذا رجال تنقله على كفك وتشيمه على بعض رجال ::: تبي تحرمني نغطته هاآآآآه؟ يازين وجهك لاغداله فحيح على علفه والا مشابكن له طير يارجال قل غير هالسالفه .. هذا حتى صياحه يوحي لك انه له غرض بس مايقدر يتكلم حلولاه لو ان الله خلقه يسولف

[شرار 2008]

السلام عليكم ورحمه الله وبركاته
بالنسبة للموضوع الشباب ماقصرو في الردود

[راعى شاهين]

اسويها بشرط يكون الطير طلع ولحاق واشقر عند الظروره تباح المحرمات

[سمرت سوالف]

بالنسبه لي انا اضم صوتي لا اخواني واعارض وبشده
اولا يا اخي خاف الله في هالطير اللي عندك وثاني له فوايد ذكورها
الاخوان على اكمل وجه الله يعطيهم العافيه
ولا حول ولاقوة الا بالله

[سمرت سوالف]

بالنسبه لي انا اضم صوتي لا اخواني واعارض وبشده
اولا يا اخي خاف الله في هالطير اللي عندك وثانياٌ له فوايد ذكورها
الاخوان على اكمل وجه الله يعطيهم العافيه
ولا حول ولاقوة الا بالله

[مستر غربال]

يصيح ويزعجن ولا احرمه من صوته
يارجال والله حراام
مثل ماقالو الاخوان ان مره تسكرت بوجهي لا انباع ولا تعدل وضعه
ولا لا اطلقه ولا احرمه من صوته

[اماراتي 10]

اسويها بشرط يكون الطير طلع ولحاق واشقر عند الظروره تباح المحرمات

هذا واحد مؤيد مقابل اكثر من 25 مشارك رفض العمليه

[اماراتي 10]

بالنسبه لي انا اضم صوتي لا اخواني واعارض وبشده
اولا يا اخي خاف الله في هالطير اللي عندك وثانياٌ له فوايد ذكورها
الاخوان على اكمل وجه الله يعطيهم العافيه
ولا حول ولاقوة الا بالله

للتوضيح انا مجرد طارح الموضوع للنقاش والمعرفه والاطلاع على ما هو جديد من اخبار الصقور

[اماراتي 10]

وراي انا بقوله في الاخير انشالله

[ياس البوادي]

السلام عليكم

اخوي لو كان عندي طير صياح ما اسوي له العملية .
لكن لفت انتباهي شغله اذا كان الطير صياح وكنت تريد تبيعه وقبل ما تبيعه سويت له العملية هل يعتبر هذا تلاعب منك او غش الزبون اي الشاري . تقبل مروري .
اخوكم
يــــــــــــاس البوادي
بوسلطان

[فيصل السند]

واحد من الربع مسويها بطير بس الطير مايعلف عدل وتلاحظ بالطير

[طبيب المواتر]

السلام عليكم ورحمة الله وبركاته

فيه واحد من الربع سئل شيخ وقاله لا يجوز ذلك , وأتوقع انه غش تبيعه بكره ويشريه غيرك ويبيعه على أن ما فيه صيحة والله اعلم .

[اماراتي 10]

السلام عليكم

اخوي لو كان عندي طير صياح ما اسوي له العملية .
لكن لفت انتباهي شغله اذا كان الطير صياح وكنت تريد تبيعه وقبل ما تبيعه سويت له العملية هل يعتبر هذا تلاعب منك او غش الزبون اي الشاري . تقبل مروري .
اخوكم
يــــــــــــاس البوادي
بوسلطان
المفروض اي شخص يبي يبيع طيرة يقول كل سلبياته وايجابياته وأي عذروبه
لكن يتعمد انه ما يقول فاكيد انه غش والله اعلم

[شاهين2]

السلام عليكم ورحمة الله وبركاته
انا عندي طير السنه اللي طافت ما شاءالله عليه
وبعد ما طلعته من المربط قام يصيح وبصراحه مرات صياحه مزعج لكن مو دايم يصيح وقت العلف
واذا افرعه علي التكايه ما يتحرك ولا يصيح واخر مره فرعته حوالي 6 ساعات ولا تحرك
لكن عمري ما فكرت اسوي هالعمليه له ياخي والله حرام اذا ازعجك الصياح بيعه وارتاح

[ســـبــار ربــعـــه]

بعض الطيور من يوم تفرعه دق سلف يصدع براسك تصديع لكن ماتوصل العمليه.

[الطرس ممدوح]

مشكور على الموضوع

بس اشيل الحبال الصوتيه لا

ولوتسأل وش حكمه بالشرع

[صقار 2010]

صح يشيلون الحبال الصوتيه ..

بس يبقى في الطير الفحه واللي يشوفه يقول مريض انا شفت طير جير شاهين مسوى له العمليه

ويوم تقربه تسمع فحيح الطير تقول فحه مو صيحه

يعني مافي فايده

دمتم