ابي رايكم في هذا الجهاز

[هن بن هن]

السلام عليكم
في اول مشاركة لي حبيت افيد اخواني بهالجهاز اللي اعتقد انه مهم لكل هواة الرحلات
وبنفس الوقت حبيت استفسر اذا كان احد منكم استعمله او استعمل جهاز (حوله).
الجهاز عبارة عن شاحن لبطارية الموتر اذا توهقت وفضت بطارية موترك وانت لحالك في البر وما عندك خوي يشرك لك. وايضا تقدر تشحن به جوالك اذا فضت بطاريته.
اسمه:
SelfCharge Auto Jumper

تشحنه بكهرب البيت تقريبا 12 ساعة ويحتفظ بالشحنة من شهر الى شهرين الى وقت العازة والاستخدام, ويجي معه شاحن يعني تقدر تشحنه بولاعة موترك ويكفيه شحنه بالسيارة مدة ساعة.
ما اطول عليكم بس احب اسأل اذا احد استخدمه او استخدم جهاز مشابه.
http://images1.vat19.com/covers/large/selfcharge-auto-jumper.jpghttp://images1.vat19.com/selfcharge-auto-jumper/charging-in-car.jpghttp://images1.vat19.com/selfcharge-auto-jumper/portable-backup.jpg
http://www.amazon.com/gp/product/images/B000066OC8/ref=dp_image_0?ie=UTF8&n=15684181&s=automotive

[العاذر]

هلا بك اخوي مرحبا بك
والجهاز فيه مثله بس اكبر
وهذا ممكن ميزته صغر حجمه
تحياتي لك

[حلم البحر]

وعليكم السلام ورحمة الله وبركاتة
الله يعطيك العافية على خدمة اخوانك بارك الله فيك
لكن اخوي ماذكرت وين يباع وكم سعره ليستفيد الجميع
ماقصرت اشكرك اخي الكريم

[هن بن هن]

بالنسبة لسعره ومكانه_أنا للأسف ما اعرف اذا كان يباع بالسعودية أو لأ ياليت الي عنده خبر يعلمنا، انا اعرف اجهزه لها استعمالات متعددة من ضمنها شحن بطارية السيارة وكمبريسر الهوا لكن حجمها كبير ووزنها ثقيل الجهاز هذا حصلته بالنت في أحد مواقع البيع والشراء الأمريكية، سعره بالموقع 45 دولار=169 ريال تقريبا_ نسيت اقول انه يشحن بطارية الموتر عن طريق مدخل الولاعة؛ لأن معه يجي راس نفس راس شاحن الجوال وبهالطريقة تشحن الموتر اذا فضى لمدة تتراوح من خمس الى عشرة دقايق وبعدين شغل الموتر وتوكل على الله ومن نفس الراس تقدر تشحن الجهاز اذا فضى لمدة مابين النصف ساعة والساعة. الجهاز عجبني فيه سهولة حمله وبساطته وأيضا احتفاظه بالشحنة لمدة طويلة تزيد عن الشهرين لأن الأجهزة الي تجي فيها خدمات اكثر تكون معقدة و لاتحتفظ بالشحنة لمدة طويلة.

[سكيكو]

السلام عليكم
اعتقد اني سبق و ان رئيته عند ساكو مع محولات الكهرباء

[هن بن هن]

العاذر_ حلم البحر_سكيكو
شكرا للمرور
ننتظر رد بقية الاخوة.

[دغيم1]

السلام عليكم ورحمة الله وبركاته
يعطيك العافية أخوي
مثل هذه الأجهزة ليست عملية ولااحكم على هذا النوع ولكن :
من واقع تجربة سابقة لأنواع أخرى
فهي لاتعمل بشكل جيد وبطاريتها الجافة ينتهي عمرها الإفتراضي سريعا
وقد تم عرض أجهزة أخرى اكبر حجما
إلا أن التجربة لم تثبت جودتها
شاكرا لك ومقدر
تقبل تحياتي
اخوك / ابو فيصل

[هن بن هن]

شكرا لك أخوي أبوفيصل مثل هالآراء نستفيد منها، لكن من الصعب الحكم على جهاز بدون تجربته بذاته.
حتى نكون اكثر دقة لابد ان نحكم على الجهاز نفسه بعد التجربة_ ومثل مايقولون<التجربة خير برهان>.