المساعد الشخصي الرقمي

مشاهدة النسخة كاملة : نصيحتكم في الكمبروسر (لاندكروزور 2001)


خاش عرض
11/02/2012, 12:25 AM
السلام عليكم ورحمه الله وبركاته

وش رايكم في الكمبروسر الياباني للاندكروزر مقاس 17 للاندكروزر جي 2001

يوم عرضته على الفني قال هذا صيني ماهو ياباني , والياباني يجي ماركته دانسو

ومحتار ارجعه للمحل وادور ياباني والا اخذ من التشليح كمبروسر مستعمل وكاله

علماً بان الكمبروسر خذيته ب700 وبدون ضمان , ولا ادري يصلح الكمبروسر الصيني تكفون الي جرب يبلغني والي عنده خبره فيها ينصحني
عمر الشريف
11/02/2012, 01:08 AM
السلام عليكم ورحمه الله وبركاته

وش رايكم في الكمبروسر الياباني للاندكروزر مقاس 17 للاندكروزر جي 2001

يوم عرضته على الفني قال هذا صيني ماهو ياباني , والياباني يجي ماركته دانسو

ومحتار ارجعه للمحل وادور ياباني والا اخذ من التشليح كمبروسر مستعمل وكاله

علماً بان الكمبروسر خذيته ب700 وبدون ضمان , ولا ادري يصلح الكمبروسر الصيني تكفون الي جرب يبلغني والي عنده خبره فيها ينصحني


وعليكم السلام ورحمة الله وبركاته .. هلا ياللي خاش طول وعرض :D ..

لا تتهور وتركب مقاس 17 للجيب .. ركب مثل الراكب عليه اللي هو 20 .. بعدين تعال يالطيب ترى الدنسو الياباني الاصلي قيمته 1200 ريال وممكن يسويلك خصم إذا أمتحنته أخونا الحبيب أبو جميل ياخذه من دنسو بالقيمه اللي قلتها سابقا ويبيعها 3000 وعليها .. إذا فكرت تغيره لاتنسى تغسل مجاري الفريون اللي هي الثلاجه واالرديتر مع تغيير قاروره الفريون والبلف وإن شاء الله يخدملك 20 سنه بعد توفيق الله ..



أعذرنا على الإطاله وأي إستفسار أطرحه ونجاوبك إن شاء الله
أبوسعد111
11/02/2012, 01:14 AM
أخوي "خاش عرض"
سلمك الله
أنا سبق وأن بحثت عن سعر كمبرسر GX 2004 الاصلي
وحصلت فيه تفاوت بالسعر
عند الوكلاء: (عبداللطيف جميل - الضحيان - الرشيد - العامودي - النهدي)
والنهدي عنده أصلي وعنده مايز >> التقليد
والباقين فقط الأصلي
والفروقات بالاسعار بحدود 40 - 70 ريال
وحاول إنك ماتتعدى اسماء الوكلاء الاربعة الاولى

وخذ نصيحة أخوك
لاتتعدى الكمبرسر الاصلي والفريون الاصلي حتى لو هو غالي
لانك لو عبيت في الكمبرسر فريون تقليد عدم عليك الكمبرسر
والتشاليح إما تحصل سعودي غالي أو ياباني مايتحمل الحر عندنا
والضمان بالتشاليح نظام مش حالك

آمل إني أفدتك

موفق
خاش عرض
11/02/2012, 07:59 AM
مشكورين يالي رديتوا علي



بس للمعلومية حق وكالته يجي كمبرسر مقاس 17 للاندكروزر استاندر مكيف واحد وكمبرسر مقاس 20 للجي اكس مكيف وثلاجه


انا شريت نفس وكالته الي هو مقاس 17 والحين بس عندي سؤال وش رايكم في الكمبرسر الصيني يصلح والا ارجعه عليه واخذ دانسو علماً بان الي عندي مكتوب عليه استكر (ميد ان جابان) :D بس تحس انها مزورة :p وحق الوكالة ماقدر على قيمته غالي ب2200 والياباني مدري كم سعره بالضبط وانا خذيت الي عندي على انه ياباني وطلع (شاينا) :p


*واكيد راح اسوي تنظيف مواصير وتعبيه فريون اصلي


أفيدوني :(
أبوسعد111
11/02/2012, 02:43 PM
أخوي
بما أنه تقليد لاتأخذه
لانه ممكن يمشيك فتره بسيطه وبعدها بيتعطل وبترجع تشتري الاصلي
وبكذا دفعت مرتين :(
لذلك ريح رأسك وأشتر الاصلي من أول أحسن لك
قبل لا يدخل الصيف ويرفعون سعره أو ماتحصله بسرعه
و يزيد سعر تعبأة الفريون إستغلال من الورش لبداية موسم تصليح التكييف

موفق
خاش عرض
11/02/2012, 06:02 PM
مشكورين على الي ردوا علي ورجعت الكمبرسر لراعيه وطلع ياباني ماركته SAR وخذيت دراهمي وهواء ربي الظاهر انه اصح وازين :p:D
عمر الشريف
12/02/2012, 01:40 PM
ههههههههههههههههههه:D:D:D:D:D:D:D