جدتي و الفدوي

[ام الايتام]

السلام عليكم اخواني واخواتي اسمحولي اقولكم سالفه من سواليف جدتي الله يرحمها ..



كانت عايشه في الديره وكنا نروح كل نهاية اسبوع نزورها وفي يوم من الايام كنا نتقهوا العصريه في الفيه نسولف
وشوي الاجدتي سرحت وتنهدت وقالت ياحضكم انتو عندكم الفدوي ماتطفشون:(
وهي اللي تحزنا و تكسر خاطرنا ونوعدها الاسبوع الجاي
وحنا جايين نجيب الفديو معنا والله ونفذ وعدنا ونجيب الفديو وكانت ذيك الايام مافيه كهربا مغير على المواطير تشتغل في الليل
بس المهم بعد العشاء تعشينا وعينا خير وتسدحنا في الصاله وشبكنا الاسلاك
المهم كان الشريط لكم عليه شوي ساع صافي وساع موشوش :mad:
بعد شوي من المتابعه الا ونسمع صوت جدتي من بعييييييييييد في الحوش تقولنا هااااااااااه صفي هااااااااااااه صفي
وحنا نقوم نتناقز نشوف جدتي اش تسوي لقيناها ماسكه الماسوره حقت الاريل تفرها مره يمين ومره شمال وحنا اللي نتصرع من الضحك :D:D:D
المهم فهمناها الموضوع ورجعنا نتابع بعد شوي من المتابعه تقوم جدتي وحنانطالع
وتحسس تلفزونها وتلقاه حار وهي اللي تهوشنا وتسبسبنا وتفصل الاسلاك:eek:
تقول هذا الماخوذ ماهو زين بيخرب تلفزوني راح زي النار لاعاد اشوفكم تجيبونه مره ثانيه...
ولا قدرنا نام ذيك اليله من قوة الضحك الله يرحمها ويغمدها الجنه ان شاء الله



اتمنى تكون السالفه اعجبتكم

[من شمر]

قصه حلوه وطريفه .. الله يا أيام زمان وجلسات العصريه ايام لاتنسى وخاصه مع كبار السن .. وماشاء الله على جدتك مهندسه اللي تحاول تصفي الجهاز ... الله يرحمها ويجعل مسكنها بالفردوس الاعلى من الجنه ..

[سليمان الربيعان]

هههههههههه على نياته الله يرحمه ويسكنه فسيح جناته
نتظر جديدك من السوالف المميزه
تقبلي تحياتي...

[أبوعابد 22]

ههههههههههههههههههه
جدتك على نيتها الله يرحمها ويغمد روحها الجنه

[خوي مخباته]

هههههههههههههههههههه ,,,,,,,,,,,,, هههههههههههههههههههههههههه
الله يضحك ســـــــــــــــنك ياختنا " ام الايتام " بارك الله فيتس والله ضحكت ضحك مهوب صاحي والله يرحم الجدة
رحمـــــــــــه واســـــــــــــعـــــه ايـــــــــــــــــه على نياتــــــــــــــهم !
وفضلاَ لا امــــــــــــراَ نبي مثلها وفي اقــــــــــرب وقت ؟
................................... تحيــــــــــــــــــــــــــــاتـــــــــــــــــ ـــــــــــــي ................................... لتس

[ام الايتام]

اخواني اشكركم على مروركم
اي والله كانت على نيتها تسمع بالفدوي على قولتها انه يونس يوم شافته خافت على تلفزيونها وكان تلفزيونها كنه واحد من عيالها واويلنا وسواد ليلنا ان قربنا منه هذا وهو قديم ماله حتى ازارير كان من النوع اللي زي المروحه تفره من اليمين عشان تغير من القناه الاولى للثانيه طبعا الكلام هذا قبل الدشوش
الله يرحمها والله الدنيا مالها طعم بعدها

[قوافي ( أم نهار )]

حياك الله اختي
حيالله من جانا اسفرت وانورت وإن شاء الله دوم
الله يرحم الجده
سبحان الله كل اللي يجي من غالييننا زين والله الله على سلامة نيتهم
احباب ارتحلو مع ركب القوافل ومازالت هناك قوافل ستسير
مشكوره يالغاليه على السالفه الجميله
تحياتي .اختك
..قوافي..

[Al3rands]

ههههههههههههههه الله يرحمها

[أبوتركي ومحمد]

الله يا أيام زمان أختي الكريمة ام الأيتام الله يسعدك ويرحم الجدة ويغفر لها ويدخلها فسيح جناته
والله إنك أدخلتي السرور الى قلبي بهذة القصة
بأنتظار جديدكي المميز أختي
تقبلي تحيتي

[عاصفة عروى]

الله اكبر زمان اول ما مثله يالله يذكره بالخير
اثره الجده مهندسة ما شاء الله عليها
قصة رااااااااااائعة

[المهاجر انا]

هههههههههه على نياته الله يرحمه ويسكنه فسيح جناته ويجعلها من الحور العين ووالدتي وزوجتي

[البدوي111]

ههههههههههه.الله يرحم زمان اول كلن على نيته

[ام الايتام]

الله يحييكم جميعا


جزاكم الله خير على الدعاء


نورتوا الصفحة

[محمد الظاهري]

الله يرحمنا ويرحم اموات المسلمين
اشكرك على السرد
وننتظر القادم

[بواردي الروقه]

ههههههههههههههههههههههههههههههههههههه

احسن سالفه قريتها في المنتدى


الله يرحم جدتك

[حمد69]

وعليكم السلام ورحمة الله وبركاته
السوالف القديمة حلوة خاصة لما تكون مع كبار السن وفيها نوع من الدعابة، والمزاح معهم حلو . ويازينهم لما يغيرون في الأسماء والمصطلحات ( فدوي و تلف عيون).
رحم الله جدتك وجميع موتى المسلمين.

[ام الايتام]

الله يرحمنا ويرحم اموات المسلمين

اشكرك على السرد

وننتظر القادم

هلا اخوي


اللهم امين

مشكور على مرورك العطر

[ام الايتام]

ههههههههههههههههههههههههههههههههههههه

احسن سالفه قريتها في المنتدى


الله يرحم جدتك


مرحبا اخوي


مشكور الله يعطيك العافيه

[ام الايتام]

وعليكم السلام ورحمة الله وبركاته

السوالف القديمة حلوة خاصة لما تكون مع كبار السن وفيها نوع من الدعابة، والمزاح معهم حلو . ويازينهم لما يغيرون في الأسماء والمصطلحات ( فدوي و تلف عيون).
رحم الله جدتك وجميع موتى المسلمين.



هلا اخوي

اما تغير الاسماء كثر منه


قرطيس قصدير

دبسي ببسي

غبران اسم صدام ايام ازمة الخليج:D

اصيفر الرسيفر

والكثير من الاسماء بس ما تحضرني الان

شرفني مرورك اخوي الله يعطيك العافيه

[GM_400]

الله يرحم موتا نا وموتاكم الكبار ماينلامون عاشو في فقر وجوع وجت التلفزيونات والروادو بعد حياة شقى وتعاملو معها بلطف لأنها نقلتهم من واقع الى واقع جديد عليهم

سرد جميل الى الأمام

[ام الايتام]

الله يرحم موتا نا وموتاكم الكبار ماينلامون عاشو في فقر وجوع وجت التلفزيونات والروادو بعد حياة شقى وتعاملو معها بلطف لأنها نقلتهم من واقع الى واقع جديد عليهم

سرد جميل الى الأمام



يا هلا اخوي


كلامك صحيح عرفو يكيفون حياتهم بطريقتهم العفويه الجميله


مشكور اخوي شرفني مرورك

[فرخ العقاب]

أم البنات أيام زمان والفيديو هذاك اللي لازق بالتلفزيون من تحت . وفلم عمر المختار . يا الله .
هذا الفلم الوحيد اللي ما ينمل منه حتى إلا وقتنا الحاضر .
الله يرحم جدتك ويسكنها فسيح جناته ويرحم موتانا وموتى المسلمين جميعاً .
وشكراً على السالفة الممتعه ، أعادتنا للأيام الخوالي . ههه

[ام الايتام]

أم البنات أيام زمان والفيديو هذاك اللي لازق بالتلفزيون من تحت . وفلم عمر المختار . يا الله .
هذا الفلم الوحيد اللي ما ينمل منه حتى إلا وقتنا الحاضر .
الله يرحم جدتك ويسكنها فسيح جناته ويرحم موتانا وموتى المسلمين جميعاً .
وشكراً على السالفة الممتعه ، أعادتنا للأيام الخوالي . ههه


مرحبا اخوي

ذكريات منمل من تذكرها

اللهم امين
مشكور اخوي نورت الصفحه