محاوله انعاش دفرنس لاندكروزر قديم :)

[هويدي]

السلام عليكم ورحمه الله وبركاته

احد الاصدقاء يعاني من نفضه وصوت كارونه بسياراته الاندكروزر 96
فتم فك عامود الدبل وراحت النفضه ولله الحمد فشرت عليه بتركيب فرارات :good2:

ولكن بقي صوت ونه الكارونه .. بدا من سنه تقريباً ـ واخذ بالازدياد
ارسلتله رابط موضوع اخونا الاصيل على الوات ساب

http://www.mekshat.com/vb/showthread.php?t=439394&highlight=%C7%E1%CF%DD%D1%E4%D3
الموضوع حسب افادته ساهم فيه نخبه من اخوننا الافاضل بدوي جنوبي وسوبر فتك

تحمس الرجل وتواعدت انا وياه يوم الخميس الصبح لنذهب ونشتري الاغراض
تم شراء مشحمه المانيه بـ 40
وعلبتين زيت عيار 90 للدفرنس الوحده بأربعين 4 لتر بترومين وشل علبته بـ 35
ومضخه حقت الماء بـ ريالين ( مثل اللي يعبون فيها مويه البطاريه )
وشحم الماني بـ 30 ريال

وحسب افاده صاحب الموتر انه مر على مشحمه قبل شهرين وقاله ناقص
وعباه !! فكينا صره التعبه مقاسها 24 يفضل استخدام الحبه

طلع الزيت زايد والله العالم لانه ابطى يصب وبعد ماخلص فكينا علبه التفريغ اللي تحت
وسكبنا من الدفرنس 2 لتر تقريباً وطلع الزيت اسود وفيه براده حديد تلمع مثل الترتراللي ينشب
في شنبات وملابس حديثي الزواج :D

سمينا بالله ووضعنا الشحم داخل الدفرنس لخمه على قوله ابوعبدالرحمن ثم عبينا الزيت
الى ان فاض من صره التعبئه بعد ذلك تم تشحيم العامود وتم الاحتفاض بباقي الزيت استعداداً لتغيير جزء منه بعد 3 الاف كيلو وإن شاء الله نبشركم بالنتايج الطيبه

دواء الونه ماحصلته ببعض محلات الزيوت هل يظر لو حطيته مرتين ؟
مع التغييره الجزئيه القادمة ومره ثانيه مع التغييره الاخيره والكليه <= حسيت اني عالم ذرة

هذه تجربتي اطرحها في منتدانا العزيز كشكر لمبدعينا وثمار لجهودهم
الله يكتبلهم الاجر ولجميع الاخوان وإن شاء الله سنوافيكم بكل جديد ومفيد حول الموضوع

[عمر الشريف]

جميييل الخطوووات المتبعه وإن دل على ان نيوتن من قبيلتك..:D:D:D

الحقيقة أن شي طيب رااعي الحلال يصلح حلاله ..

ع العموووووم عسى الله لكم القوه

[بدوي جنوبي]

ههههههههه أما ترتر ما لقيت الا ذا الوصف :)

بعدين تعال ما يحتاج ننتظر 3 أسابيع
يبين معك الصوت من أول قيادة

[قناص*07]

الله يعطيك ويعطي مشرفينا العافيه

نعم وانا مثلك وبدأت باول خطوه ولاكن ولله الحمد بدون مشاكل ولا اصوات بالكرونه بس للتجديد


و الترتر اسمه اكليل الضاهر
ههههههههههه

[سلطان النمس]

حلوه ترتر
مافهمها الا اهل الجنوب الله يقويك بس عندي سوال هل مضخة المويه دفعت الزيت لاني دايم اخير الزيت في البيت لاكن يتعبني تغيير زيت الدفرنس

[هويدي]

الله يقويك اخي عمر الشريف

هلا بالجنوبي ماعرف اسمه العلمي <= حشى فلز مب براده
غيرت تقريباً اكثر من نص الزيت بقليل والمره الجايه ابغير النص لان زيته وكاله
وغير كذا ماحصلت الدواء في محلات الصناعيه

هلا بالقناص اكليل الجوز ام اكليل العنب :) امزح
الله يخلي لك مسلم كارونته هههههههه

هلابك سلطان النمس
دفعت الزيت بس متعبه بعض الشي وبالنظر للجانب المشرق نقول رياضه وفايده :)

[sgl2002]

ترتر هههههههههههههههههااااااااااااي

[قصيمي شمالي]

الدواء تحصله عند بالبيد الظاهر انه ب 35 ريال

[جمس_454_97]

اخوي الغالي نصيحه اذا فضيته لا تحط زيت بترومين
حط زيت جي ام وعلبتين دواء الونه انتبه ترى زيت بترومين ماهو هاك الزود بالجوده وماخرب كارونات العالم الا زيت بترومين بس خله حق عملية تنظيف للكارونه
اما بالنسبه لشحم الشحم انواع وارقام فيه شي يتحمل 190 وفيه شي يتحمل 240
وافضلها نوع اخضر يتحمل الى 240 مايسيح
وتلاقيه عند وكلاء الرمان بصناعية التريلات قيمته 30 ريال للكيلو
ونصح فيه بشده وحسب ماسمعت انه لازم ينفك غطاء الدفرنس وينحط على الرمانات ماهو تحطه كذا
هذا ماقاله لي صاحب الكرونات ومرات يكون سبب الونه رمان يتغير وتنتهي المشكله
لكن ارجع واكرر حط زيت جي ام الاصلي اشتره من بالبيد مع ثنين من دواء الونه وحط دواء الونه قبل تحط الزيت ولو ترجع لكلام اخونا اصيل تلاقيه كاتب حط زيت جي ام او زيت اصلي
وانا مالي ذاك الخبره مجرد اسمع او اقراء بالمواضيع

[بدوي جنوبي]

بعض الاحيان أذا لاحظت برداة حديد كثيرة
هذا يدل على أن التآكل كثير وسبب نتوءات او حفر بوسط سنون الكرونا

http://www.mekshat.com/pix/upload05/images226/mk32037_5.jpg

http://img406.imageshack.us/img406/869/pic18vl0.png

[أصيل حجآ زي]

http://www.mekshat.com/pix/upload/images39/mk55341_zaz.gif
الحـمـد ُ لله والصـلاة و الـسـلام عـلى رسول الله
وأزوآجـه الـطآهـرآت الـمـُطـهـرآت أُمهـآت الـمـؤمنين
وآله وصحبه ومن وآلآه وجميع الأنبيـاء والـمـُرسلين .
اللهـُم بـك أهـتـدي وبـك أسـتـعـيـن وبنبيك مُحمدٌ أقتدي .




زي ما قآلو لك الأخوآن الكرآم .


وكلام قصيمي شمآلي صح
بس السعر أضــُن بـ 45 هذي الأيآم .
تحصلــُه عند بآلبيد أو وكلاءجي أم GM الأخرين .


وزي ما تفضل الأخ / جمس
بالنسبة لطريقة حط الدواء والزيت والشحم .


بس لا تحــُط دواء ولا شحم الا أخر مرة بتغيرُه تغيير نهآئي .


يعني أذا في نيتك تحط زيت مرة ثآنية للتنظيف أو لتكملت التمرين 3,000 كلم .
فحــُط أي زيت تجآري زيت دفرنشآت عيآر 80W - 90 .


وأخر مرة زي ما شرح لك الأخ الكريم / جمس .


أفضل زيت الوكآلة أو
زيت جي أم GM اللي أصلي بأسفل الصفحة .


أخوي الكريم / هويدي
فيه دروس للمُهندس القدير / بدوي جنوبي
عن العكوس والصُلبآن والأعمدة
والتآجية { الكرونة } أضيف لك روآبطهُم :



۩۩ موسوعة صيانة الدفرنسات ووزن الكرونه برضو بالصور ۩۩ (http://www.mekshat.com/vb/showthread.php?t=85484)




@@أجزاء الدفرنس والفرق بين الخلفي والامامي بالصور@@ (http://www.mekshat.com/vb/showthread.php?t=68903)



°° °°☼ •• كارونة دفرنس توضيبها بالصور اكثر من 108 صورة ••☼ °° °° (http://www.mekshat.com/vb/showthread.php?t=229302)



۞ (http://www.mekshat.com/vb/showthread.php?t=87376) ‏ صيانة اعطال العمدان و الصلبان اكيد بالصور ۞ (http://www.mekshat.com/vb/showthread.php?t=87376) ‏









يمكن تضطر لـــ
وزن الكرونة صح 100% .



الشيء الأخر بعد ما يوزنها صح
هذا أذا هي مقآسآت كرونتك صحيحة .



فعب زيت أصلي عيآر 80W - 90



أو عيآر 75W - 90



وزوّد عليه علبة { قآرورة / قنينة } دواء الحنة / الونة /
الطنة / الزنة وخذمة شحم أخضر من اللي وصى به جمس :
http://www.mekshat.com/pix/upload02/images81/mk14425_20f080923(002).jpg





http://www.gmpartsdirect.com/part_images/1052358.gif






ولو تشتري وتعبي زيت دفرنشآت منجي أم GM الأصلي أفضل :
http://www.camaro5.com/forums/attachment.php?attachmentid=149719&d=1280364480




جي أم GM

وليس أي سي ديلكو AC Delco التجآري .
.

.

.

.



http://www.aqarcity.com/images/smilies/p5088.gif




موفـق
وتلقى خير بأذن الله

""" و الله ُ أعـــلـم وأكــمـــل """

تـــآبــع دروســي لـلـفـآئـدة
فأنا أُلفها وأجمعها لك بلا كلل أو ملل :
كـيـف تـُـصـبـح مـُهـنـدس سـيـآرآت وكـهـربائي سيارآت ومـنـآزل ؟؟؟ 100% (http://www.mekshat.com/vb/showthread.php?t=226714)
.

.

هـذا تحــت رآبــط
دروسي جـمعـُه الـمـهندس
ســــــُوبـر فتك VTC جزآه الله خير
أُهـــديــــه لـكـــُـم جـمـيـعــآ خآصة :
دروس ألأصيل الحجآزي (http://www.mekshat.com/vb/search.php?do=finduser&u=127328&starteronly=1)



.

أخي :
أن تـرى أني
قـد أفـدتــُـك بــشيء ذي مـعـنى ... :)


وأستحق مـــــنــــــك دعوة صالحة
فــــــــــــــــــلا تــنــــــــــــــســآني :no2:
مـــــن صــــــآلـح دُعــــآك
فأنت كريمٌ وأنا أستآهل .
:burnout2:


تـحـيـــآتي
بــلا حـدود ولا سدود .

.
<<< أبـو عـبـد الـرحـمـن >>>
""" الأصـيـل الـحـجـآزي """





.

[هويدي]

الله يعطيكم العافيه يالربع على المعلومات القيمه

اشكركم على التفاعل مع الموضوع كما عهدناكم

على بركه الله بنخلي البترومين للغسيل والاسبوع القادم نشتري الشحم والدواء والزيت الاصلي

وفي هذه الاثناء نمزمز على مواضيع حبيبنا البدوي " يمكن يتطور المشروع ونفصفص الدفرنس :)

بيض الله وجيهكم جميعا

[هويدي]

كان لي مرور للجميع اليوم الصباح

حصلت عنده الماده ( دواء الدفرنس ) بـ 44 ريال

وزيت جي ام سي بـ 60 ريال

سألته عن دواء القير سألني عن نوع السياره " حسب كلامه فيه نوعين شي للقديم وشي للجديد (تماتيك)
قلتله قير عادي قال اطلب ربك مافيه :)

[عاشق مكشات]

للرفععععععع

[هويدي]

الله يرفع قدرك ومن يقرا

ابشركم هالاسبوع غيرنا النص الثاني <--- اكبر همهم انت ودفرنسك :)

الاسبوع الجاي إن الله احيانا بنغيره كله " تشوفونا بـ MBC في اسبوع والله يعين على المعجبات

والخطه كما اشاروا الاخوان ـ جزاهم الله خير ـ البترومين بنخليه للغسيل والامريكي والدواء بالاخير إن شاء الله

[GM_400]

بالتوفيق متابعين معكم النتيجه النهائية

ولو أني افضل خلط الزيت القديم بالجديد نص بنص

شكرا لك

[Bader-M]

عليكم السلام

تجربة قيمة ومفيدة

لو ترفق الصور حتى تتضح الفكرة اكثر للاعضاء

تقبل مروري

[alrzeenq8]

وش النتيجه ؟؟؟؟؟ الله يوفقكم

[التمسساح]

وش النتيجه ؟؟؟؟؟ الله يوفقكم



النتيجه فتاااااكه

[هويدي]

النتيجه فتاااااكه


ههههههههههه عزالله جبتها

الدفرنس يطلبكم الحل مع العلم لم يتم اضافه الدواء .. صاحب الموتر مشى على الزيت المغشوش

وانا اسف جداً على اهمال الموضوع سجيت عنه :)

[N.m.a]

ههههههههههه عزالله جبتها

الدفرنس يطلبكم الحل مع العلم لم يتم اضافه الدواء .. صاحب الموتر مشى على الزيت المغشوش

وانا اسف جداً على اهمال الموضوع سجيت عنه :)

علمنا عن الزيت الي حطه لانتوهق !

[هويدي]

الدفرنس من حينه يرقل :)

ولكن الحذر واجب


وعلبتين زيت عيار 90 للدفرنس الوحده بأربعين 4 لتر بترومين وشل علبته بـ 35