من جرب الفورد ونيت؟

[خنشلية]

صبحكم الله بالخير جميعا. ناوي اشتري لي وينت غمارتين وفلوس في حدود ال 40. الصراحة الهايلكسات طايره هي والددادسن فقلت مالنا الا الفورد. اللي جربه يمدحه ولايذمه؟ علمونا جزاكم الله خير

[اسدهم]

والله يالغلا انواع الفورد بس ادخل علا رابطة الفورد وتحصل انا اتكلم عن الفوردحقات الامارة سابقا اطويل معي شاري من حوالي 4سنوات ما اشتكي منة دبل وشاص طويل

[خنشلية]

لاياحبيّبي انا اقصد اللي حجمه كنه هايلكس بس مدري والله و ش اسمه

[كاشت وحداني]

تقصد رنجلر
هذا اسم ونيت فورد الصغير
ما انصحك به
بس دام فلوسك بحدود ال ٤٠
شف لك باترول ٩٠ الى ٩٤ او ٩٥ ابيض سلق بنص فلوسك اوانقص شوي او ازود شوي حسب النظافه
والباقي بتجهز منه الموتر بما يلزمك للبر وبعد بتوفر ان شاءالله
والله يدلك

[كاشت وحداني]

طبعا كلامي اللي فوق اذا تبي موتر بر فقط
اما اذا تبيه موتر شخصي وبر وناوي ونيت
مالك الاتلف السوق لين تلاقي اللي يناسبك
لكن ونيت الفورد الصغير هذا يوجد صعوبه في توفر قطع الغيار

[خنشلية]

لاوالله ابيه للبيت واغراض عالخفيف. جايز لي الصراحة شكله وسعره جدا معقول بس يقولون مطبه اقشر شوي واعطاله مهوب اي ميكانيكي يضبطها

[الريصي]

مساء الخير اخي بخصوص الفورد انصحك فيه بشده عزالله سيارة بر وديره اقسم بالله استخدامي كل حياتي جيب تايوتا ولا زال الجيب موجود بس بعد مااستخدمت الفورد عزالله ندمت على كل لحظه ما اعرفت فيها الفورد او ملكته والله اخي الان هو سيارتي بالبر والسفر ولله الحمد ماشفت منه الا الشي الزين والان افكر ابيع الجي اكس لانه مو لازمني اخي انا كلامي للفورد الوانيت الكبير f150 هذا اول استخدام لي للفورد ولا راح اغيره الا بفورد جديد. ربي يحفظك وييهديك للي فيه خير لك في دينك ودنياك

[لاتكب البيالة]

السلام عليكم
واحد من الربع مجربه الصدق انه ممتاز ويكرف
بس طلعت لخويي مشكلة الحرارة وعجز يحله وباعه طبع اللي كان معه ديزل

[خنشلية]

جزاكم الله كل خير