ابغا الافاده بسرع وقت

[ص ح ل2009]

السلام عليكم ورحمة الله وبركاته
بعد التحيه والتقدير
ابغا اركب هدرز وسده على هلي دبل
1- ايش يفيد الهدرز على السياره
2- ايش تفيد السده على السيارة
3- هل فيها ضررعلى السيارة
4- وين افضل محل يركبها في القصيم

[كيري ميري]

الهدرز ينفس على الماكينه ويزيد عزمها . السده اكثر تنفيس وتفيد عند السرعات على 1و2 كثيرااااااااااا.

ليس لها ضرر .فائدتها اكثر تبريد على السياره وعزم قوي ماتكسر الموتر على طول تطلع الطعس .

[عسعس xp]

السلام عليكم ,

الهدرز بالمعنى العامي ( أنك تركب شكمان جديد أكبر من حق الوكاله من الاقزوز الى الدبه الاخيره

يعني مثال : عرض شكمان البلد 2 يكبره فيخليه 3 .

الهدرز يبردعلى الموتر , ويقلل من صرفية البنزين ,
ويساعد على خروج الهوا من المكينه بشكل أسرع فيعطي عزم اقوى للموتر

الســده: تخلي الهواء يطلع اسرع بعد لكن مشكلته أنه مزعجه ,
وأنه مادامك فاتحه ينقص زيت لكن لا سكرته يروح النقص ^ طبعا النقص خفيف لكن ملحوض ^

ضرر الهدرز ادا كنت مركب بس اقزوز والباقي حق شد البلديصير الموترينقص زيت

لكنــ ادا ركبت هدرز كامل ما ينقص


في النهايه أنصحك : أنك تركب هدرز كامل مع سده وحده

وادا بغيت تركب اقزوز بس والباقي حق شد البلد خله يركبلك ثلاث سدات ( بدون سدات بيفرق معك شوي
لكن ادا فكيتهن بيفرق معك واجد

اما الهدرز الكامل انشط من القزوز+ ثلاث سدات

ممكن أصير مخطي لكني أتكلملك عن تجربه
انا مركب هدرز كامل على موتري
وكم واحد من اخوياي

فيه ناس كثيرين يركبون هدرزات لكن انا وبعض الي اعرفهم مركبين عند




أي استفسار انا حاضر

وأرجو ان أكون أستحققت دعوة في ظهر الغيب




فيــ أمـــا نــــ الــلـه .

[رائد نملان الحبابي]

بيض الله وجه الجميع

[ابوهاشم a]

اغلب الشباب ينصحون بالهدرز ولابد نركب هدرز

[ص ح ل2009]

بيض الله وجه كل من مر على الموضوع ورحم الله ولدي ولدينكم ولدين المسلمين اجمعين
امـــــــــــــــــيــــــــــــــــــــــــن

[ذيب خزاز]

الهددرز يتعب البلوف والله اعلم
والشباب المجربين أدرى مني