المساعد الشخصي الرقمي

مشاهدة النسخة كاملة : خذيت زيت عــُـلـبـة الـزيـت أ لـتـرآ 7 Ulra و صارت حاله البترول زفت تعالو


فلقه
11/02/2012, 10:20 PM
السلام عليكم
سيارتي : بترول باب واحد 1991
الزيت الاول اللي اسخدمه من عرفت سيارتي قبل كانت مع ابوي : سوبر شل
سالفتي هذي هي قدامكم
غيرت الزيت من سوبر شل الي الترا سفن
وصار الزين ينقص نقص غريب عجيب
كل شوي ينقص بديت اشك قلت ياولد الزيت من اول ماينقص الحين مايوقف نقص
وخليت الموتر واقف عند الباب يوم واحد عشان اشوف ينزل زيت او ولا ما صار ينزل يعني الوضع غريب
الغريب با الامر هذا كله اتوقع تكون ماله دخل الزيت
الجيب عندي يقطع يترتر وبعد هذا كله يرمي رميه قويه
بعده يطفي
بحياه الجيب له معي سنوات ماعمره رما الحين احس انه يحبس الدخان ويرمي :(
استغربت مع هذا كله يقطع
انااخايف لايصير با المكينه شي ونبلش
يليز ساعدوني هل ارجع للزيت الاول ..؟
والشي الثاني وش سالفه الترترتره والرمي والتقطيع ..؟
كل هذي المشكاله ماجتني الا يوم غيرت الزيت

والحين الجيب واقف عند الباب مافي ولا قطره بالعيار الا بطرف السيم بنهايته قلت بخليه بستشير اخواني ونشوف لنا حل
أصيل حجآ زي
12/02/2012, 12:29 AM
وعــلــيـــكـــُم الســـلام

غريبه والله أني أستخدم هذا الزيت من زمآن

والحمدُ لله ما سبب لي أي مــُشكلة .

لا يكون أنك أستخدمت زيت مغشوش .

أو في مُحركك مـُشكلة أو الصــُرة ما هي مربوطة زين .
أو مــُشكلة غريبة .

ننتظر ردك .
ramy asiry
12/02/2012, 01:35 AM
طالما أن العيار ما فيه زيت ممكن يكون تهريب من الصوفة صدر المكينة
أو جلدة طرمبة الزيت
والزيت ما راح يسقط على الأرض الأن التهريب بسيط جدا
بالنسبة لزيت الترا 7 لي الأن 3 اشهر استعمله ولم ألاحظ أي شيء عليه أبدا
تكلفتها تقريبا من 300 -350
فلقه
12/02/2012, 11:29 AM
وعــلــيـــكـــُم الســـلام

غريبه والله أني أستخدم هذا الزيت من زمآن

والحمدُ لله ما سبب لي أي مــُشكلة .

لا يكون أنك أستخدمت زيت مغشوش .

أو في مُحركك مـُشكلة أو الصــُرة ما هي مربوطة زين .
أو مــُشكلة غريبة .

ننتظر ردك .


انت صادق الزيت ممتاز حتا يوم غيرته يوم سالت اصحاب البترولات في مكشات قالو
حط زيت سفن الترا
حتا بعد حصلت واحد با المحطه غير زيته وركب ذا الزيت
بس اناا مستغرب ينقص بشكل غريب الاغرب مافي علامه التهريب
خاش عرض
12/02/2012, 11:50 AM
غير الزيت مرة ثانيه على النوعيه الي كنت تسخدمها اذا فيه فرق والا لا

وانا اشك انه من تركيب السيفون او الصرة نزلت الزيت وهذا الي خلاه ينقص زيت ويقطع لانه اذا المكينه مافيها زيت راح يقطع الموتر من احتكاك البستم في السلندر

وان شاء الله الامور تمام التمام
turkiq
12/02/2012, 11:54 AM
اخوي لا تشك في نوعية الزيت (الترا7) ابد.... هذي شيلها من راسك
انا مستخدمة من سنوات ومن سياراتي باترول ولا شفت الا كل خير ..

شوف وانت تغير الزيت حصل شي معك ..
افتح كبوت السيارة والقي نظرة
لايكون احد فك لك شي سواء بالعمد او بالخطأ ... تفقد مسمار الديلكو وفر الديلكو نفسه
شوف يتحرك معك او لا ... فك قربة الهواء واتفقدها هي وراس الكربريتر
لا يكون البنشري نسي له شي هناك ايضا شيك على اسلاك البواجي.


وان ما لاحظت اشي انصحك بالتالي:
تشتري فلتر زيت اصلي وتروح لبنشري ثاني غير الاول اللي جيته
وقول له يغير الزيت والفلتر .. وهو يغير خله يتفقد
الفلتر القديم والفتحة اللي يركب بها .. وخلك معه

ما لاحظت شي .. شغل وتوكل على الله ثم تفقد الزيت
من وقت لاخر .. وان شاء الله امورك زينة


للعلم فقط .. ترى معيار الزيت (العصا) ما يعطيك كمية الزيت
الحقيقية المتبقية .. يعني اذا شفته وصل للنص مثلا لا تحسب ان نص
الزيت راح ... لا انتبه .. هذا المعيار صمموه علشان يعطيك اشعار
سريع بنزول مستوى الزيت .. حتى لو شي بسيط.

انا مرة مشيت على سيارتي (سوناتا) مسافة اكثر من 10 الاف
وشيكت حصلت الزيت وصل لقريب النص ويوم زدته حصلت النقص
كان مقدار فنجان شاهي او اكثر شوي ... وهذا طبيعي جداً
عادل بن عميرة
12/02/2012, 11:59 AM
طالما أن العيار ما فيه زيت ممكن يكون تهريب من الصوفة صدر المكينة
أو جلدة طرمبة الزيت
والزيت ما راح يسقط على الأرض الأن التهريب بسيط جدا
بالنسبة لزيت الترا 7 لي الأن 3 اشهر استعمله ولم ألاحظ أي شيء عليه أبدا
تكلفتها تقريبا من 300 -350
السلام
انا ااييد اخوووي راامي ع كلامه لانه صار معي تهريب بس مو وااضح من صوفة الصدر وصلحته عند ميكانيكي فنااان وهالحيين مااله اثر
وتقبلوا مروووري وشرطتي:D
أصيل حجآ زي
12/02/2012, 12:03 PM
التهريب من قعر المُحرك { الكرتير } أو وجههُ


أو من الصــُرّة وهي بأسفل شيء


أذا هو كذلك :
وش يسير والسيآرة مآشية
يتطآير { رُذآذ } لذلك قد لا تجد لهُ أثر وآضح .


لاكن لو عندك رآفعة أو حــُفرة وعلى طول بعد المشوآر .


تحـُط السيآرة على الرآفعة أو الحــُفرة
فأكيد بتشوف أثآر الزيت المُهرّب وآضحة .


في الغآلب فيه تهريب أما لبرى
أو أختلط مع نظآم تبريد المُحرّك .


أفضل شيء أشتر أنت زيت من الموزع الرسمي وغيرهُ أنت
بنفسك وبشحمك ولحمك { DIY } أو قف على روسهــُم .


تذكرت أشرطة لكيفية غش الزيوت
يمكن اللي شريت منهُ أو غير لك الزيت غآشها :
الغش في زيوت السيارات‎ - YouTube (http://www.youtube.com/watch?v=lwPgaU8PIrw)


وين مكافحة الغش التجاري انقذو المواطن السعودي‎ - YouTube (http://www.youtube.com/watch?v=R1V1gjHJYA4)


طريقة الغش في زيوت السيارات‎ - YouTube (http://www.youtube.com/watch?v=GSpsg25pelk)



زيوت المحركات في اليمن غش بالجملة‎ - YouTube (http://www.youtube.com/watch?v=R1gAuSFbvyI)



محطة تغيير زيوت على طريق الرياض الخرج تغش زبائنها - الخرج نت | alkharjnet.net (http://alkharjnet.net/news.php?action=show&id=1371)
YUKON_GMC
12/02/2012, 01:25 PM
الرمي - هذي مشكلة كبليتر . يمكن يوم نفخ الفلتر دخل غبار او تراب في الكبريتر او اخلف شيء بالسياره اثناء تغيير الزيت ..

بالنسبه للنقص .. شيء غريب لكن لايكون غشك وغير لك زيت خربان او مغشوش بعلبة الترا سفن .. او ان الزيت يروح للاديتر بسبب عطل بالراس او المبرد افتح الاديتر وتأكد ان الماء سليم ولايوجد معه زيت

وغير عند واحد ثاني وافحص الاسلاك والكويل والديلكو الكبليتر